MIKA 3
3
Mika ta nyenyetele aawiliki yaIsrael
1Pulakeneni, ne aaleli yaIsrael! One tamu dhiladhila okukondjela uuyuuki, 2ihe otamu tondo shoka oshiwanawa nomu hole shoka oshiwinayi. Otamu yuyu aantu yandje ye na omwenyo e tamu pele ko oontumba komasipa gawo. 3Otamu li po aantu yandje. Otamu yuyu aantu yandje, tamu teya omasipa gawo, e tamu ya tetagula ongonyama mombiga. 4Esiku otali ya, uuna tamu ka lilila Omuwa, ihe ite ke mu yamukula nando. Ita ka pulakena omalilagano geni, oshoka omwa longo uuwinayi.
5Oshigwana shandje osha pukithwa kaahunganeki mboka taya uvanekele ombili mboka taye ya pe iimaliwa, ihe mboka itaaye ya pe sha, otaye ya uvithile epangulo. Omuwa ota ti kaahunganeki mbaka: 6“Yahunganeki, ethimbo lyeni otali hulu po; etango otali mu tokele. Oshoka omwa pukitha aantu yandje, itamu ka mona we omamoniko gokuhunganeka noitamu ka vula we okuhunganeka nando osha.” 7Oomboka taa uvitha onakuyiwa, otaa ka adhika kohoni. Otaa ka shonopekwa, oshoka Kalunga ite ya yamukula nando.
8Ihe ngame Omuwa otu udha ndje nombepo ye noonkondo, e ta pe ndje eiuvito lyuuyuuki nomukumo okulombwela oshigwana shaIsrael uulunde washo mpoka u thike. 9Pulakenii ndje, ne aaleli yaIsrael, ne mboka mu tonde uuyuuki notamu u shunine muugoyoki. 10One tamu tungu oshilando shaKalunga, Jerusalem, nomadhipago nuukolokoshi. 11Aaleli yoshilando ohaa pangele molwoombumbo, aayambi ohaa fatulula ompango molwofuto, aahunganeki ohaa hunganeke molwiimaliwa — yo ayehe otaa ti kutya Omuwa oku li pamwe nayo. Otaa ti: “Itatu ka adhika koshiponga. Omuwa oku li natse.”
12Onkee molweni Sion otashi ka pululwa ngepya, Jerusalem otashi ka shituka ondumba yomakulukuma, nondundu ho ku na otempeli, otaku ka shituka okuti.
Currently Selected:
MIKA 3: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.