Mhasidie 24
24
1Kerüzhümia ngu n ro hie,
morei süko ze kepekroketuo rei mengu hie;
2kekreilamonyü uko noue mha kepeka dze leya,
mu uko tie-e mha kesuo kechü dze kepu tuoya.
3Mhasi se ki chülieya,
mu kesikele geinu süu sedeshü;
4mhasi geinu mhama kere mu u kenei kinyiko se vor kiko tshulie.
5Mhakesikelemiae kekuomia ki kuokuo,
mu mhakesimiae kuo miemielieya;
6ketahiketarhokecü chatha se di no terhü chütuo,
mu ketarho kekra kenyira kuolieya.
7Mhalekemomia la mhasi-e rükriethor;
kharuki mechühou nu uko die pu motaya.
8Mha kesuo rhüyakezhau üse
kelhiekezhau üdi kietuo.
9Mhalekemomia kelekoe kephouma zo,
tsiu mhakrenyüyakezhau mia mhodzüki kerütse zo.
10No tsopfhükelie nhie n chamezieta liro,
n kekuo keduonuo yopuo zo;
11mia pesiawatuoü teze voketa ki mu mia dukhriwatuoü dojüse ketha ki,
uko kelalie mo di,
12noe sie, “Harie, hie süu si mo,” ita liro,
thenou mehoyakezhaue süu si lho üme?
N ruopfü se kebaue süu nguta lho me?
Puo mhatho kheki sü chü u zhakhra chüshü lho üme?
13A nuo, mepfhidzü cücie, süu vicü la,
tsiu puodzü zu kepar cükecü n me nu mou.
14Mhasi rei n ruopfü la sümhiekecü siliecie;
no süu ngulie ro, n siedze puo bate,
mu n kemerüu jütalie lho.
15Kerüzhümia mhie di kemiathomia petsou di,
ta kemiathomia kebachü vatuo üta hie;
16kekreilamonyü uko va thenie tetsuta zorei la sielietuo;
derei mha kepeka bu kerüzhümia penyüwaya.
17N ngumvümia tetsuketa ki n neita hiecie,
mu puo phi mesükelie ki n nou bu puo neita hie,
18Jihovae süu ngushü di puo nei mota rei silie lhomu;
tsiu puo nouyieu puo geinu kedi seta rei si mo.
19Kesuomia la rünou mo hie;
mu kerüzhümia mehou hie;
20kekreilamonyü kesuomia siedze jü;
kerüzhümia mituu mhetatuo.
21A nuo, Jihova mu kediu preiliecie,
unie mia puo die rei ze mota hie;#24:21 Gk: Ibri Rüdirülicümia ze kekrotho hie.
22kekreilamonyü kepeka unie kinu mhai sierya,
mu supuonie kepeka süu kevor silie vituo ga?
23Hako rei mhakesimia pukeshü die:
Thecathepi kechü nu u nei si kreiketae vi mo.
24Kehoupuorei kerüzhüu ki, “Noe mezhü zo” ita ro,
themiako puo rüsetatuo, seyieko puo mecütatuo;
25derei kerüzhümia kerhiekeshümia u kenei ngulietuo,
tsiu theja kevi uko gei votuo.
26Mia die kela toukeshüe
puo mebokeshü puo.
27Chazou n mhatho keselie,
n lie nu mha pete dojü tseilie,
süsie nu n ki chüliecie.
28Puocapuola kejü nu n zanuomia kepetsou zhapu khashü hie,
mu n tie pie puo se kedo hie.
29“Puo a gei chükeshü tuoi a puo gei chü lashütuo,
puo a gei chükeshü mhie di puo zhadavü lashütuo” ita hie.
30Ae mhachü kemecüu lie pfüthe vo,
kerhanyakecüu khubelie khieki vo;
31mu harie, süu zohuko thuo lhou tshupfü zhü;
zozie thuo kijü pete zepfü zhüta,
tsiu tsiepfhekroko metsu zhüta.
32A süu ngukeshü ki mhale menuolie;
süu mehoshü di a pethapfülie.
33“Ze zalielie ba,
rüngu zalielie ba,
u dzie thepie rülei zalietuoü,”
34sitse mhakejüe kerügumia tuoi n gei
vortuo, tsiu tsopfhüu
rünyie kesemia mhiei vortuo.
Currently Selected:
Mhasidie 24: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More