Mhasidie 26
26
1Teile ki pekrie krükecü mu lieyie teiki teirü tuoi,
therhue mhalekemomia vazhüya mo.
2Ciekhrienuo pruo rühou ketuo tuoi,
kitienuo pruo ketuo tuoi,
puocapuola kejü rüseue mia gei pfülie lho.
3Kier la seiro,
gada me kekhakecü la kero,
mu mhasikemomia chie la seiro seya.
4Mhalekemomia khranya ki ze puo die kela hie,
no rei puo mhieta rei silie lhomu.
5Mhalekemomia khranya ki ze puo die kelalie,
moüro puo thuo puo ü mhasi üta rei silie lhomu.
6Mhalekemomia dzie nunu dielie ketsekeshüe puo thuo puo phi dathewa,
mu kepeka krieya.
7Phiyhomia phi-e ketouya kemo mhiei,
mhalekemomia me nu mhasidie rei sümhie zo.
8Therhu pie mhasikemomia puo tsükeshüe,
tsiedeiro nu ketsie phakewa mhie zo.
9Kemezemia puo dzie nu zohu leketa tuoi mhalekemomia me nu mhasidie-e sümhie zo.
10Mha pete chüshükezha Kepenuopfüe mhalekemomia,
mu kejo kechümia zha chü phreshüya.
11Tefüe puo thuo merüpie kezhü nu la kevo tuoi
mhalekemomiae puo thuo puo khranya nu la votaya.
12No themia puoe puo mhiki puo thuo puo üse mhasiü tuoyakezha puo ngu me?
Mhalekemomia puo we süu ki rei kemerü nyikuo.
13Kemecümiae sie, “Cha nu losha tuote!
Chaüko nu losha tuote,” ibaya.
14Kikhae rüge se puo kekheu gei la votayakezha tuoi,
kemecümia rei te puo zhü nu tsu lataya.
15Kemecümiae puo dzie pie puo khou nu sepfü di se puo me nu voketuo rei mecüthor baya.
16Kemecümia puo thuo puo mhiki,
puo üse mhacamhala si di pulieyakezhamia thenie ki rei mhasikuo übaya.
17Mia puoe puo nyie puo zha mo zorei,
mia kegei keba puo meshüpfükelie-e tefü tuo vokezhü puo nyieto merhashükelie mhie zo.
18Kenyamia puoe mitsie mu kesia theü ciekeshü tuoi;
19puo zanuomia se kedo di sie,
“A keyu chü keba zo!”
idi pu kebamia rei sümhie zo.
20Sei ba mota ro mi mhetaya,
mu sieü kechü jüta ro kegeikecü ba sa motaya.
21Thezhü pie mizhü ketu nu keshü tuoi mu sei pie mi nu keshü tuoi,
meyiemehü ketuomia kegeikecü chü petushüya.
22Sieüsielumia diekoe kecüca cü kevi mhie zo,
sükoe u nou kesouthoko nu tsuya.
23Thenou rhu di die pu keziviketuoe,
rakachü dzü pie rünyoli thepie keba mhie zo.
24Mia ngumecüyakezhamiae puo tie se kethera,
mu puo noue mha sekedokecü thuo tshu baya;
25ngumvümia puo die kezivi pu zorei puo pele hiecie,
kekreilamonyü puo noue mha kerütsekecü thenie bakecü la;
26puo mia ngukemecüu kethedo di kevie se tha rei,
mechükehou nunu puo kerüzhü hielashütuo.
27Kheho thiekezhamia puo thuo te sünu tsutuo,
ketsie ketoukeshümia süu rütou la puo ki votuo.
28Kemeda meüe puo thuo bie kerüzakeshümia ngumecüya,
mu mia sekedokecü tie-e kepeka mhatho chüya.
Currently Selected:
Mhasidie 26: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More