MATIUS 1
1
Rekenang i upung I Yesus Kristus
(Luk. 3:23-38)
1I'i rekenang upung I Yesus Kristus, hintou ngi Daud, hintou ngi Abraham. Areng i upung I Yesus nanita bo i Abraham nutatuhu sarang nurating i Daud e'e ko kere i'i:
2-6aI Abraham
i Ishak,
i Yakub,
i Yehuda, l᷊au manga ana u singkataunge,
i Peres l᷊au i Zerah (Mama ngi sire rua arenge i Tamar),
i Hezron,
i Ram,
i Abinadab,
i Nahason,
i Salmon,
i Boas (Mamange i Rahab),
i Obed (Mamange I Rut),
i Isai,
l᷊au Ratu Daud.
6b-11 #
2Mar. 24:14-15; 2Taw. 36:10; Yer. 27:20 Bo i Daud sarang tempo ngu kawanua ngu Israel nirume sarang Babel, seng mawawohe apang areng mutatuhu kere i'i:
i Salomo (Mamange l᷊inau kawing i Uria),
i Rehabeam,
i Abia,
i Asa,
i Yosafat,
i Yoram,
i Uzia,
i Yotam,
i Ahas,
i Hizkia,
i Manasye,
i Amon,
i Yosia,
i Yekhonya l᷊au manga ana u simbaue
12-16Bou tempo Kawanua ngu Israel nirume sarang Babel, nurating u sasongo ngi Yesus, seng mawawohe apang areng mutatuhu kere i'i:
i Yekhonya,
i Sealtiel,
i Zerubabel,
i Abihud,
i Elyakim,
i Azur,
i Zadok,
i Akhim,
i Eliud,
i Eleazar,
i Matan,
i Yakub,
i Yusuf kawing i Maria
I Maria e'e nahinding I Yesus ko nisigho si Kristus.
17Boko kere'e bo i Abraham sarang nurating i Daud, kaul᷊ie pia mapul᷊opa su hawenge. Bo i Daud sarang nurating u tempo kawanua ngu Israel nirume sarang Babel pia mapul᷊opa su hawenge l᷊ai. Bou tempo kawanua ngu Israel nirume sarang Babel sarang nurating u sasongo ngi Kristus pia l᷊ai mapul᷊opa su hawenge.
Sasongo ngi Yesus Kristus
(Luk. 2:1-7)
18 #
Luk. 1:27
Kiri'i wuke ngu sasongo ngi Yesus Kristus. I mamange i Maria, nutunangang dingang i Yusuf. Su tempo ngi sire rua mborong tangkeng nukawing, nikatitonang i Maria ko seng pia kal᷊uwaenge. (i Yusuf wugha ko kal᷊uwaeng i Maria e'e ual᷊ingu kawasa ngu Roh u Mawu Ruata). 19I Yusuf tunangange e'e singkatau ko matuhu su atorang u agama. Ual᷊ingu e'e i sie pia kaoe mupakabusu tunangange asal᷊i pakarumasi tadeau i Maria ta ipakamea su saruang u hape. 20Su tempo ngi Yusuf kaputimbang u hal᷊i e'e, i sie nipi. Su l᷊al᷊ung u ipinge e'e, i sie nakawua singkatau malaikati u Mawu ko nudidato si sie, “Yusuf, hintou ngi Daud, kumbahang i kau mataku mukawing dingang i Maria, ual᷊ingu Ana su kal᷊uwaenge e'e, nariadi bou kawasa ngu Roh u Mawu Ruata. 21#Luk. 1:31I Maria sarung mahinding u singkatau ana ko ese. I kau mambeng pusigho areng u ana e'e I Yesus. Ual᷊ing i sie sarung mangambang umati-E bou dosa ngi sire.”
22Patiku e'e nariadi kere'e, tadeau apang ko niul᷊i u Mawu bou mohong u nabi-E makoa, e'e ko, 23#Yes. 7:14“Singkatau Mahua sarung pia kal᷊uwaenge dang sarung mahinding u singkatau Ana ko ese. Ana e'e sarung isigho Imanuel.” (Imanuel bou didato ngu Ibrani mangal᷊enge, ‘Mawu Ruata ene dingang i kite’.)
24Suapang i Yusuf nuwangung, i sie turusi nukoa apang ko niul᷊i u Malaikati u Mawu si sie. I sie nukawing dingang i Maria. 25#Luk. 2:21Su kal᷊iwueng i Maria mborong tangkeng nahinding u Ana e'e, i Yusuf mborong tangkeng nutatamba dingange. Suapang Ana e'e nipahinding, i Yusuf nusigho arenge I Yesus.
Currently Selected:
MATIUS 1: PLT
Highlight
Share
Copy
Want to have your highlights saved across all your devices? Sign up or sign in