Dmak 12
12
Matongal ko Pikari'ang to Kiwkay
1Itiya i, rpeten ni Hiroti a hongti ko papinapinaay a salikaka no kiwkay a mikari'ang. 2Patayen ningra ko kaka ni Yohani ci Yakop. 3Mahapinang ningra ko nika olah no kakrikridan no Yutaya a tamdaw tonini a dmak saka, halo ci Pitiro a rpeten ningra. (O Ka^caan Pipatamod to ^Pang a Lisin itiya.) 4Marpet ni Hiroti ci Pitiro i, pacomod han ningra i pirofoan. Ta patorod han ningra ko makahasaspatay a spatay a kasacfang no mikifiay#12.4 kifi -- o no Ripon a sowal, o tatodong i o misimaway. a tayring a papisimaw cingraan. O harateng ni Hiroti i, ano mahrek ko finawlan a misalisin to Pita'lifan a Lisin i, itiyato kako a patorod ci Pitiroan i finawlan a papisawkit, saan. 5Mahaen ko nika rofo ni Pitiro. Nikawrira, mararid ko salikaka no kiwkay a misa'icel a mitolon to Kawas to saki cingraan.
O Pitdal ci Pitiroan nai Pirofoan
6I 'ayaw no pipasadak ni Hiroti ci Pitiroan to ccay a dadaya i, mapalit ci Pitiro to tosa a lonayi' a mafoti' i la'ed no tatosaay a mikifiay a tayring. Ira ko roma a mikifiay a tayring i fawahan no pirofoan. 7Itiya i, fahal sa a ira ko coyoh no Tapang. Mapatdi no likat koya pirofoan. Pa^pa han noya coyoh ko 'afala ni Pitiro a mipalal, <<Kalamkamen a lomowad,>> han ningra. Ta tfad sato nai kamay ningra koya lonayi'. 8<<Kdecen ko safaked iso, kacicokap,>> han noya coyoh cingra. Saka, do^do han ningra. Ta, <<Kacikafafang a mitoor i takowanan,>> han noya coyoh cingra. 9Saka, toor han ningra ko coyoh a masadak i papotal. Caay ka fanafana' cingra to nika o so'linay konini a dmak no coyoh. Hato paka'araway to mapolosi ko piharateng ningra. 10Mata'lif nangra ko saka ccay saka tosa a mikifiay a tayring. Tahira cangra i picomodan to niyaro' a marad a 'adawang i, lonok sa a mafawah koya 'adawang. Saka, sadak sato cangra. Tahira cangra i roma a lalan i, fahal sa a miliyas koya coyoh cingraan.
11Itiya i, talipa'lalto ko faloco' ni Pitiro. Sowal sa, <<Mahapinangto ako i matini, ocoren no Tapang ko coyoh a pa'orip takowanan a pasadak a paliyas ci Hirotian ato misafaloco'ay to sapipatayaw takowanan a Yutaya a tamdaw,>> saan.
12Tona mafana' ci Pitiro tonini i, tayra sato cingra i loma' ni Mariya, o ina ni Maroko hananay a tamdaw ci Yohani. Ira itira a masa'opo ko 'alomanay a tamdaw a mitolon. 13Kongkong han ningra ko sa'def no fawahan i, sadak sa ci Rota hananay a matayalay a fafahiyan a tayra a mitngil. 14<<O ngiha' ni Pitiro,>> yo sa a mafana' cingra i, o tadalipahak ningra saka, caayto pakapifawah to fawahan. Cikay sato cingra a talalaloma' a pasowal to nika ira a tomireng i papotal no fawahan ci Pitiro. 15Nikawrira, <<Maapaay kiso!>> han no tamdamdaw a somowal, <<So'linay, caay ko mangah ako,>> han ningra cangra a misa'icel a somowal. Saka, <<Latek o coyoh ningra,>> saan cangra.
16Nikawrira, caay pitolas ci Pitiro a mikongkong. Saka, fawah han nangra i, safahka' sa cangra a minengneng to nika ira ni Pitiro itira. 17Nikawrira, wangawang sa to kamay cingra a pakatomrep i cangraan. Sahcien ni Pitiro cangra a pasowal to nipikrid no Tapang cingraan a pasadak nai pirofoan. Ta, <<Pakafana'en ci Yakop ato romaroma a salikaka tonini,>> han ningra cangra a paikor a somowal. Ta liyas sato cingra a tayra i roma a pala.
18Yo dafak sato i, tata'ang ko rarawraw no mikifikifiay a tayring to pakayniay i dmak ni Pitiro. 19Saka, papikilim han ni Hiroti cangra ci Pitiroan. Nikawrira, awaay a matama. Saka, liclicen ni Hiroti koya mikifiay a tayring. Ta papipatay hanto ningra ko tamdaw cangraan.
Nanoya, liyas hanto ni Hiroti ko Yutaya a tayra i Kaysariya. Itira saho cingra.
O Patay ni Hiroti
20Tata'ang ko kter ni Hiroti to finawlan no Tiri ato Siton. Saka, palawina sato cangra ci Plastusan o misimaway to loma' no hongti. Ngitangiten nangra cingra to sakanga'ay nangra a malali'ay ato hongti. Nawhani nanitiraay i nikowanan no hongti a kitakit cangra a miala to kakaenen. Saka, laccay sato cangra a tayra a misi'ayaw to hongti.
21Yo maraodto ko nipatonekan a romi'ad i, ciriko' ci Hiroti to no hongti a maro' i kamaro'an ningra a pakimad i finawlan. 22Lkal sa ko finawlan, <<O ngiha' no Kawas konini, caay ko no tamdaw!>> saan. 23Itiya i, fahal sa a masti' no coyoh no Tapang ci Hiroti. Nawhani caay pahmek cingra to Kawas. Saka, makalat no fao, patay sato cingra.
24Nikawrira, mangalef a mangalef ko nika tnak no sowal no Kawas.
25Malahci ni Parnapas aci Sawlo ko tayal nangra i, krid hanto nangra ci Maroko hananay a tamdaw ci Yohani a minokay nai Yirusalim#12.25 minokay nai Yirusalim -- ira i roma a katlangay a cudad a matilid, minokay tayra i Yirusalim..
Currently Selected:
Dmak 12: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019