Joweli 1
1
1 Baŋa Wɛ mo kwei taane dento o pa Petuweli bu Joweli:
Kayere kɔgɔ na yo tega kam tei to
2Abam balo na ye nakwa to, cheigi-na!
Balo maama de na zoore tega kam wone to,
cheigi-na taane dento.
Abam na zaŋe pa á ŋwe to,
á ta nɛ konto woŋo dwoŋi na ke á yibia ne na?
Á kwoa bam de déem nɛ ko dwoŋi na?
3Ta-na taane dento á bere á bia,
se banto de ta-de se ba de bia ni de ŋwa,
ye banto de daa wó lwoni ba bere ba de bia.
4Kayere kɔgɔ kɔgɔ tu se saŋe da-kwaga ne mo.
Se kɔgɔ kom kodwoŋi na deilimi se daare kolo ye se kɛ to,
mo kayere kɔro telo na saŋe to tu se di maama nyɔ!
5Sa-nyɔra bam, zaŋe-na dɔɔm wone se á ta‑á keera,
kokuri sa-ywoŋo daa tera se á nyɔ.
6Kayere sem nye de jar-keira na mage kɔgɔ tei to mo,
ye se tiini se yo tega kam ni maama ne.
Se tiini se daga,
ye se ta dana se ko gaale.
Se yeila yam di mo filam filam,
nenɛɛne nywoŋo yeila na ye tei to.
7Se yɔɔre se chɔge Vini teeni dem,
dedaane kaporro tem maama.
Se lɔɔre teeni dem kwaga mo,
ye se laam daare teeni dem fem yerane,
pa de zega pwona pwona.
8Ta‑á keeri-na nenɛɛne bukɔ-pwola
kalo na gɛ ka baro to na wó taa keeri o lua tei to.
9Kokuri to, wodiu de sana daa tera
se ba ma ba ke pɛɛra Baŋa Wɛ yiga ne.
Wɛ kaanem tiina bam keeri mo ga bɔge-bɔge
kolo ŋwaane pɛɛra daa tera se ba ma zuli Baŋa Wɛ.
10Kare sem maama chɔge,
ye tega kam baŋa maama ye yiniga mo puna.
Wodiiru tem maama ti.
Sa-ywoŋo ti, ye nuga de daa tera.
11Vala bam, abam de pa se á wo chɔge!
Ta‑á keeri-na se ko zaŋe wɛɛne bɔge bɔge,
kokuri, mena yam maama chɔge.
Faao kom wo jaane kuri.
12Vini teeni dem dedaane kaporro tem maama kwaare kwaare mo te zega.
Teeni dem maama koga pa se de ba leiri bia:
Pomegara teeni, de kaligwonnu,
de konkware sem maama yɔɔre se te mo.
Nɔɔna bam teena maama de ma ti.#Habakuki 3:17-18
Ko ye se nɔɔna bam mo chuli ba wɛleera
13Wɛ kaanem tiina bam,
abam balo na yeini á toŋe Baŋa Wɛ bimbini dem ŋwaane to,
lɛ-na gare-nyenyaaro se á daare á ta‑á keera.
Ko ye se á zo Wɛ diga mo tete ne,
ye á laam keeri se ko taa nii te-pora maŋa,
kokuri wodiiru de sana tera
se á kaane á pa á Tu Wɛ wom.
14Ta-na se nɔɔna bam jeeri ba vɔ ni Wɛ ŋwaane!
Bwoŋi-na ba maama se ba la daane ba zuli Wɛ.
Ko ná ye nakwa bam,
dedaane balo maama na zoore tega kam ne to,
pa-na se ba ba ba jeeri Wɛ diga kam ne,
se ba maama keeri ba jare‑o dáane.#2 Tigisim 20:3
15 Baŋa Wɛ dɛ-kamunu kom tiini ko bwola dedɛ!
De ná yia,
ko wó taa ye Dam-fɔrɔ Tu Wɛ wom mo pɛ se chɔgem ba.
Dɛ dem wó tiini de taa ye lɛɛro na!#Izaya 13:6
16Dé yɔɔre dé zege dé nii mo,
ye dé wodiiru jege te chɔga.
Debam Tu Wɛ zula diga kam ywoni maama ti.
17Wo-dwa bam maama maŋe tega ne mo ba pɔ.
Dé tuli sem maama laam chɔge mo se zega,
wodiu na tera se dé tiŋi to ŋwaane.
18Vara bam maama keeri kana mo.
Ba maa beeri yɔɔ yerane, ba tɔge wodiu kwaga.
Bone de pei sem maama yɔɔre se yaare mo.
19 Baŋa Wɛ, amo nam wó keeri a jare nmo mo!
Kokuri to, ko nye de mini mo zwɛ gaao maama kula!
Teeni dem maama de maa kwaare de zega.
20Kago-vara tete de keeri mo ba jare nmo,
kokuri to, bwi sem koge mo
ye na daa tera se ba nyɔ.
Chega to, mini zwɛ gaao kom maama mo kula!
Currently Selected:
Joweli 1: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)