Nikumoona 143
143
Nikumoon CXLIII.
1Nutoo̔ta net ayumehawin, O Tāpāye̔chekāyun, mena nakutowāye̔ta net ukawatumoowin: nutoo̔towin ke tapwāwin mena kwiusk ket itatissewin o̔che.
2Mena ākaweya pee̔tokwa k’ ooyussoowāwini̔k ket utooskāyakun: weya ke’ skesikoo̔k eyinew pimatissit āka kitta kwiusk i̔tit.
3Weya ka pukwasit ā ke̔ pupamamoo̔katat net a̔cha̔kwa; ke̔ nee̔chewāpahum moo̔chee̔k ne pimatissewin: ne ke̔ a̔yik wunetipiska̔k, tapiskooch napāwuk kuyas ā ke̔ o̔che nippitchik.
4Āwuko o̔che net a̔cha̔k numma na̔āye̔tum utami̔k ne’ yowi̔k: mena ne’ tā̔ utami̔k ne’ yowi̔k pāukoomukun.
5Āyewā̔k maka ne kunookiskissin oota̔k; ne mamitoonāye̔tān ka̔keyow ket isse̔chekāwina: tapwā, ne nukuya mamitoonāye̔tān ket isse̔chekāwina ke’ chee̔cheeä o̔che.
6Ke soowiniskātotatin: net a̔cha̔k ke we̔ ka̔chechepitik tapiskooch ā pastāk uske.
7Nutoo̔towin, O Tāpāye̔chekāyun, mena weputch, weya net a̔cha̔k ā uyāskoosit: ākaweya katwowin ke’ skesik, āka kitta nuspitowukik unekee ka pinussewātchik wati̔kani̔k.
8O keyam ne ga nutoo̔tān ke sakehewāwe meyototakāwin weputch ā kākesāpayak, weya keya ā mumisseetotatan: wapu̔teyin unima itatissewin kā mitimāyan, weya ā ispa̔kānumatan net a̔cha̔k.
9Natumowin, O Tāpāye̔chekāyun, ka pukwasitchik o̔che: weya ā natamoostatan kitta kaseyun.
10Kiskino̔humowin kitta totuman unima ā meywāye̔tumun, weya keya ā oo Munetoomimitan: keyam ke kissāwatissewe A̔cha̔k ne ga kiskinoo̔tahik kwiusk ka itatissenanewu̔k uskee̔k.
11Pimatisseskowin, O Tāpāye̔chekāyun, ke We̔yoowin o̔che: mena kwiusk ket itatissewin o̔che otin net a̔cha̔k ayimissewini̔k o̔che.
12Mena ke meywatissewin o̔che nippa̔hik ka pukwasitchik: mena mā̔chehik ka̔keyow tu̔to ka mikooskachehatchik net a̔cha̔kwa; weya ā utooskatan.
Currently Selected:
Nikumoona 143: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.