Éxodo 7
7
Qaro'goxona so neuoripi
14Ca na' ime, ca ñi qara'gaxala' 'naac queso Moisés:
—Ñi Faraón ỹaatqajam 'ue da na'ñaaqataxac, ca' sqai ỹaxanec quiyim eec na Israel llaalqaipi. 15Qam nete'e ma' nete'etam, ca' quirepegue'. Ma' queeto'ot na lahi aso lachiugue, ca' nauaañichiguit. Qam 'xachite' ma'le aca rashillichi'i' cataq ñigui na'le nanaic. 16Ca' quiyi ma'le, ca 'ñirapega: Ñi qara'gaxala', ñi qota'olec quena hebreoipi yilata qami' quiyim shinac quiyim 'xañirec na qomyipi quiyim quepegue' ñi'maxare, ca nqouagaxainot quiyi 'laua qaica qom. Qam vire'ta nagui saqa' na'xaỹaxañi'. 17Vichiguiño' ñi qara'gaxala' 'naac caqami': Nagui, ca' ya'yiiñi' ma'le quiyim aỹim na'gaxala'. Nagui ma' souaxanñigui na huaxaỹaq cana lachiugue cana ỹashilete llo'qoota'a, ca' najo huaxaỹaq ñigui leuoripi ma'le. 18Ca ileu ma'le na nallinyipi huañigui ana lachiugue, ca' se no'uen ma'le na lahita. Ca vire'ta na Egipto laseripi naqaica'a ma'le na huaxaỹaq le'ec ana'maxare.
19Chaqai qai'neeta 'naac ñi qara'gaxala' queso Moisés:
—'Ñirapega ñi Aarón quiyim ỹacona yi lashilete, ỹeguec da lqai'laxat, quelec nqai'en ana lachiuguellipi, chaqai na ñaachipi, chaqai naua qai'mi', chaqai ana laquip lahi' na Egipto laseripi, chaqai ná'ogue ana huaxaỹaq lahi'. ¡'Ue ma'le na leuoripi, vire'ta ana na'maqataxanaxaqui quena huaxaỹaq, qo'paq chaqai ana qa'!
20Ca' so Moisés chaqai so Aarón 'neetetegue dá'maq qohinapegalo quiñi qara'gaxala'. Ca' so Aarón ỹachaxanshiguim aso lashilete, ca' ỹouaxanñigui so huaxaỹaq caso lachiugue, iuanchigui nqai'en so Faraón chaqai so lotauaripi. Ca sá'ogue so huaxaỹaq ñigui leuoripi. 21Ca' na nallin ileu, ca' na huaxaỹaq tot qaishit qani'chigui quena Egipto laseripi. Ca' no'xagui ná'ogue na huaxaỹaq lahiripi quiyá'ogue yi Egipto quena leuoripi.
22Qam so 'viiquiaxairipi quiyi Egipto qai'neeta ro'ueenataxana da lo'viiquiaxac, ỹadenaxat so'maxare. Ca' vichiguiño' so Faraón paguec se na'xaỹaxanalo saua Moisés chaqai Aarón. Ca chaqaido' dá'maq qohinapegalo quiñi qara'gaxala'. 23Ca' so Faraón pila'a ca lauo' lodegaxat 'ec sqaica nqai'en dajo. 24Ca sá'ogue so Egipto laseripi ỹo'uet ana li'ỹa quena lahi aso lachiugue, qaiyi 'ue ca huaxaỹaq co'teeta. Ma' na huaxaỹaq caso lachiugue tot ishit qani'chigui.
Qaro'goxona ana piyiloxoloxo
25Ca co'na' ñi qara'gaxala' ime ỹouaxanñigui aso lachiugue, ca co'na' ỹovirerec saua siete na'xata',
Currently Selected:
Éxodo 7: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.