Éxodo 38
38
1Ha nix hich la spas ta acacia-te' te scajtajib scohtol chic'bil mahtanil, pajal schanxuhcul, ho'eb xuhc'ubil#38.1 2.25 metros jujun xuhc, soc oxeb xuhc'ubil#38.1 1.25 metro stoyolil. 2La spasbe xulubiletic ta schanxuhcul te junax pasbilic soc te scajtajib, la spots ta bronce. 3Soc la spas spisil te bintic ya xtuhun ta scajtajib ta chiq'uel mahtanil: ha te calderohetic, palahetic, muc'ul tazahetic, trinchehetic, soc yawilic ac'al; spisil la spasticlan ta bronce. 4La spasbe te bin jalbil ta bronce, la yac' ta ye'tal te lehchel yu'un, ta yohlil stoyolil. 5Soc la spasbe sch'ocowil ta bronce ta jujun xuhc te bin jalbil ta bronce te banti ya xc'ax te sq'uechojibal. 6La spas ta acacia-te' te sq'uechojibal soc la spots ta bronce. 7La xijbe sohlel te sq'uechojibal ta sch'ocowil ta jujujehch te scajtajib, yu'un ya yich' q'uechel bahel a. Te scajtajib hochol ta yutil soc pasbil ta tabla.
8La spas te yawil ha' soc te scajtajib ta bronce, ha la stuhun te espejohetic#38.8 Te antiguo espejohetic ma pasbiluc ta vidrio, ma to ayuc a; ha la yich'ic pasel ta bronce te buen ch'ulbil. yu'un te antsetic yac'oj sbahic ta a'batinel ta yochibal te Nahilpac' Templo yu'un tahojibal.
Te yamaq'uil Nahilpac' Templo
9Soc la spas te amac'. Ta stojol sur, ho'winic (100) xuhc'ubil#38.9 45 metros te spac'al jalbil ta ts'otbil lino. 10Ay jtahb (20) yoyal soc jtahb scajtajib pasbilic ta bronce; te ganchohetic soc sc'atal-te'el pasbilic ta plata. 11Ta stojol norte ha nix hich ho'winic (100) xuhc'ubil spac'al; ay jtahb yoyal soc jtahb scajtajib pasbil ta bronce; te ganchohetic soc sc'atal-te'el pasbilic ta plata. 12Ta stojol banti ya xmahl c'ahc'al lajuneb yoxwinic (50) xuhc'ubil#38.12 22.5 metros spac'al; lajuneb yoyal soc lajuneb scajtajib; te ganchohetic soc sc'atal-te'el pasbilic ta plata. 13Ta stojol banti ya xloc' tal c'ahc'al lajuneb yoxwinic (50) xuhc'ubil spac'al. 14Ta xuhc ho'lajuneb (15) xuhc'ubil#38.14 7 metros spac'al soc oxeb yoyal soc oxeb scajtajib; 15ha nix hich ta yan xuhc, ta jujujehch yu'un te yochibal te amac', ho'lajuneb (15) xuhc'ubil spac'al soc oxeb yoyal soc oxeb scajtajib. 16Spisil te paq'uetic ta sjoyobal te amac' pasbilic ta ts'otbil lino. 17Te scajtajib oyetic pasbilic ta bronce; te ganchohetic soc sc'atal-te'el pasbilic ta plata; soc te sjol te oyetic potsbilic ta plata; spisil te oyetic yu'un te amac' ay sch'ocowiletic pasbilic ta plata. 18Te pac' ta yochibal te amac' t'ujbil ch'albil ta ts'isel ta yax, chi'in-yax soc tsajal estambre, soc ts'otbil lino; ha jtahb (20) xuhc'ubil#38.18 9 metros snahtil soc ho'eb xuhc'ubil#38.18 2.25 metros stoyolil, pajal soc spac'al te amac'. 19Ay chaneb yoyal soc chaneb scajtajib pasbilic ta bronce; te ganchohetic soc sc'atal-te'el pasbilic ta plata, soc te sni'il oyetic potsbilic ta plata. 20Pasbilic ta bronce spisil te ts'acticlambil yich'o-ip yu'un te Nahilpac' Templo soc yu'un te amac' ta sjoyobal.
Bintic tuhun yu'un spasel Nahilpac' Templo
21Hich ay yipal te bintic tuhun yu'un te Nahilpac' Templo, ha te nahilpac' yu'un te Testigo-c'op, te la yich' ahtayel ta scuenta smandar Moisés te la spasic te levitahetic te ha cuentahimbil yu'un Itamar snich'an te sacerdote Aarón.
22Te Bezaleel snich'an Uri, te snich'an Hur, sts'umbal Judá, la spas spisil te bintic halbot ta mandar yu'un Jehová te Moisés; 23soc joquinot yu'un te Aholiab snich'an Ahisamac, te sts'umbal Dan, ha te ya sna' stenel taq'uin soc te ya sna' schahpanel bin yilel ta sp'isel, soc sch'ahlel ta ts'isel yax, chi'in-yax soc tsajal estambre, soc t'ujbil lino.
24Spisil te oro te tuhun yu'un te a'tel, ta spisil te a'tel yu'un te ch'ul awilal, ha te oro ac'ot ta mahtanil, ha baluneb scha'winic (29) talento soc lajuneb shuclajunwinic scha'bahc' (730) siclohetic#38.24 965 kilos yalal, hich te bin ut'il te siclo yu'un ch'ul awilal.
25Te plata te la yich' tsobel yu'un te mach'atic ochemic ta censo yu'un te pueblo, ay ho'winic (100) talento soc ho'lajuneb sbalunwinic yo'bahc' (1,775) siclohetic#38.25 3,320 kilos yalal, hich te bin ut'il te ciclo yu'un te ch'ul awilal; 26j'ohlil siclo#38.26 5.5 gramos la yac' jujutuhl, hich te bin ut'il te siclo yu'un te ch'ul awilal, spisilic te ochic ta censo te stahojic jtahb ya'bilal bahel, ay ho'lajuneb schanwinic ta pic soc lajuneb yoxwinic sbalunbahc' (603,550) ta tuhl. 27Soc ay ho'winic (100) talento#38.27 3,300 kilos plata la yich' uhltesel yu'un te scajtajib te ch'ul awilal soc te scajtajib te tsahlul paq'ue; ho'winic (100) talento yu'un ho'winic scajtajib, jujun talento yu'un jujun scajtajib. 28Te ho'lajuneb sbalunwinic yo'bahc' (1,775) ciclohetic#38.28 20 kilos plata la yich' pasel a te ganchohetic yu'un te oyetic, la spotsticlambe sjol a te oyetic soc la spas a te sch'ocowiletique.
29Te yalal te bronce te la yaq'uic ta mahtanil, ha lajuneb schanwinic (70) talentos soc wacbahc' (2,400) siclohetic#38.29 2,336 kilos soc 400 gramos 30te la yich'ic pasel a te scajtajibic te sti'il te Nahilpac' Templo yu'un tahojibal, te scajtajib ta chiq'uel mahtanil pasbil ta bronce, te bin jalbil ta bronce soc spisil te bintic ya xtuhun yu'un te scajtajib ta chiq'uel mahtanil, 31te jujuntic scajtajib te amac' ta sjoyobal, te jujuntic scajtajib te yochibal te amac', spisil te ts'acticlambil yich'o-ip yu'un te Nahilpac' Templo soc spisil te ts'acticlambil yich'o-ip yu'un te amac' ta sjoyobal.
Currently Selected:
Éxodo 38: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.