NAHUM 2
2
Nineveh Kütsave
1O haleveni kemi ye ighivae.
Aghukhe-a lo ngoluve lo;
alaghi khekuto lo;
aghü shinike aghili kutolulo;
o kumto kümtsü pephelo.
2Kughengu Ampeu no Israel kükanguagha toi keu
Jacob kükanguagha tsüchile ani,
kughengu küpkami no panongu xulepuwuve
eno pano lokaqo kütsave tsüe.
3Akughushumi züto ye huchuyi;
ghüshimi no hughüi keu phimini pepu ani.
Pa no panoqo kuloquke tsalani
khurkulu ngo cypress ngupa
no kulo phaphashi ighi.
4Khurkuluqo no alaghi lo mqhumza kuhapo,
alapaqo lo mtazü pohu powo;
tipaqo ye akuluqhe toi iqü;
tsütsüpha toi mthüthei ke.
5Pa no paw hiyampemi kümsülu;
panongu no chewu kelo küpxalu,
panongu no mtazü aliwo lo wu;
eno aqoghe shiqhe puku.
6Aghoki khaghoqo khaqhivae;
kükaki ye pitikümlavae;
7tile alojiliu ye aphikümsa shive no xapu wuvae,
li qelimi no mloqa ani, miqhedu
toi mlo ani eno pano mla kukhu ani.
8Nineveh ye ayizükucho lakhi
azü qowuve keu toivae.
“Ngovelo! Ngovelo!” ipi ighamku,
ikemu khunomu ide ighimoe.
9Ghükayi xulepuwu lo,
ameshoyi xulepuwu lo!
Küakini momu akughupu thime
akeqo ye ashekha küha anie.
10Pighivae! Küghüküghalei eno kütsalevae!
Amlo hau, akhonhe khokhoshi;
aphi kümtsü amloghuju likhi;
kümtsü no agi phalaivae!
11Abongshuu ki eno abongshuu lhotheqo
loji chekeu-a khilave akea?
Abongshuu atsü eno aqu no achekeu,
khunomu patiqo pünaqhi mono acheke.
12Abongshuu no patiqo sala lukümkha shi lhoxü heqhiche
eno pa tüna sala lhoxü tsüqhiche;
pa kungo-a lo lhoxü tsüve keu eno
ashi sütha pinyive keu no chhitoike.
13Aqokitikhi Mpeu no sheshu, Julo, Ni ye o mjochile ani, eno I no ow khurkuluqo pitileve tsü nani, eno azütakikihi no ow abongshuu lhotheqo kütsave nani. Nono xulepughi keu I no ayeghi lono pühave tsü nani, eno o ghinimi sütsa ye khilemu chilu kithe move nani.
Currently Selected:
NAHUM 2: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More