Hosea 5
5
Lɛɛro wó yi Isarele tiina de Judah tiina
1Wɛ kaanem tiina bam, cheigi-na taane dento!
Abam Isarele dwi tiina bam de pore á zwa se á cheigi-de.
Pa-diga tiina bam, á de cheigi-na!
Abam wo taane wone mo,
de á na kweele chega á yage tega ne jei maama ne to ŋwaane.
Ko nye de á kwei kalanchogo mo á che Mizipa teo wone tei,
ye á daare á dole ŋwe-choa á jare Tabora peo kom yuu maama.
2Zwabani-nyena bam tiini ba swoi nɔɔna gom.#5:2 naa Ko ta nye de á koge gwoŋ-chanluŋu Sitim ne.
Amo nam wó waare ba maama.
3Amo maŋe a yei Efrayim dwi tiina bam
de Isarele tiina bam maama na ye tei to.
Kolokolo tera ba na wó seigi amo yiga ne.
Isarele dwi tiina bam laam tu ba tɔge kabwoŋa kikia mo,
pa se ba biini ba tete.
4Ba kikia yam konto chɔge-ba mo,
ye ba daa ware se ba jwoori Wɛ tei.
Ba boboŋa yeini ya zo jwona kaanem#5:4 jwona kaanem: Hiburu = kabwoŋa kikia wone.
Ba daa maa ba kɔre Baŋa Wɛ de fenfee tete de.
5Isarele tiina bam na bere ba tete kamunim tei to
bere we ba ba jege bora.
Ba maa yeini ba tiri ba to tega ne
ba wɛleera yam ŋwaane,
ko ná maŋe ko ye Efrayim dwi tiina bam de.
Judah tiina bam de ma da ba kwaga ba to.
6Ba ma kwei ba vara ba ja ba vo
ba ma ke kaanem se ba zuli Baŋa Wɛ.
Ba nam bá na‑o,
o na nwoŋi ba tei ne to ŋwaane.#Izaya 1:11
7Ba baare Baŋa Wɛ kwaga ne mo.
Bia balo ba na loge to dae o nyem.
Chan-doŋa kuri dim ná yia,
ba de ba tega kam wó na chɔgem lela.
Jara chuga Judah teo de Isarele teo wone
8Wu-na jara-keim nabwanno Gibea teo wone!
Kaane-na Rama nɔn-bia bam!
Mage-na tiguri-kaasa Bɛte-Aven ne!
Benjamin dwi tiina bam, cho-na á tete!
9Efrayim tiina bam waarem dɛ dem lage de yi,
se ba tiini ba na chɔgem.
Amo na jege wonnu telo a tɛ a bere Isarele dwi tiina bam to seene te ye chega mo.
Te wó yɔɔre te ba te ke.
10Judah tiina nakwa bam jigi nenɛɛne
balo na di ba zo ba dwonna siseini wone tei to mo.
A ban-lom dem wó zaŋe ba baŋa ne,
ne na-fɔrɔ na chuuri ko chɔge wonnu tei to.
11Lɛɛro lage te yi Efrayim tiina bam.
Amo wó waare-ba pa se ba na chɔgem,
ba boboŋa na jaane se ba zuli jwona to ŋwaane.
12Amo lage a chɔge Efrayim tiina bam,
ne kenkaao na chɔge gwaaro tei to mo.
A ta wó pa se Judah tiina bam ji wo-popɔnɔ.
13Efrayim tiina bam na maane jaweo kolo na jege-ba to,
ye Judah tiina bam de lɔre ko na zo ba yera tei to,
mo Efrayim tiina bam lwoori wolim Asiria teo kom tei ne.
Ba ma boŋe we Asiria pa-faro wom wó zeini-ba.
Wonto nam bá wane abam o yɔɔre.
O bá pa se á yera zuri.
14Amo wó zo Efrayim tiina bam de Judah tiina bam wo
nenɛɛne nywoŋo na zo vara wone tei to mo.
Amo tete wó tore ba yera yam yera-yera,
ye a daare a ja-ba a viiri.
Nɔɔn-nɔɔno tera o na wó wane o jwoŋi-ba a jeŋa ne o yage.
15Amo laam wó jwoori a tete jeiga kam a daare-ba
pa ba na ba waarem dem ba ti.
Ko ná zo ba yera konto dwoŋi,
ba laam wó seene ba yia ba beeri amo jeiga.
Currently Selected:
Hosea 5: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)