Genesis 15
15
5Ïmo imidagai Gïr Nukadakami kidigamu busaitu go Abram daidi potïtïdai,
—Nïidañi go tïbagi— itïtïdai. —Daidi nïida go xixabugai dai ïkalda pïx bhai ixtuidana ix naato ïkaldagi. Po kakidu ka agai gï piipixara tudu ix xïïxi oidaga xixabugai— itïtïdai.
6Dai go Abram buaboida kaï Gïr Nukadakami. Xi kaxkïdï Gïr Nukadakami kïï buañixikami aagai ibhïadï go Abram dai maa oigaragai xi urabana ïgai.
12Bhodïrï ïmo imidagai ka didiaymi oidigi tai Abram kaban koso. Koso ïgai tai tukamutu oidigi lachi ami xako daja ïgai dai sïïrhikïdï duadimu ïgai. 13Dai Gïr Nukadakami gï maaxitu ïgai buitapi daidi itïtïdai,
—Aanï ipïrhidi pïx maatïkagi ix no xibhïako óídaka agai gï piipixara xako maiti ïr kiidï. Dai oidakami ami mïkaxi aaduinturhiada agai gï piipixara ïpïan dukai axñiñitu. Maako ciento umigi ka mos soi maa taatamitulda agai ïgai— itïtïdai. 14—Dïï aanï gïgïbituldamu go odami ïgai ix makïdï soimaaxi taatamitulda agai gï piipixara. Dai bubuakimu gï piipixara abhiadïrï xako soimaaxi taatamu ïgai darajatai dai abhiadïrï gïï kusu iimimu ïgai buxtuidagadï. 15Dïï aapi Abram mai nïidamu go maaxi. Kia oidakamu aapi mui umigi oidigi dama. Dai bhodïrï ugitimu aapi ka kïrhimukai. 16Dai gï piipixara ïgai dai dadimu ïpamu tanai ïpï maako ciento umigikïdï. Aidïpïrï ka arhiïxi ïr soimaaxi ibuadami ka agai tami oidakami. Go Amoreo agaikïdï tudu. Kaxkïdï gïgïbituldamu aanï ïgai. Buapamu aanï gï piipixara ïpamu tanai xi ïgai bui surhimu go Amoreo dai podukai ka gïgïbituldamu aanï go Amoreo— itïtïdai Diuxi go Abram.
Currently Selected:
Genesis 15: NTP
Highlight
Share
Copy
Want to have your highlights saved across all your devices? Sign up or sign in
Copyright: Ethnos360 Sanford, Florida