᥇ ᤐᤋᤪᤢᤛ ᤏᤡᤛᤢᤶ
ᤏᤡᤛᤢᤶ
ᤁᤴ ᤛᤰᤀᤡᤱᤄᤱᤅᤡᤴ ᤐᤋᤪᤢᤛᤖᤧ ᤀᤣᤛᤡᤕᤠ ᤔᤠᤀᤡᤏᤖᤀᤥ ᤌᤠᤱᤃᤧᤴ ᤐᤡᤛᤠᤱᤒᤠ ᤋᤧᤱᤃᤵᤜᤠ᤹ᤀᤥ ᤁᤧᤛᤧᤒᤠᤀᤠᤱ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ ᤜᤠᤰᤋᤢᤛᤡᤒᤠᤖᤥ॥ ᤁᤴ ᤛᤰᤀᤡᤱᤅᤥ ᤂᤧᤱᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤛᤡᤒᤠᤛᤡ ᤑᤠ᤹ᤀᤠᤱ ᤔᤧᤔᤧᤳᤋᤧᤀᤠᤱ ᤘᤠ᤹॥ ᤁᤴ ᤛᤰᤀᤡᤱᤄᤱᤅᤡᤸᤗᤧ ᤁᤢᤏᤡᤱᤛᤣ᤺ᤰᤁᤡᤱᤃ ᤁᤴ ᤁᤧᤏᤡ᤺ᤵᤐᤠᤜᤠ᤹ ᤜᤠᤱᤜᤠᤱ ᤔᤧᤵᤔᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤂᤪᤡᤛ᤻ᤋᤧᤴ ᤏᤛᤠᤴ ᤔᤧᤈᤥᤃᤢᤒᤠᤸᤗᤧ ᤂᤧᤱᤜᤠ᤹ ᤋᤢᤰᤂᤣ ᤏᤢ ᤏᤡᤱᤄᤢᤶᤔᤥ ᤔᤧᤎᤩᤧᤀᤠᤱ ᤔᤧᤘᤕᤧ॥ ᤀᤰᤂᤣᤗ᤹ᤖᤡᤰ ᤜᤠᤱᤜᤠᤱ ᤔᤧᤳᤋᤢᤛᤡᤸᤗᤧ. ᤐᤋᤪᤢᤛᤖᤧ ᤂᤧᤱᤜᤠ᤹ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱᤄᤱ. ᤂᤢᤏᤧ᤹ ᤁᤢᤛᤡᤔᤧᤴ. ᤂᤢᤏᤧ᤹ ᤁᤢᤜᤡᤱᤘᤧᤳ ᤁᤢᤒᤥᤱᤔᤠᤴ ᤜᤧᤰᤁᤩᤠᤱ ᤂᤢᤏᤧ᤹ ᤕᤠᤶᤔᤥᤀᤠᤱ ᤕᤢ᤺ᤀᤠ ᤐᤠ᤺ᤳᤋᤢᤒᤠ ᤔᤠᤱᤜᤧᤰᤁᤡᤴ ᤏᤡᤱᤘᤠ᤹ᤛᤥ ᤋᤠᤖᤢᤒᤡᤖᤢᤛᤡᤖ ᤏᤡᤱᤛᤠᤱ ᤐᤡᤖᤢᤛᤡᤖᤥ॥ ᤂᤧᤱᤜᤠ᤹ᤖᤧ ᤔᤧᤍᤢᤔᤢᤒᤠ ᤋᤢᤰᤂᤣ ᤏᤢ ᤏᤡᤱᤄᤢᤶᤔᤡᤱᤃ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤛᤧᤰᤂᤠᤒᤠ ᤏᤛᤠ᤺ᤴᤏᤡᤸᤗᤧ ᤁᤢᤛᤠ᤹ᤔᤠᤖᤥ. ᤜᤧᤰᤁᤩᤠᤱ ᤂᤪᤡᤛ᤻ᤋᤧᤴ ᤀᤥᤛᤣ᤺ᤴᤎᤠᤰᤛᤡᤱᤒᤠ ᤕᤧᤴᤏᤥ ᤜᤠᤱᤛᤧᤶ ᤂᤥᤔᤠ ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤋᤢᤰᤂᤣ ᤏᤢ ᤏᤡᤱᤄᤢᤶᤔᤡᤴ ᤌᤶᤔᤠ ᤐᤥᤱᤗᤥ॥
ᤐᤋᤪᤢᤛᤖᤧ ᤁᤴ ᤛᤰᤀᤡᤱᤄᤱᤅᤡᤴ ᤁᤧᤏᤡ᤺ᤵᤐᤠᤜᤠ᤹ ᤋᤢᤰᤂᤣᤒᤠ ᤕᤧᤶᤔᤥ ᤜᤠᤱᤜᤠᤱ ᤔᤧᤳᤋᤢᤛᤡᤖ ᤂᤪᤡᤛ᤻ᤋᤖᤧ ᤁᤢᤔᤏᤠᤜᤠ᤹ ᤜᤧᤰᤁᤣ ᤜᤡᤱᤔᤠᤖᤥ ᤑᤠ᤹ᤀᤠᤱ ᤂᤧᤱᤜᤠ᤹ ᤐᤣᤗᤡ ᤑᤠᤰᤋᤢᤛᤡᤖᤥ॥
ᤋᤠᤱᤒᤠ ᤌᤠᤔᤡᤱ
ᤏᤡᤛᤢᤶ ᥇:᥇-᥈
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤧᤴᤗᤵᤐᤡᤸᤗᤧᤴ ᤏᤡᤱᤘᤠ᤹ᤛᤢᤶ ᥇:᥉-᥇᥈
ᤛᤣᤛᤣᤒᤠ ᤜᤡᤱᤔᤴ ᤜᤡᤱᤔᤠᤖᤧᤴ ᤂᤠᤜᤢᤴ ᥇:᥇᥉–᥈:᥇᥆
ᤋᤢᤰᤂᤣᤗᤠᤰᤂᤣᤒᤠ ᤕᤧᤶᤔᤥ ᤂᤪᤡᤛ᤻ᤋᤠᤏᤡᤜᤠ᤹ᤖᤧᤴ ᤗᤰᤐᤧᤴᤜᤠ᤹ ᥈:᥇᥇–᥊:᥇᥏
ᤂᤪᤡᤛ᤻ᤋᤠᤏᤡ ᤏ᤺ᤶᤏ᤺ᤶ ᤗ᤹ᤔᤠᤴ ᤏᤢ ᤛᤣᤘᤠᤴ ᥋:᥇-᥇᥇
ᤁᤢᤏᤢᤵᤔᤠ ᥋:᥇᥈-᥇᥊
Currently Selected:
᥇ ᤐᤋᤪᤢᤛ ᤏᤡᤛᤢᤶ: LIFOTNT
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.