MARK Kalge ɓil kefder seno
Kalge ɓil kefder seno
Wããre ma de Cõõre mani Mark jag godogray. Mani Matiye, Lug wo de Jaŋ ɓaaran wo de yerge jag de pããrege de daŋ ɓe no. Mark joŋ go de yer ma ɓen taŋgu ma jar lan wo no. Mark wãã wããre ne naa ti joŋre peele maga Yeso a joŋge ɓe, de wããre maga á nduu siigi ne jare, de joŋre maga á joŋ ra, de húulì ɓe, day se fer le go kal ge ciŋ tenen caw tigriŋ. Á kaŋ nen naa ti Yeso ga á diŋ wel Baa. Pan ɓe de koge ɓe ga á diŋ wel se lay à daʼ egre ma wãã wããre maysela ɓuy diŋ doo ɓe.
Wããre se maga Mark yern go gusi, á diŋ wããre maga mbe defay tum kay, raw wur go gà. Mark yer wããre ti biŋgi Yeso wo de klee ɓe maga á hay klee caw mo gà. Á tĩĩ wer wããre ɓen tuu de joŋre maga Jaŋ ma yog jar de bii wo ɓil ful mono (1.1-8). Lan diŋ ti yogge de bii maga Jaŋ yog Yeso, ga Manhúulí maŋ blam ɓe wo jãɗge wo ni mono (1.9-13) Wããre Yeso ma de Cõõre maga Mark yern mo deŋ ɓuy, á yer daŋ ge wããren diŋ ti joŋre Yeso maga á joŋn Galile mono (1.14—9.50).
Yeso Galile deŋ, kal rawge Jude, de maga se de wo rawge Jerusalem mokay, kal heege Jeriko taw (10.1-52). Jar tebere raw wo giŋgi ɓe, Yeso kal naa nen see ɓe go de egre ɓi sir Galile nen naw ma de renam mo taʼ no (11.1—13.37) Juda raw mbuɗ foo ɓe, á raw bagge ɓe, wo de ɓe jag kiida, á raw cag wããre ɓe go ga ʼwarn go. Á fer ti see ɓe go gesiŋ, à ɓaln go ti koo, se huu go (14.1—15.39).
Wersen siigi wããre maga á huu, fer le go kalge ciŋ tenen caw tigriŋ pa mono, sen diŋ ma kaŋ nen jar ga á joŋ blum reen we go ɓuy, mopo gwaʼ gà so.
Lan diŋ wããre maga Mark yern ga Yeso Waŋkluu fer le go kalge ciŋ tenen caw tigriŋ ndar nen see ɓe ne jare, blam sen se kal rawge ciŋ (16.9-20).
Currently Selected:
MARK Kalge ɓil kefder seno: TUP
Highlight
Share
Copy
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.