Jonah 3
3
Jonah laam sɛ Wɛ ni
1 Baŋa Wɛ daa ma ŋɔɔne de Jonah o ke belei o we, 2“Nam zaŋe n vo Ninevɛ na ye te-fɔrɔ to, se a laam pa‑m a kwora se n tɔɔle-ka n pa ko nɔɔna bam.”
3Jonah ma sɛ Baŋa Wɛ ni ye o daare o vo Ninevɛ. Teo kom konto tiini ko yala ye ba kwei da yatɔ mo ba maa kaare ko ni maama. 4Jonah na vei dɛ wone veiŋa teo kom wone to, mo o bobo se o taa tɔɔle taane dem ye o we, “Da finna mo daare se Baŋa Wɛ chɔge Ninevɛ teo kom zɔŋ-zɔŋ!”
5Ninevɛ tiina bam ma sɛ Wɛ kwora kam.#Matiyu 12:41 Ba ma tɔɔle se nɔɔna maama vɔ ni se ba daare ba zo gare-nyenyaaro, se ko bere ba wo-chechɔgɔ kom. Nɔɔna maama jege se ba ke konto dwoŋi mo, ko ná ye nɔn-kamuna naa nabwona de.
6Ba pɛ wom na nigi kwora kam to, o ma zaŋe o daare o paare yituŋu kom. O ma lɔɔre o paare gwaaro o tiŋi dáa ne ye o lɛ gare-nyenyaaro. O ma daare o vo o jei tentwarem wone. 7O laam ma tɔɔle o bere Ninevɛ tiina we, “Ni dento nwoŋi Pɛ de o nakwa tei ne mo: Nɔɔn-nɔɔno ba jege se o di kolokolo. Ko ná ye nabiina, naa naane, naa sɔŋɔ vara dwi maama, ko chula se ba di wodiu naa ba nyɔ na. 8Nabiina wó zo gare-nyenyaaro mo, se ba daare ba kwei gare-nyenyaaro ba vɔ ba vara yera ne. Nɔɔna maama jege se ba seene yia mo ba lwoori Wɛ lanyerane, ye ba ve ba totoŋ-lwanno de ba vuvuga kikia yam. 9Dɛ delo dé ná ke konto, Wɛ wó sɛ se o leiri o boboŋa, se o ban-lom daa yé taa wo dé baŋa ne se dé te.”
10 Baŋa Wɛ déem maane ba kikia yam de ba na yage ba totoŋ-lwanno tem to. O ma seene o duri ba ŋwaŋa ye o wo waare-ba ne o ya na tage we o wó ke tei to.#Jeremia 18:8
Currently Selected:
Jonah 3: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)