OO MEYO ACHIMOOWIN ST MATTHEW 14
14
PISKE̔TUSSINA̔HIKUN XIV.
1Ākospe una Herod ā Ke̔che Ookemawit pā̔tum ā ahchimimee̔t Jesus. 2Omisse itāo oot utooskāyakuna, Āwuko John ooseekaha̔takāo; ke̔ wuniskatokwā nippoowini̔k o̔che, āwuk’ o̔che maka ka wapu̔teyewāt mama̔tawe isse̔chekuna.
3Weya Herod oo ke̔ otina̔ John, ā tu̔koopitat, ā kipa̔wat Herodias o̔che, oo chewama Philip oo weweyewa. 4Weya John ā ke̔ we̔tumowat, numoweya meywasin keya kitta ayawut. 5Maka ā ata we̔ nippa̔hat, koostāo ayiseyinewa, weya ookiskewāhikā̔k ā isse kunowapumatchik. 6Maka ispe Herod ā tipisku̔k, oo tanisa Herodias neemehitoo ā wapumikoot, ākose na̔heyowāhāo Heroda. 7Usootumowāo ā ke̔che itwāt kitta meeyat piko kā isse nutootumeyit. 8Ākose ā ke̔ kuya̔tā kukāskimikoot oo’ Kaweä, Itwāo, Pātaw John Ooseekaha̔takāo oo’ stikwan misseyakuni̔k. 9Ākose mawutche Ke̔che Ookemaw me̔tatum: sakooch maka ā ke̔ ke̔che itwāt mena unehee ā ke̔ pā̔takoot ka weetuppimikoot ā mechesootchik, itussoowāo kitta meeyime̔et. 10Ākose isitissa̔wāo oweya, kitta keeske̔kwātowayit John kipahootoowini̔k. 11Ākose oo’ stikwan, ke̔ pātawan misseyakuni̔k, utte meeyaw owa ooskeneekiskwāo: ākose pātoowāo oo’ Kaweä. 12Ākose oo kiskino̔humowakuna pāche, otinumeyewa we’yow, ākose na̔he̔kumwuk, nutowe we̔tumowāwuk Jesus.
13Ispe Jesus peā̔tu̔k āwuko, nukutum ākota poosew chemani̔k oo̔pimā itta ayaw: maka ispe ayiseyinewuk ka pā̔tu̔kik, pimitissa̔wāwuk ke̔che waskahikuni̔k o̔che ā moostoo̔tātchik. 14Ākose Jesus ā itoo̔tāt, wapumāo ookistukāwe ayiseyinewa, ākose moose̔taw ā kitimakinowat, ākose pimachehimāo oot a̔koosewa. 15Ākose ispe wātakooseik, oo kiskino̔humowakuna pā natik, omisse itik, osam pukwunuta oo̔pimā ket ayanow, ākose ākwa kesikaw ā mayawepuyik: sipwātissahook okoo ookistukāwe ayiseyinewuk, kitta natu̔kik waskahikuna, ākose kitta utawāstumasootchik mechima. 16Maka Jesus omisse itāo, Soo̔kātookwā kā sipwā̔tātchik; meeyi̔kook kā mechitchik. 17Ākose omisse itāwuk, Neänun piko peeswā ayu̔koonawuk net ayawananuk, mena nesoo kinoosāwuk. 18Pātwowik keyam ota, itwāo. 19Ākose itussoowatāo ohoo ookistukāwe ayiseyinewa kitta ooyuppeyit muskooseeska̔k, ākose otināo ohoo neänun peeswā ayu̔koonawa, mena ohoo nesoo kinoosāwa, ke̔che kesikoo̔k ka isse tustusapit, meywukimāo, mena pu̔kwānāo, mena meeyāo peeswā ayu̔koonawa oo kiskino̔humowakuna, ākose kiskino̔humowakunuk matinumowāwuk ohoo ookistukāwe ayiseyinewa. 20Ākose ka̔keyow ke̔ mechesoowuk, mena ke keespoowuk: ākose moosu̔kinumwuk iskwa̔chekuna ka iskwa̔tumoo̔t nesoosap metatu̔t wuttupewuta sakuskin. 21Unekee ka ke̔ mechesootchik nantow neänun ke̔che meta̔to metunoo itussewuk napāwuk, ussitche iskwāwuk mena owasisuk.
22Ākose sāmak Jesus see̔kimāo oo kiskino̔humowakuna kitta pooseyit, mena nekan kitta asoowahumeyit, ā ispee̔che kewātissa̔wat ookistukāwe ayiseyinewa. 23Ākose ispe ka kewātissa̔wat ookistukāwe ayiseyinewa, koospamuchewāo wutchee̔k ā nutowe ayumehat: ākose ispe ā otakoosineyik, ākota pāukoo ayaw. 24Maka cheman towukam ā ayak, ā mamakaskak; weya ā nunimu̔k. 25Ākose kākach ā wapu̔k Jesus natāo, ā pimoo̔tāt wenepākoo̔k. 26Ākose ispe kiskino̔humowakunuk weäpumatchik ā pimoo̔tāyit wenepākoo̔k, mekooskachehikwuk, omisse itwāwuk, Chepuy ātokwā; ākose mowimoo̔kāwuk ā sākissitchik. 27Maka sāmak Jesus ayumehāo, omisse itāo, na̔āye̔tumook; neya oma; ākaweya koostatchik. 28Ākose Peter nuskwāwusehāo omisse itāo, Ka Tipāye̔chekāyun, keespin keya, see̔kimin kitta natitan nippee̔k. 29Ākose omisse itāo, Astum issa. Ākose Peter kupaw, pimoo̔tāo nippee̔k, ā natat Jesusa. 30Maka ā wapu̔tu̔k ā misseyootineyik, sākissew; ākose ā utte koosapāt, mowimoo̔kāo, omisse itwāo, Ka Tipāye̔chekāyun, pimachehin. 31Ākose sāmak Jesus sooweniskāyew, ā otee̔tinat, omisse ā itat, O tapwā upisasin ke tapwā̔tumoowin, tanā̔kā ka o̔che sakwāyimooyun? 32Ākose ispe ka poositchik, sāmak uywastin. 33Ākose unekee pee̔tootuk ka ayatchik pāche putuppeestowāwuk, omisse itāwuk, Tapwā ke Munetoowe Koosisanewin.
34Ākose ispe missukatchik ukami̔k, otee̔tumwuk unima uske Gennesaret. 35Ākose ispe ayiseyinewuk itta ka ayatchik kāskayimatchik, isitissa̔wāwuk ka̔keyow tu̔to itta waska ka ayayit, ākose pātoowāwuk tu̔to ā a̔kooseyit; 36Mena pukoosāyimāwuk tāpeya̔k piko kitta saminumwatchik oot ukoohooneyew: ākose tu̔to ka saminatchik metoone pimachehikwuk.
Currently Selected:
OO MEYO ACHIMOOWIN ST MATTHEW 14: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.