Zekaria 7
7
Ni-vɔɔm taane
1Pɛ Darusi paare bena yana bene dem chane nogo chana kam da yana dɛ dem ne mo Baŋa Wɛ kwora déem tu ka yi Zekaria. Kisilev chana kam ne mo konto. 2Ko na ye tei to, Bɛtel teo tiina ya toŋe Sarezera, de Regem-Mɛlɛka de ba kwaga nɔɔna bam mo se ba vo ba lwoori Baŋa Wɛ se o swɛ ba swolim. 3Ba ma vo Paŋwa Tu Baŋa Wɛ wara-jei sem ba bwei o kaanem tiina bam, de o sampwori sem ba we, “Ko ye ko chwoŋa ne se dé ta taa vɔ ni wo-chechɔgɔ ŋwaane chane senu chana kam wone#7:3 chane senu chana kam ye chana kalo wone Babilon tiina bam ya na chɔge Wɛ diga kam Jerusalem ne to., ne dé na maŋe dé ke tetei bena dedɛ wone to na?”#2 Pwa 25:8
4Paŋwa Tu Baŋa Wɛ ma pa-ne o kwora o we, 5“Bwei teo kom nɔɔna bam de ba kaanem tiina bam we, ‘Bena fuserepɛ yam maama wone á na yeini á vɔ ni wo-chechɔgɔ ŋwaane chane senu chane sem wone, de chane serepɛ chane sem wone to, ko seene ko ye amo ŋwaane mo á vɔ na? 6Ko nam ná yi se á di wodiu, se á daare á nyɔ sana, abam ba ke konto á tete ywoni ŋwaane mo na?’ ”#1 Korinti 11:20 7O kwora kam konto ta ye ne o déem na pɛ o faŋa faŋa sampwori sem tɔɔle kwora kalo Jerusalem teo ne to mo. Maŋa kam konto ne nɔɔna dedɛ zoore Jerusalem teo de ko nawuura yam wone ye ba na nyɔɔre ba totoŋa baŋa ne. Tega-kuri seeni kagoa kam, de wɛ-zoore seeni bwollu tem de déem su de nɔɔna mo.
8 Baŋa Wɛ daa ma pa o kwora yi Zekaria we, 9“Paŋwa Tu Baŋa Wɛ na tage tei to mo tento: Ta‑á bore-na chega bora á pa daane, se á daare á ta‑á jege-na da-swono ye á duri da-ŋwaŋa. 10Yé bɛɛse-na kadeina, de botara, de veira, de yiniga tiina. Yé jeeli-na lwarem á bochara ne se á ke á ma á chɔge á dwonna.”#Mika 6:8
11Á nabaara bam nam yɔɔre ba ve mo se ba cheigi Wɛ sampwori sem taane. Ba déem kwei ba kwaga ba ya Baŋa Wɛ ye ba daare ba se ba zwa mo se ba yé taa cheigi‑o. 12Ba pɛ ba wo ke dam mo ko dwoni peo na ye tei to, se ba yé wane ba cheigi Paŋwa Tu Baŋa Wɛ nia yam de bera yalo o na dɛ o Jworo kom ŋwaane o pa faŋa faŋa sampwori sem to. Konto ŋwaane mo Baŋa Wɛ bane déem yɔɔre de zaŋe ba baŋa ne.
13Paŋwa Tu Baŋa Wɛ na tage tei to mo tento: “Amo ya na ŋɔne de banto to, ba wo sɛ ba cheigi-ne. Konto ŋwaane, ba de na ŋɔne a yiga ne to, amo de wo cheigi. 14A nam kwei vo-kekara a ma a kale-ba a yage dwi-gɛ tiina maama wone se ba taa ye veira sa-teo ne. Ba na viiri ba daare tega kalo to ma ji di-dwonnu yerane, ye nɔɔn-nɔɔno tere ka wone. Konto baŋa ne mo ba te-ywoŋa kam déem jigi kagoa.”
Currently Selected:
Zekaria 7: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)