Daniel 1
1
Daniel soc smohloltac ta Babilonia
1Ta yoxebal ha'bil yochel ta ajwalil a te Joacim ajwalil yu'un Judá, tal ta Jerusalén te Nabucodonosor ajwalil yu'un Babilonia, la sjoytay ta ya'beyel guerra. 2Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une. 3Te ajwalil la spas ta mandar te Aspenaz, te jtsobaw yu'un te eunucohetic yu'un, te yacuc yic' tal cha'oxtuhl israeletic te ha sts'umbal ajwalil soc príncipaletic, 4ha queremetic te mayuc bin jihnem ta sbaq'uetalic, te t'ujbilic, te p'ijubenic ta spisil bintic ay ta nopel, te ya sna'ic bintic ay ta na'el soc lec snopojibal yu'unic, te lec ya xtuhunic ta sna ajwalil. Ya me ya'be snopic te sc'opic soc te hunetic yu'un te caldeohetique. 5Te ajwalil la yac' te ya x'a'bot swe'elic jujun c'ahc'al yu'un te swe'el te ajwalil soc te vino ya yuch'e. Ya me yich'ic p'ijubtesel oxeb ha'bil, ta patil ya xtalic ta stojol te ajwalile. 6Ta yohlil te queremetic tey ayic a te Daniel, Ananías, Misael soc Azarías, te sts'umbalic Judá. 7Jeltaybot sbihilic yu'un te jtsobaw yu'un te eunucohetic: te Daniel, ha Beltsasar sbihil c'oht; te Ananías, ha Sadrac sbihil c'oht; te Misael, ha Mesac sbihil c'oht; te Azarías, ha Abed-nego sbihil c'oht.
8Pero te Daniel la snop ta yo'tan te ma ba ya sbohlobtes sba yu'un te we'elil soc te vino ya yuch' te ajwalile. Ha yu'un la sc'ambe te jtsobaw yu'un te eunucohetic te manchuc ya sujot ta sbohlobtesel sba. 9Te Dios la yac' te lec yo'tan ta stojol Daniel te jtsobaw yu'un te eunucohetic; 10hich la yalbe te Daniel: Ya jxi' te ajwalil cu'un te la yal bin yac awe' soc yac awuch'. Teme ya yil te c'ax hich sacuben awelawic a te bin ut'il te yantic queremetic te pajalex soque, ha'ex ta acuentahic ya xot'bon jnuc' te ajwalil, xchi.
11Hich te Daniel la yalbe te mayordomo te a'bot scuentahin te Daniel, Ananías, Misael soc Azarías yu'un te jtsobaw yu'un te eunucohetic: 12Awocoluc, pasbeya prueba lajuneb c'ahc'al te a'batetic awu'une: a'botcotic jwe'cotic itaj soc ha' te ya cuch'cotique. 13Patil paja awil te jsit quelawcotic soc te sit yelawic te yantic queremetic te ya swe'ic te we'elil yu'un te ajwalile, pasa ta jtojolcotic chican bin yac awile, xchi.
14Te mayordomo lec la ya'iy, hich la spas prueba ta stojolic lajuneb c'ahc'al. 15C'alal c'ax te lajuneb c'ahc'al, chicnaj te ha lequic xan ta ilel te bin ut'il te yantic queremetic te la swe'ic te we'elil yu'un te ajwalile. 16Ha yu'un te mayordomo la sloq'ues te we'elil soc te vino te ya yuch'ic sc'oblale, la yac'ticlambe swe'ic itaj.
17Ta schanebalic te queremetic Dios la ya'be snopojibal soc te ya xhu' yu'unic sna'el spisil te hunetic soc bintic ay ta na'el. Te Daniel la sna' yalbeyel sc'oblal spisil ta chahp nahalsitil soc wayichiletic. 18C'alal ts'acay sc'ahc'alel te chapal yu'un te ajwalil te ya xtehc'anotic ta stojol, te jtsobaw yu'un te eunucohetic la yic'ticlan tal ta stojol te Nabucodonosor. 19Te ajwalil la sc'opon te queremetique, pero ta spisil te queremetic mayuc jtuhluc te pajal soc Daniel, Ananías, Misael, soc Azarías. Ha yu'un, tey hilic ta a'batinel ta stojol a te ajwalile. 20Ta spisil te sc'oblal p'ijil-o'tanil soc te bintic ay ta na'el te joc'obotic yu'un te ajwalil, la sta te lajuneb buelta tohyem sp'ijilic a te bin ut'il spisil te jpas-señahiletic soc te jna'ojeletic te ayic ta ban c'alal scuentahinej te ajwalile. 21Tey hil a te Daniel ha to c'alal ta shahchibal ha'bil ay ta ajwalil te Ciro.
Currently Selected:
Daniel 1: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.