Hosea 11
11
Baŋa Wɛ jege o nɔɔna swono
1“Amo swoi Isarele ko nwoŋi o biini ne mo.
A ma bwoŋi a bu-swono kom se o nwoŋi Ejipti ne o ba.#Nwoŋim 4:2
2A nam na tiini a kwoori Isarele dwi dem
se de jwoori de ba amo tei to
mo ba yɔɔre ba ma ba kwaga ba ya amo.
A nɔɔna bam ma ke kaanem ba pa Baal jwona yam,
ye ba kwei pɛɛra ba zwɛ ba zuli jwona yadwonna.
3Amo mo taase Efrayim tiina bam pa ba lɔre veiŋa.
A ma ja ba jea se ba taa via.
Ba nam wo maane we ko ye amo mo nii ba baŋa ne.
4A ma tɔge swono wone a korese-ba,
ne a vaŋe-ba de ŋone mo to.
A kwei-ba mo a daŋe a nyɔɔne baŋa ne.
A ma tiiri tega ne a pa-ba wodiu se ba di.
5Ba nam wó jwoori ba vo Ejipti.
Asiria tiina de wó taa tei-ba,
ba na ve se ba pipiri ba jwoori amo tei to ŋwaane.
6Jara wó to ba teene dem wone.
Ba dona wó bwori ba teene dem ni bworru
ba de tega ne.
Jara yam wó yɔɔre ya chɔge a nɔɔna bam,
de ba na tɔge ba tete boboŋa tei to.
7Ba boboŋa jaane se ba ja ba tete ba nwoŋi amo tei ne.
Ba ma lwoori wolim wɛyuu ne.
De ko de, Wɛ bá le-ba ba cham wone.
8Efrayim dwi tiina bam,
a nam wó wane a yage abam mo na?
A bá wane a dɔne a jeŋa Isarele tiina bam baŋa ne.
A bá sɛ se á na chɔgem,
nenɛɛne chɔgem delo na yi Adema de Zeboyiim tei to#Nia Gulim 29:23.
A boboŋa bá pa-ne chwoŋa se a ke konto,
a na tiini a jege abam ŋwaŋa to ŋwaane.
9A bá pa a ban-lom zaŋe á baŋa ne.
A daa bá chɔge Efrayim dwi tiina bam.
Kokuri to, a ye Wɛ mo,
ye a dae nabiinu na ye tei to.
Amo ye Wo-pwoŋo Tu Baŋa Wɛ mo
ye a wo abam tetare ne.
A bá ba á tei de ban-zɔŋɔ.
10Amo Baŋa Wɛ wó suuri ne nywoŋo mo tei,
pa se a bia bam laam ba ba pu amo kwaga.
Chega to, a ná suuri konto dwoŋi,
ba wó zege wɛ-zoore seeni ba ba
ye ba yera sae.
11Ba badwonna wó nwoŋi Ejipti ne ba jwoori amo tei,
ye ba yera sae ne zuna na pipeigi ba vɔna se ba jaane tei to.
Ba badaara wó zege Asiria teo wone ba ba,
ne kunkwon-puli dwoŋi tei.
A laam wó ja-ba a jwoori ba sam
se ba taa wora.”
Baŋa Wɛ na tage tei to mo konto.
Baŋa Wɛ jege taane de Isarele tiina bam
Baŋa Wɛ ta ma ta o we:
12“Efrayim dwi tiina bam jaane vwa mo ba ba amo tei.
Isarele tiina bam maa tiini ba jege-ne ba gana.
Judah tiina bam nam tɔge Wɛ kwaga mo ba kare ba beera.
Ba jege chega de Wo-pwoŋo Tu wom.
Currently Selected:
Hosea 11: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)