Hosea 5
5
Israel mu Juda gei Ketsokecüu Vorketuo
1Hau rünyüliecie, he-i zievoko!
Si toulie, he-i Israel kinumiako!
Rünyülie, he-i kediu kinumiako!
Kekreilamonyü ketsoketuou pie n gei shütuo;
nie Mizpa nu kebie puo chü,
siro Tabor nu jal pethoupie zhü,
2tsiu Shitim nu kheho kesou puo thielie;
derei a uko pete pechütuo.
3A Efraim si,
siro Israel a kinu rüshülie mo;
he-i Efraim, no tsie thethe lie;
Israel bie perhuwate.
4Uko mhathoko u chüpie
Kepenuopfü kitsa volie mo.
Kekreilamonyü thethe kechü ruopfüu uko gei tuo,
tsiu uko Jihova siya mo.
5Israel kemiakokecüu thuo puo petsou keba thashü;
Efraim-e#5:5 Ibri Israel mu Efraim. puo kejokemou nunu tetsu;
Juda rei uko ze tetsu.
6Ukoe uko kuoko tsiu kirinuoko ze di Jihova pfhütuo,
derei uko puo ngulie lho,
puoe uko kinu puo kereiliete.
7Ukoe Jihova gei kepele kejü mhatho chü;
kekreilamonyü uko tekhruonuo penuoshükecü la.
Khrülhoue uko lieko sa di uko mezulietuo.
8Gibia nu tekuo kiau khoushülie,
Rama nu ketsüu khoushülie.
Bet-aven nu kemichie vorkezhü pfheu shieshülie;
Benjamin n sietsa mehoshülie!
9Efraim siazha khakeshü zha nhie kaüruotatuo;
Israel seyieko donu kedipuo vor toutuo shicü a pesishütuo.
10Juda kedinuokoe therieu bie kedikewamia kemhiete;
süla a uko gei dzü tuoi a nouyieu rushütuo.
11Efraim mia bu puo pese,
dienya nu mezhülie mo,
kekreilamonyü puoe kemethuo sie whuo nyü beite.
12Süla ae Efraim la shülhe tuoitatuo,
tsiu Juda kinuko gei cieketa tuoituo.
13Efraim-e puo kechükenyüko ngushü,
mu Juda puo rüzapfü ngushü tse,
Efraim-e Asiriamia ki vota,
sidi kedi kezhau ki ketseshü.#5:13 Cn: Ibri Mia perhieketuo kediu ki shü.
Derei puoe n chü pevilie kenjü,
morei n rüzapfü chü kemenelie kenjü.
14Kekreilamonyü ae Efraim la losha tuoi,
tsiu Juda kinumia la losha shapou tuoitatuo.
A thuo cierhawa di tuotatuo;
ae chüsetatuo, mu miapuorei kelashülie lho.
15Ukoe kekrükewa phrashü di,
a zie pfhülie kemochie,
a thuo a chüu nu la votatuo.
Uko kemezhiekelie ki ngukemezhie chatuo.
Currently Selected:
Hosea 5: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More