MATIUS 23
23
L᷊aingati tadeau pakatiho su manga meteri agama dang manga tau Farisi
(Mrk. 12:38-39; Luk. 11:43,46, 20:45-46)
1Bou e'e I Yesus nangul᷊i su taumata maul᷊i l᷊au su manga tumatuhu-E, 2“Manga meteri agama dang manga tau Farisi nakarea kawasa guna ngu pul᷊ahe torati i Musa. 3Ual᷊ingu e'e tarimae dang tuhukete kaul᷊i u ko iparenta ngi sire. Kateho ariwe pukoa apang ko koateng i sire, watu'u i sire ta mupal᷊al᷊eng u apang ko nitintiro ngi sire. 4I sire manuntu hal᷊i ko masusa dang mangonggo atorang ko mabuha, kateho sarang singkodo i sire ta mutul᷊ung u taumata mupal᷊al᷊eng u tamai e'e. 5#Rek. 15:38; Sau. 6:8; Mat. 6:1Kaul᷊ie ko koateng i sire kitang tadeau pakituhunge su taumata. I sire mutaturi mupake l᷊aiki kal᷊iomaneng mawawunahi dang mupakanandu lalaing u juba ngi sire!#23:5: lalaing u juba ngi sire: lalaing e'e ipake kere tatia ngu tatuhu su Mawu Ruata (putuhung Rek. 15:37-41). 6I sire mo mundea tampa ko kapiange su pusal᷊iwangeng dang kadera ko masidada suapang wal᷊e pukakal᷊iomanengang. 7I sire makihaghi adateng su manga pasari, dang kuing ‘Tuang Guru.’ 8Arawe i kumu, kumbahang mo kuiang ‘Tuang Guru,’ watu'u Guru ngi kumu kitang simbau, dang i kumu kaul᷊ie sintamahuaring. 9Dang kumbahang i kumu mukumui manga singkatau su dunia i'i ‘I Yamang,’ watu'u I Yamang i kumu kitang simbau, ko I Yamang su sorga. 10Dang kumbahang i kumu mo kuiang ‘Pangaha,’ watu'u pangahau kitang pia simbau, ko Ratu Mananal᷊amati ko nipudiandi ngu Mawu Ruata. 11#Mat. 20:26-27; Mrk. 9:35, 10:43-44; Luk. 22:26Taumata ko kal᷊abokange su tal᷊oara i kumu, mambeng makoa paparentangu. 12#Luk. 14:11, 18:14Taumata ko mutingkarange u watangenge sarung ipakasana dang taumata ko mutingkasana u watangenge sarung ipakarange.”
I Yesus manungkul᷊i lulu ko makitika
(Mrk. 12:40; Luk. 11:39-42,44,52, 20:47)
13“Silaka i kumu apang meteri agama dang manga tau Farisi! I kumu pia lulu makitika. I kumu managakang taumata ko makoa umati Mawu Ruata. I kumu mandiri makoa umati Mawu Ruata, dang taumata ko wal᷊inge ko mo, sahagheng i kumu.
[14Kasasilaka si kumu apang meteri agama dang tau Farisi: I kumu pia lulu makitika. I kumu mangakal᷊i manga kowawine ko wal᷊u dang muhampasi wal᷊e ngi sire dang tadeau mataka kakanoa ko dal᷊ai e'e, i kumu mukal᷊iomaneng manandu-nandu. E'e hakiu hukumang si kumu sarung mabuha!]
15Kasasilaka si kumu apang meteri agama dang manga tau Farisi! I kumu pia lulu makitika! I kumu l᷊umal᷊eng marau l᷊umiu l᷊auri, dang mul᷊iku kaul᷊i u wanua kitang tadeau mundea taumata simbau pasu su agamau. Bou e'e suapang tau e'e nasu su agamau, i sie koateng i kumu tataho u naraka pakarua kal᷊al᷊aie bo i kumu!
16Kasasilaka si kumu manga pangaha ko wuta! I kumu manintiro ngu i'i, ‘Boko taumata mutewa manibo Wal᷊e ngu Mawu, taumata e'e ta maiki su tewange; arawe boko i sie mutewa manibo wul᷊aeng su l᷊al᷊ung u Wal᷊e ngu Mawu, i sie kal᷊aiki su tewange e'e.’ 17I kumu taumata ko bodoki ko wuta! Sude'e nangilebe mahariga, wul᷊aeng arako Wal᷊e ngu Mawu ko nakasusi wul᷊aeng e'e? 18I kumu manintiro ngu i'i l᷊ai, ‘Boko singkatau mutewa manibo tampa pananumbang, taumata e'e ta maiki su tewange; arawe boko i sie mutewa manibo sasumba ko matatimbo su tampa u pananumbang, i sie kal᷊aiki su tewange e'e.’ 19Wal᷊inge gampang kawutange i kumu! Sude lebe mahariga? Sasumba arako tampa pananumbang, ko nakasusi sasumba e'e? 20Ual᷊ingu e'e, boko singkatau mutewa, manibo tampa pananumbang, mangal᷊enge e'e i sie mutewa su l᷊al᷊ung u tampa pananumbang, dang su sasumba ko matatimbo su wawoe. 21Dang boko singkatau mutewa manibo Wal᷊e ngu Mawu, e'e mangal᷊enge i sie nutewa su l᷊al᷊ung u areng u Wal᷊e ngu Mawu e'e dang su l᷊al᷊ung u areng u Mawu Ruata ko natana su se'e. 22#Yes. 66:1; Mat. 5:34Dang boko singkatau mutewa manibo sorga, e'e mangal᷊enge i sie nutewa su saruang u kakangianeng kararatuang u Mawu, dang su sarung u Mawu Ruata ko kakangiang su se'e.
23 #
Im. 27:30
Kasasilaka si kumu apang meteri agama dang manga tau Farisi! I kumu pia lulu makitika. Haghi ngu rampa kere manga salasi, adas manisi l᷊au jintan l᷊ai manga rampa ko wal᷊inge, i kumu munggile simbahageang mapul᷊o su Mawu. Arawe hal᷊i ko lebe mahariga su l᷊al᷊ung u atorang u agama kere: Kal᷊aadili, pukakindaghi, dang kasasatia, ta pandungang i kumu. Sumbal᷊i ko e'e hino ngu koateng i kumu, dang l᷊ai ta mamala ngu ko wal᷊inge. 24I kumu manga pangaha ko wuta! L᷊ango su inung i kumu isahikang, arawe onta pelohang i kumu!
25Kasasilaka si kumu manga meteri agama dang manga tau Farisi! I kumu pia lulu makitika! Manga wohosi dang l᷊ama i kumu niuhasi kumu mabursi-bursi bageang u l᷊ikurie, kateho bageang u l᷊al᷊unge mal᷊amuhu kahingang dingang u manga hal᷊i ko nikarea i kumu bou pamamul᷊aho dang kal᷊aanggang. 26Farisi ko wuta! Kikisiko horo l᷊al᷊ung u wohosi dang l᷊ama i kumu pakabursi, tadeau l᷊ikuri l᷊ai mabursi!
27 #
Wuk. 23:3
Kasasilaka si kumu apang meteri agama dang manga tau Farisi! I kumu pia lulu makitika! I kumu musul᷊ung u manga kubul᷊i bou nilaburang mawira; Bou l᷊ikuri tuhungang masidada, arawe su l᷊al᷊unge napene manga duhi dang apang ko mababuhu. 28Kere'e l᷊ai i kumu. Bou l᷊ikuri tuhungang taumata mapia; arawe su l᷊al᷊unge; i kumu napene u l᷊eo dang haghi ngu palanggarang.”
I Yesus nunubueti hal᷊i u hukumang su manga meteri agama dang manga tau Farisi
(Luk. 11:47-51)
29“Kasasilaka si kumu apang meteri agama dang manga tau Farisi! I kumu pia lulu makitika! I kumu mukoa kubul᷊i masidada guna ngu manga nabi, dang mul᷊ighahi tugu tatia su taumata ko mapapia wiahi. 30Dang i kumu nangul᷊i, ‘Kiko i kami nuwiahi su tempo ngi upung i kami horo, i kami ta nutumuhu dingang i sire ko namate nabi.’ 31Inau i kumu nangaku himoneu i kumu ko hintou ngu manga taumata ko namate nabi! 32Boko kere'e, pakaturusi l᷊au pakasue manga dosa ko seng nitita i upungu e'e! 33I kumu mang taumata ko dal᷊ai dang hintou ngu taumata ko dal᷊ai. Kirapa i kumu makal᷊iwiri watangeng i kumu bou hukumang su naraka? 34Daringihete pakapia-pia; Ia sarung mundoi sarang koa i kumu manga nabi, manga taumata ko papande, dang manga meteri; singga bo i sire sarung pateng i kumu, dang ko wal᷊inge sarung ghantongang i kumu. Pia ko pahangeng i kumu su Wal᷊e Pukakal᷊iomanengang, dang wawatukang i kumu bou soa simbau sarang soa ko wal᷊inge. 35Watu'u e'e i kumu sarung ihukung ual᷊ingu pamamate ko nikoa i kumu su taumata ko takoae sal᷊ae – nanita bou pamamate si Habel ko takoae sal᷊ae, sarang nurating pamamate si Zakharia ana i Berekia, ko nipate ngi kumu su wula u Wal᷊e ngu Mawu l᷊au tampa pananumbang. 36Pangimangte: kaul᷊i u e'e sarung pikul᷊ang u taumata orasi i'i!”
I Yesus nukumindaghi u Yerusalem
(Luk. 13:34-35)
37“Yerusalem, Yerusalem! I kau namate manga nabi. Manga raroi u Mawu nipal᷊o u watu sarang nate. Seng manga pakapira Ia mo mangomol᷊i kawanuangu kere ma u manu manirung manga anae su l᷊al᷊ung u tatilae, kateho i kumu mandiri! 38Watu'u e'e Mawu Ruata seng ta mahundingang i kumu l᷊ai. 39Katitongte: Manita bou orasi i'i i kau seng ta sarung makawua si Sia sarang i kau mangul᷊i, ‘Nial᷊amateng I Sie ko sumongo dingang areng u Mawu.’ ”
Currently Selected:
MATIUS 23: PLT
Highlight
Share
Copy
Want to have your highlights saved across all your devices? Sign up or sign in