ZEPHANIAH 2
2
Judah Ghümi shou Küghakütha
1Kuho kumqolo, iyei, kumqolo,
O akukujo küha keu shiye,
2xaküthaza shikupu mphi lono
—atsala no amuu toi fupe wuve mphi lono—
Ampeu loghu pitiqhi keu no
o shou ikughi mphi lono,
Ampeu xukighide tsala no
o lau ighi mphi lono hekütsü lo.
3 Ampeu phulo, nongu ayeghi lo aqhokighemi,
Pa chipiu zakütsü peche kemi;
achipiu-mikucho; akümtsha shilo;
Ampeu xukighide tsala lo
o pesü küghütshüve luvi ke.
4Kughengu Gaza ye pighive nani,
Ashkelon ye yenguyive nani;
Ashdodmi ye pucho mta lono
haleve eno Ekron ye nhüve nani.
5Nongu azüghimkü lo küami,
Kherethmi shiye haküsapue!
O Philistiami yeghi Canaan,
Ampeu tsa no o lachile anie,
xüküami kühave moke kutolo I no nongu kütsaleve nani.
6Eno no, azüghimkü ye atsü-aqu
ngo ambekhemi ghenguno
achu kümza luza shive nani.
7Azüghimkü huye Judah lagha lo
ghülu kemi sala shive nani,
pano tsü-aqu no tile mzachu
eno akhemi no kijiliu Ashkelon
lo aki akeqo lo ihozü nani.
Kughengu Ampeu panongu Lhou no panoqo kümsülu
no pano ngukümgha tsüchile nani.
8“Moabmi no thogha junu keu
eno Ammonmi no cheqhi keu,
panoqo no Iw timi junu eno pano
lughi shou aqheküza tsa pikeu I no chiluvae.
9Tighenguno, Ni hi xü anike,” aqokitikhi Mpeu,
Israel Lhou no asheshu,
“Moab no Sodom eno Ammonmi
no Gomorrah toive nani,
apüghüli eno amti kuchhuki shive no
alholo ghenguno pighive nani.
Iw timi ghükulumi no panoqo lepuwuve nani eno Iw
timi lo ghükulumi no pano mheghi shive nani.”
10Panongu qheküza lame hi no panongu saje shi nani,
kughengu panongu no aqokitikhi MPEUw timi
junu eno panoqo shou qheza ke.
11 Ampeu no panoqo shou aküighüpu süghi nani;
kughengu Pa no ayeghi lo lhouqo akhü no pithive nani,
eno shiye kümtsü pütüta-a lono,
Pa zülo qhoqhü itsaqi nani.
12O nongu Cushmiqo ghi,
I zütakikihi no ghiqhive nani.
13Pa no ahuumi shou Pa u süqhe
nani eno Assyria kütsaleve nani,
Pa no Nineveh küghüküghaleive
tsüno asayeli toi qhai qhive nani.
14Pichepighi eno tüghashi kümtsü
no aphughi mta lo iqi ihozü nani;
aqhaqho eno achequ thotsü liw
qhemghaike chebo lo ngo nani;
alashe lono igha nani; kütsakungo
keu no ahukikha lo ngove nani;
kughengu cedar sü no mlakeu ye muhumaive nani.
15Hi no alokivi eno sükusho akeu
mishighüna, li mlo lono piche,
“Ni thono kütami ye khumu kühae.”
Li ye kiutoi küghüküghaleive
akelae, tüghashi kungo-a shivae!
Khunoqo no li hechesü wu keno
atuthu kuloghi sheqhi
eno au sükumqo luve ke.
Currently Selected:
ZEPHANIAH 2: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More