OO MEYO ACHIMOOWIN ST MATTHEW 6
6
PISKE̔TUSSINA̔HIKUN VI.
1Pāu̔tuk āka kitta totumāk ke mākewinewawa, ayiseyinew ā kunowapumikooyāk; kakuyā weya numoweya ke ga tipahumakoowaw k’O̔tawewaw ke̔che kesikoo̔k ka ayat. 2Maka ā totumune ke mākewina, ākaweya pitta kitoo̔ta pootachekun, ka itotu̔kik Ayumehāwekumikoo̔k ka wuyāsehissootchik mena māskuna̔k, kitta mume̔chimikootchik ayiseyinewa. Ne tapwan ka isse we̔tumatukook, Assi ayawuk oo tipahumakoowinewaw. 3Maka ā totumune ke mākewina, ākaweya ke numa̔tin kitta kiskāye̔tumomukun ke ke̔cheniski̔k ā totumun: 4Kitta kemooch mākeyun ke mākewina: mena k’O̔tawe ka wapu̔kāt ā nissikuto ayawee̔t weya kā̔chewak ke ga tipahumak.
5Mena ayumehayune, numoweya ke ga nuspitowawuk ka wuyāsehissootchik: mana maka sake̔tawuk ā ayumehatchik ā nepowitchik ayumehāwekumikoo̔k mena ke̔kāyak māskuna̔k, kitta wapumikootchik ayiseyinewa. Ne tapwan ka isse we̔tumatukook, Assi ayawuk oo tipahumakoowinewaw. 6Maka keya, ayumehayune, pee̔tokwā ā piskee̔cheäyak k’eekee, ka kipahumune ket iskwa̔tām, mowimoostow k’O̔tawe ā nissikuto ayat; ākose k’O̔tawe ka wapu̔kāt ā nissikuto ayawee̔t ke ga tipahumak. 7Maka ayumehayune, ākaweya kakee̔twam itwāwina aputche̔ta, ka itotu̔kik ayiseyinewuk: mana maka kitta pa̔takoweya̔k ā itāye̔tu̔kik wā̔che mi̔stahā ayumitchik. 8Ākaweya maka nuspita̔kook; weya k’O̔tawewaw ā kiskāye̔tu̔k kākwi kweetumayāk, ā moyā kukwāchimāk. 9Omisse maka isse ayumehak: N’O̔tawenan ke̔che kesikoo̔k āyayun, kitta we̔ ke̔katāye̔takwun ke we̔yoowin. 10Ke tipāye̔chekāwin kitta oochechepuyew. Ā itāye̔tumun kitta we̔ tochekatāo ota uskee̔k, ka isse ayak ke̔che kesikoo̔k. 11Meeyinan unoo̔ch ka kesikak kā oo pu̔kwāsekunimeya̔k. 12Mena usānumowinan ne mussina̔hikāwinenana, ka isse usānumowukee̔tchik unekee ka mussinahumakooya̔kik. 13Mena ākaweya itoo̔tahinan wuyāse̔chekāwini̔k, maka metakwānumowinan muche kākwi: Keya ket ayan ke̔che otānowewin, wawach soo̔katissewin, mena mume̔chimikoowin, kakekā. Amen.
14Keespin matika ket usānumowawuk ayiseyinewuk ā wunetotakooyākook, ke̔che kesikoowe k’O̔tawewaw neesta ke ga usānumakoowaw ā wune̔teyāk: 15Maka keespin numma ket usānumowawawuk ayiseyinewuk oo wune̔tewinewawa, numoweya neesta ke ga usānumakoowaw k’O̔tawewaw ā wune̔teyāk.
16Mena maka kowa̔kutāhooyākoo, ākaweya, nuspita̔kook ka wuyāsehissootchik, āka ka nahe̔kwānakoositchik: weya ā a̔chenakoo̔tatchik oo’ skesikoowawa, tapwā kowa̔kutāhoo kitta itāyimikootchik ayiseyinewa. Tapwā ka ititukook, assi ayawuk oo tipahumakoowinewaw. 17Maka keya, wa̔ kowa̔kutāhooyune, toomina ke’ stikwan, mena kasee̔kwā; 18Āka ayiseyinew tapwā kowa̔kutāhoo kitta itāyimisk, maka k’O̔tawe ka nissikuto ayat: ākose k’O̔tawe ka wapu̔kāt a nissikuto ayawee̔t ke ga tipahumak.
19Ākaweya ota uskee̔k mawutche̔tak ket ayanewawa, itta munechoos mena ā missewapiskak ka nissewunatu̔k, mena itta kimootiskuk ka puspepeekoonu̔kik ā kimootitchik: 20Maka mawutche̔tak ket ayanewawa ke̔che kesikoo̔k, itta āka munechoos a̔po ā missewapiskak kā ke̔ nissewunatu̔k, mena itta kimootiskuk āka ka puspepeekoonu̔kik a̔po kimootitchik: 21Mana maka itta ket ayanewawa ā ayakee, ākotā ke tā̔ewawa kā ayakee ussitche.
22Me’skesikoo̔k kā o̔che wastāk me’yow: keespin maka ke skesik meyo ayaw, missewā ke’yow kitta sakuskināo wastāo. 23Maka keespin ket a̔koosin ke’skesik, missewā ke’yow kitta sakuskināo wunetipiskaw. Keespin maka unima wastāo ka kekeskumun wunetipiskaw, taneyekoo̔k, āwuko wunetipiskak!
24Numoweya eyinew kitta ke̔ utooskowāo nesoo ookemawa: o̔chetow pāuk kitta pukwatāo, mena kitta sakehāo kotuka; a̔po kitta mechimew pāuk, mena kitta atowāyimāo kotuka. Numoweya ke ga ke̔ utooskowawaw Muneto mena wāyootissewin. 25Āwuko o̔che maka ka ititukook, Āka naspith kitta mitoonāye̔tumāk ke pimatissewinewaw, kākwi kā mecheyāk, a̔po kākwi kā mini̔kwāyāk; a̔po ke’ yowewa̔k, kākwi kā poosiskumāk. Numma che owusimā itāye̔takwun pimatissewin ispee̔ch mechim, mena me’yow ispee̔ch weya̔chekun? 26Mamitoonāyimee̔kook peyaseesuk: numoweya pukitinikāwuk, mena numoweya munissekāwuk, mena numoweya tukwahikāwekumikoo̔k pee̔tasoowuk; āyewā̔k maka ke̔che kesikoowe k’O̔tawewaw ussumāo. Numma na mistahā ket owusimāskowawawuk āwukwunik? 27Owāna ā moo̔che mamitoonāye̔tu̔k kā ke̔ tukoo̔tat pāuk tipahikun ā iskookapowit? 28Kākwi maka kā o̔che mitoonāye̔tumehikooyāk weya̔chekun? Nakutowāye̔tumook wapukwunewa kistekani̔k, ā isse ne̔taweke̔kee; numoweya utooskāwuk, mena numoweya peema̔hikāwuk: 29Āyewā̔k maka ke we̔tumatinawaw, nummawawach a̔po Solomon ka ata isse kistāye̔takoosit ke̔ issehoo tapiskooch ohoo. 30Keespin maka Muneto ukwuna̔hum uske muskooseä o̔che, unoo̔ch ka kesikak ā ayakee, ākose ka wapu̔k kuskemooti̔kussekuni̔k ā pee̔tahikatākee, numma na owusima ke ga weya̔tahikoowaw keyawaw, O keyawaw āpisasik ke tapwā̔tumoowinewaw? 31Āwuko o̔che maka ākaweya itāye̔tumook, omisse, Kākwi kā mecheya̔k? A̔po, kākwi kā mini̔kwāya̔k? A̔po, tantā o̔che kā weya̔chekāya̔k? 32(Āwukwunee ohoo ka̔keyow ayiseyinewuk nātoonu̔kik): kiskāye̔tum ke̔che kesikoowe k’O̔tawewaw ā kweetumayāk ohoo ka̔keyow kākwia. 33Maka nutoonumook nistum otānowewin Kissā Muneto, mena kwiusk oot itatissewin; ākose ka̔keyow ohoo kākwia ke ga tukoonumakowinawaw. 34Ākaweya maka mitoonāye̔tumook kā wapu̔k: yukumāka kā wapu̔k kā mitoonayimissoomuku̔k. Tāpeyeko̔ok kitta ayimum ā kesikak.
Currently Selected:
OO MEYO ACHIMOOWIN ST MATTHEW 6: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.