JESAJA 4
4
1Esiku ndyoka aakiintu yaheyali otaa kwata omulumentu gumwe notaa ti: “Otatu li iikulya yetu yene notatu zala oonguwo dhetu yene, otwa hala ashike u ninge omusamane gwetu, opo twaa se ohoni.”
Jerusalem tashi hupithwa
2Esiku otali ya, uuna Omuwa ta ka kokitha oshimeno nomuti kehe gu ninge omunene tagu lelema nawa. Aaisraeli ayehe mboka taa hupu ko, otaa ka nyanyukwa nokwiitangela iimeno mbyoka ya mena mevi. 3Ayehe mboka ya hupile muJerusalem, oomboka Omuwa e ya hogolola ya hupe ko, otaa ka ithanwa aayapuki. 4Okoonkondo dhe Omuwa ta ka tokola nokuyoga oshigwana e ta panga uutoni waJerusalem te shi ningi nombepo yepangulo noyelungunitho. 5Nena Omuwa ota ka tumina kondundu Sion nokwaayehe mboka ya gongala ko, oshikogo sholwithi omutenya neye lyomulilo uusiku. Eadhimo lyaKalunga otali siikile nokugamena oshilando ashihe. 6Eadhimo lye otali ka siikila oshilando noku shi tula momunzile, shi shigwe kuupyu womutenya noku shi ninga ehala lyegameneno, oku shi shiga koshikungulu nokomvula.
Currently Selected:
JESAJA 4: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.