MARK Kilekithitsa
Kilekithitsa
Mark no yekeu Atsakiviu lo “Alhou Nu Jisü Khristo Sütsa kivi ghili” ipikeu no hukuthu tsa shi ani. Jisü ye mlaqhikulumi eno aküka akemi shi pipüani. Pa kükütsü lo tüghami shou aküka akeu lo eno timi xine pevetsü keu lono pa küka piyekeu shi ani. Jisü no pa likhi pa ye Timi Nu kepi piche eno pa no ighikeu ye kütami axine lono xapheni keu lo pa küxü tsüniye ke.
Mark no Jisü xüghili vejoi yetsü eno Jisü no kiu shikeno tiuno pa no pikeu tsa ngo kütsü keu tsa nguno akhotou shike. Baptiz kishiu John ghili eno Jisü baptiz shilu keu ngo ghuju keu ghili ikhonhei kilekithitsa tsüno vejoi Jisü no shipivi keu eno kütsü keu kümla yetsü. Jisü papemi ye ado kushuo thiuno pa ye khuu keno vethalu ikemu pa mjochile kemiye pa ghümi shiuve. Akiyedo ashekha lauye Jisü küxü lo apinedo ashekhau shikeu, akhoto no pa yedave eno xüchilethughive keu ghili yetsü.
Atsakiviu hipau lo kishekha tsa ajeli kini ani, ti ye Mark no yekeu nguno kütami no ye kepi kihi cheni.
Kaku Kimji: Jisü mpi, pa kümla eno shiküka pephe tsüniye ke.
Khuu no ye kea: Mark.
Khileno ye kea: Rome lono.
Khuno lau ye kea: Rome lo Khristomi lau.
Kughono ye kea: A.D. 60 qhauno Atsakiviu bidi dolo Mark Atsakiviu paghi yepüani.
Currently Selected:
MARK Kilekithitsa: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More