Mateo KPƆKPLƆYIƉEME
KPƆKPLƆYIƉEME
Mateo ƒe Nyanyui la nye agbalẽ si ƒo nu tso Yesu, Xɔla si ŋugbe Mawu do la ŋu. Eyae nye ame si dzi Mawu to wɔ ŋugbe si wòdo na eƒe amewo le Nubabla Xoxoa me la dzi. Togbɔ be Yudatɔwo domee wodzi Yesu ɖo, eye wònɔ wo dome wɔ dɔ hã la, mefia be Nyanyui la nye woawo ɖeɖe ko tɔ o, ke boŋ xexeme blibo la tɔe.
Woɖo Mateo ƒe Nyanyui la ɖe ɖoɖo nyui me. Gbã la, edze egɔme kple Yesu dzidzi, mawutsilele nɛ kple etete kpɔ. Eyome la, eƒo nu le Yesu ƒe mawunyagbɔgblɔ, nufiafia kple gbedada le amewo ŋu le Galilea-nutowo me ŋuti. Emegbe woŋlɔ nu tso Yesu ƒe mɔzɔzɔ tso Galilea yi Yerusalem kple nu siwo dzɔ le eƒe kwasiɖa mamlɛtɔ me la ŋu. Ewu enu kple Yesu kaklã ɖe atitsoga ŋu kple eƒe tsitretsitsi tso ame kukuwo dome.
Agbalẽ sia ɖe Yesu fia be eyae nye Nufiala gãtɔ, eye ŋusẽ le esi be wòaɖe Mawu ƒe se la gɔme. Agbalẽ sia koe fia nu le Mawu ƒe fiaɖuɖu ŋu. Woƒo ƒu Yesu ƒe nufiamenyawo hema ɖe tanya vevi atɔ̃ me:
(1) Mawunyagbɔgblɔ le to dzi. Esia ƒo nu tso dziƒofiaɖuƒemenɔlawo ƒe nɔnɔme, woƒe dɔdeasiwo, gome si woakpɔ kple nu si Mawu ɖo ɖi na wo la ŋu (ta 5--7);
(2) afɔɖoƒefiafia nusrɔ̃la wui eveawo tso dɔ si gbe Yesu dɔ wo ɖo ɖa la ŋu (ta 10);
(3) lododowo le dziƒofiaɖuƒe la ŋu (ta 13);
(4) nufiafia si ɖe ale si ame nazu Yesu ƒe nusrɔ̃la gɔme (ta 18); kple
(5) nufiafia tso xexe si li fifia la ƒe nuwuwu kple dziƒofiaɖuƒea ƒe vava ŋuti (ta 24-25).
Agbalẽa ƒe nyatiwo
Dzidzimexexlẽfia kple Yesu Kristo dzidzi 1.1—2.23
Yohanes mawutsilenamela ƒe dɔwɔwɔ 3.1-12
Mawutsilele na Yesu kple etete kpɔ 3.13—4.11
Yesu ƒe dɔwɔwɔ le dutoƒo le Galilea 4.12—18.35
Yesu ƒe mɔzɔzɔ tso Galilea yi Yerusalem 19.1—20.34
Yesu ƒe kwasiɖa mamlɛtɔ le Yerusalem-dua me kple dua godo 21.1—27.66
Aƒetɔ la ƒe tsitretsitsi kple eɖokuiɖeɖefia amewo 28.1-20
Currently Selected:
Mateo KPƆKPLƆYIƉEME: EB14
Highlight
Share
Copy
Want to have your highlights saved across all your devices? Sign up or sign in
EƲEGBE BIBLIA © The Bible Society of Togo, 2014.