ZEPHANIAH 3
3
Jerusalem shou Küghakütha
1Hebide eno shipixi, qoda neda
chekeu mishighüna haküsapue!
2Li ye khuu sütsa mu ini chemo;
eno shikithekütsü ikhilu chemoe.
Li ye Ampeu pükhübe chemo;
eno Alhou kupunu ighi chemoe.
3Li qholo hiyampemi akeqo ye
abongshuu toi keqoe;
xaküthami no avela tüngtüghaqo,
tsütho mono külhüve chekeqo.
4Liw tungkupmi ye lhelheshi, pishikiqhimi ke;
achinemi no akimthe pesü kitiqe;
eno ayezah hexa cheni.
5 Ampeu ye li lau achipikumo
shimono achipiu mikucho shike;
ina atsütsü Pa ye tamono Pa chipiu
xakütha pephe piye cheni;
ikemu achipikumomi ye akukujo ghi ithi chemoe.
6“I no shiyeqo ghitha pevae;
pano ghukhe-aqo ye kütsavae;
pano laghila ye kümsa shive no
khunomu tipaqo lo püla movae;
pano phughiqo ye pighive no
milakhimu küghüna movae.
7I no pi, ‘Mtsüqheino no ye I sümsa nani;
no ye shikithekütsü ikhilu nani.
Tishino o kungo-a ye kütsamo nani
eno o shou aghime ighimo nani.’
Ikemu panongu no alaushi pano
kümla shipüsa kithe auveke.
8“Tighenguno I no ithughi no thopi tsüni keu tsala
khelo” ipi Ampeu no sheshu.
Kughengu Iw xakütha ye shiye
eno kükaqhaqo hekütsüni keu,
panongu shou I xukighide
pitipüza keu lepukuni keu ke;
kughengu I loghu miküqü no
ayeghi kümtsü pitileve nani.
Shiyeqo Mlo Pekibide
9“Kughengu tipa ghuloki lo I no
shiyeqo tsapi tsüghükhüi shi kilive tsü nani,
ti ye kümtsü no Ampeu je kulu
eno lakhi shi Pa qelu peniye ke.
10Cush ghoki kukuu no I mlla
chekemi, Iw timi apanaghave
kemi no akümllagho süghi nani.
11“Tipani nono I hebide püaghi
namu Ni ye o shikujomo nani;
kughengu I no o launo aqheküzami
tsütsüngoju chekemi ikhive nani,
eno Iw akimthe toghi lo nongu ye
akuchhoma shikithe mo nani.
12Ikemu I no nongu gholo
akümtshami eno aqhokighemi qhitsü nani.
Panongu no Ampeu jelono aküghütshü-a phu nani,
13Israel lo ghülu keqo ye
achipikumo xakütha shimo nani
eno akimki tsa pimo nani,
momu pano kichi lo pishikiqhi
mili ithulumo nani.
Panongu no chuno ihozü nani eno
khunomu pano kichimo nani.”
Israel Lokivi
14Igha ale phelo, O Zion limi;
ighalo, O Israel! Alovilo eno
o mlo kuchopu süno ilhe alovilo,
O Jerusalem limi!
15 Ampeu no o launo küghakütha pewuve tsüae;
Pa no o ghümiqo haleve tsüae.
Israel Kükau, Ampeu no o gholo anike no ye khilemu
alhoksa msakithe moae.
16Tipani Jerusalem vilo pi nani:
“Msa kevilo, O Zion;
o u miqemleive kevilo.
17 Ampeu o Lhou no o gholo ani,
akughushuu, xaluni küau no
alokivi shi o jupe amloqi; eno nono
Paw kikimiye lo iqünhei lunani;
Pa no igha alephe o jupe alovi nani.
18Tiqhetini ghenguno mlo chekeqo I no hekütsü nani,
tishianguno nongu ye aghime shikithe mo nani.
19Julo, tipa ghuloki lo I no nongu
qhasü chekemi ghimeqhi nani.
I no aphiau kinitave kemi xalu eno
hapheve kemi hekütsü nani,
eno pano kukujo pesü shekiqhe lo
süve tsüno ayeghiqha kümtsü ajepipi tsü nani.
20Kughou I no nongu hekütsüni keno tileno I no nongu
sasü kümtsa aki lo ighi nani;
kughengu ayeghi lo ashiaye kümtsü gholono I no nongu
je pipitsü eno sheqhe nani,
ti ye I no nongu nhethe lono no küakini tsüchile kelono
tishi nani,” ipi Ampeu no pi.
Currently Selected:
ZEPHANIAH 3: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More