MATTHEW 1
1
Jisü Khristo Puasü
(Lk 3:23-38)
1Jisü Khristo, David nu, Abraham nu, puasüqo laghaphi kaku.
2Abraham nu Isaac, Isaac nu Jacob, Jacob nu Judah ngo pa thiküzümi, 3Judah nu Perez ngo Zerah, Tamar vecheo punu keu, Perez nu Hezron, Hezron nu Ram, 4Ram nu Amminadab, Amminadab nu Nahshon, Nahshon nu Salmon, 5Salmon nu Boaz, Rahab vecheo punu keu, Boaz nu Obed, Ruth vecheo punu keu, Obed nu Jesse, 6eno Jesse nu akükau David.
David nu Solomon, Uriah nipu vecheo punu keu, 7Solomon nu Rehoboam, Rehoboam nu Abijah, Abijah nu Asaph, 8Asaph nu Jehoshaphat, Jehoshaphat nu Joram, Joram nu Uzziah, 9Uzziah nu Jotham, Jotham nu Ahaz, Ahaz nu Hezekiah, 10Hezekiah nu Manasseh, Manasseh nu Amos, Amos nu Josiah, 11Josiah nu Jeconiah ngo pa thiküzümi, Babylon lo kughu sawuve keu ghuloki kutolo hi no apuasüqo ke.
12Babylon lo kughu sawuve kethiu: Jeconiah nu Shealtiel, Shealtiel nu Zerubbabel, 13Zerubbabel nu Abiud, Abiud nu Eliakim, Eliakim nu Azor, 14Azor nu Zadok, Zadok nu Achim, Achim nu Eliud, 15Eliud nu Eleazar, Eleazar nu Matthan, Matthan nu Jacob, 16eno Khristo ipi chekeu Jisü ye Mary, khuu Jacob nu Joseph nipu keno, li vecheo punu.
17Ikehu Abraham lono David kutolo tiqheli chighibidi, titoi David lono Babylon lo kughu sawuve keu kutolo tiqheli chighibidi, eno Babylon lo kughu sawuve keu lono Khristo kutolo no tiqheli chighibidi ishike.
Jisü Khristo Punu
(Lk 2:1-7)
18Jisü Khristo ye hitoi punu: Paza Mary ye Joseph sasü akibo shinike küsükha kileve no ache, ikemu pama no kümtsa küghüna mphi lono li ye Aghungu Kimthe launo mishipuve aghikeu ithulu. 19Li kimi shiniye akeu Joseph ye müzüchoi kemi eno aqha zülono li pelo tichetighe shive penishimo kehu mükhano ashoileveni pi kümsüve. 20Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke. 21Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.” 22Hi kümtsü shikeu ye Ampeu no tungkupu vecheo kiu pipüa keno shikupu niyeke:
23“Julo, ilimi huno mishipuve no anu lakhi punu nani,
eno panongu no pa je Immanuel kutsü nani”#Isa 7:14
(Immanuel kiqi ye Alhou no ni gholo ani). 24Kughou Joseph no idathughi keno, Ampeuw kungumi no azah tsükeu kiqi lono pa no titoi shive, eno Mary pesü pa nipu shive, 25ikemu li no anu punu moke kutolo pama ye ashiaji küqhamoe. Tithiu pa no anu je Jisü kuvetsü.
Currently Selected:
MATTHEW 1: SUMRVBSI
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More