OO MEYO ACHIMOOWIN ST MATTHEW 17
17
PISKE̔TUSSINA̔HIKUN XVII.
1Ka nikootwasoo kesikayik Jesus otināo Peter, James, mena John oo chewama, mena itoo̔tahāo tu̔koo̔tamutin ā isputinak wutche, 2Ākose kwāskenakoohoo ā wapumikoot; mena oo’ skesik wastāyew tapiskooch pesim, mena oot ayoowinisa wapiskayewa tapiskooch wastāo. 3Ākose otee̔tikwuk Moses mena Elias ā ayumehikoot. 4Ākose Peter nuskwāwusehāo, mena omisse itāo Jesusa, Ka Tipāye̔chekāyun, meywasin ota kitta ayaya̔k: keespin ke nuskoomoon, kitta ose̔taya̔k nistoo meekeewa̔pa; pāuk keya kitta ayāyun, mena pāuk Moses, mena pāuk Elias. 5Kāyapitch ā ayumit, kāta̔towā ā wasisoot wuskoo ukawastāhookwuk: ākose pā̔tumwuk ā itwāwee̔t wuskoo̔k o̔che, omisse, Āwuko owa seäkehuk ne Koosis, ka na̔heyowāhit; nutoo̔ta̔k. 6Ākose ispe kiskino̔humowakunuk peā̔tu̔kik, ootee̔tuppepuyewuk, mena naspitch ā sākissitchik. 7Ākose Jesus pāche samināo, omisse itāo, Wuniskak, ākaweya koostatchik. 8Ākose ispe ka tustusapitchik, numoweya wapumāwuk, Jesusa piko. 9Ākose ka pāche ne̔tamutchewātchik, Jesus ayeechimāo, omisse itāo, Ākaweya oweyuk we̔tuma̔k ka isse wapu̔teyikoowiseyāk, patima eyekoo̔k napāo oo Koosisan ke̔ wuniskatche nippoowini̔k o̔che.
10Ākose oo kiskino̔humowakuna kukwāchimik, omisse, Tanā̔kā maka ka mussina hu̔kik ooyussoowāwina Elias nekan kitta tā̔ koosin ka o̔che itwātchik? 11Maka Jesus nuskwawusehāo mena omisse itāo, Elias tapwā, nekan kitta tukoosin, ākose kitta meyoo̔taw ka̔keyow kākwia. 12Maka ke we̔tumatinawaw, assi Elias ā ke̔ tukoosi̔k, maka numoweya ke̔ kiskāyimāwuk, mena ke̔ totowāwuk piko ā isse nutowāye̔tu̔kik. Ākose neesta Napāwe Koosisana kā totowatchik. 13Ākose kiskino̔humowakunuk nisseto̔tumwuk John Ooseekaha̔takāwa ā itayit.
14Ākose ispe wātee̔tatchik ookistukāwe ayiseyinewa, pā natik pāuk napāwa ā nepuskoopeestakoot, omisse ā itikoot, 15Ka Tipāye̔chekāyun, kissāwatotow ne Koosis: tu̔to pesim itaspināwin ayaw, mena naspitch kitimahik: weya me̔chātwaw ā muchoostāwāpinikoot, mena me̔chātwaw ā pukustowāhookoot. 16Ne ke̔ ata pātoowawuk ke kiskino̔humowakunuk, maka numoweya ke̔ pimachehawuk. 17Ākose Jesus nuskwāwusehāo mena omisse itāo, O āka wātapwā̔tumoowineyāk mena nayā̔tawatisseyāk uniskā peā o̔cheyāk, taneyekoo̔k kinwās kā wechātukook? taneyekook kinwās kā pacheetukook? pāsee̔k ma̔te neya. 18Ākose Jesus kitootāo muche a̔cha̔kwa: ākose tapwa wāyoweeyit: ākose owa owasis ka pimachehee̔t ākota mākwach āwuko tippa̔hikun. 19Ākose pā natik Jesus oo kiskino̔humowakuna, omisse itik, Tanā̔kā āka neyanan wā̔che ke̔ wuyowetissa̔wuke̔et? 20Maka Jesus omisse itāo, chikāma, ā oot anwā̔tumoowineyāk: ne tapwan ka isse we̔tumatukook, Keespin ayayāk tapwā̔tumoowin tapiskooch pāukoominuk upistche kistekanis, omisse ke ga ita̔tawaw oma wutche, nātā kitta we̔ ustāo; ākose tapwā itta kitta ayapun: mena numoweya kākwi ke ga sakoochehikoo̔tawaw. 21Maka unne omatoowa numoweya ne̔ta wuyowëw piko ka̔ ayumeha̔ke mena ka̔ kowa̔kuta̔hoosoo̔ke.
22Ākose mākwach Galilee̔k ā ayatchik, Jesus omisse itāo, Napāo oo Koosisana kitta atamawuk ayiseyinewuk: 23Ākose kitta nippa̔hāwuk, maka nistoo kesikayike mena kitta wuniskaw. Ākose naspitch numma na̔āye̔tumwuk.
24Ākose ispe wātee̔tu̔kik Capernaum, unekee ka otinatchik sooneyawa pāche natāwuk Petera, omisse itāwuk, Numma na K’ookemamewaw pukitināo sooneyawa? 25Āhā, itāo. Ākose ā utte pee̔tokwāt waskahikuni̔k, Jesus kitootāo, omisse itāo, Tanse ā itāye̔tumun, Simon? owāyewa Ke̔che Ookemawuk ota uskee̔k ka otinumowatchik sooneyawa? Oot owasimisewawa che kā̔chewak, a̔po che ayu̔ch oweya. 26Peter omisse itāo, Ayu̔ch oweya. Jesus maka omisse itāo, Ākose āsa weya owasisuk tāpāyimissootchik. 27Āyewā̔k maka, āka kitta nayā̔tawāye̔tu̔kik, nassepā wenepākoo̔k, mena pukustowāha kwaskwāpitchekun, ākose otin una kinoosāo nistum kā o̔tu̔tu̔k; ākose ke̔ paske̔toonānutche, ke ga miskowaw sooneyaw: āwuko otin, meeyi̔k maka keyanow āwuko tapiskooch ā mākeya̔k.
Currently Selected:
OO MEYO ACHIMOOWIN ST MATTHEW 17: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.