MAAKE 1
1
1 Koe gaue a Jone koe Babitaiso. 9 Oku babitaiso a Jisu, 12 oku ahiahi‘i ia, 14 oku ne malaga: 16 oku ne ui a Bita, mo Anitelu, mo Jemesi, mo Jone: 23 oku ne fakamoui ae toko taha nae ulujino ai ae tevolo, 29 moe fa‘e ae unoho o Bita, 32 moe kakai mahaki toko lahi, 41 bea ne fakamaa ae kilia.
1KOE kamataaga oe ogoogolelei a Jisu Kalaisi, koe Alo oe Otua; 2O hage koia oku tohi i he kau balofita, Vakai, oku ou fekau atu hoku fakamelomelo ke muomua i ho ao, aia te ne teuteu ho hala kiate koe. 3Koe le‘o oe toko taha oku kalaga i he toafa, Mou teuteu ae hala oe Eiki, fakatonutonu hono gaahi aluaga. 4Nae babitaiso e Jone i he toafa, mo ne malaga aki ae babitaiso oe fakatomala ki he fakamolemole oe agahala. 5Bea nae alu atu kiate ia ae fonua kotoabe ko Jutea, bea mo kinautolu o Jelusalema, o nau babitaiso kotoabe iate ia i he vaitafe ko Joatani, o vete e nau gaahi agahala. 6Bea nae kofu aki a Jone ae fulu-fulu‘i kameli, bea nonoo aki hono koga loto ae kili‘i manu; bea naa ne kai ae hee moe mea hua melie oe vao; 7Bea naa ne malaga, o behe, Oku muimui iate au ae toko taha oku lahi kiate au, koe nonoo oe tobuva‘e oona oku ikai tāu mo au keu bunou hifo o vevete. 8Koe mooni, kuou babitaiso aki akimoutolu ae vai: ka te ne babitaiso aki akimoutolu ae Laumalie Maonioni.
9Bea i he gaahi aho koia, nae ha‘u a Jisu mei Nasaleti o Kaleli, bea babitaiso ia e Jone i Joatani. 10Bea alu hake leva ia mei he vai, bea ne mamata kuo mavaeua ae lagi, bea maliu hifo ae Laumalie kiate ia, o hage koe lube: 11Bea ogo mai ae le‘o mei he lagi, nae behe, Ko hoku Alo ofaaga koe, aia oku ou fiemalie lahi ai. 12Bea taki leva ia e he Laumalie ki be toafa. 13Bea nae i he toafa ia i he aho e fagofulu, o ahiahi‘i e Setani; bea nae i ai mo ia ae faga manu kai vao; kae tauhi ia e he kau agelo. 14Bea kuo fakahu a Jone ki he fale fakabobula, bea ha‘u a Jisu ki Kaleli, o malaga aki ae ogoogolelei oe buleaga oe Otua, 15O ne behe, Kuo hokojia ae kuoga, bea oku ofi ae buleaga oe Otua: mou fakatomala, bea tui ki he ogoogolelei.
16Bea i he ene haele i he matātahi o Kaleli, naa ne mamata kia Saimone, mo Anitelu ko hono tokoua, oku na lafo ae kubega ki tahi: he koe ogo toutai ika akinaua. 17Bea behe e Jisu kiate kinaua, Mo muimui mai iate au, bea teu gaohi akimoua ke mo toutai tagata. 18Bea naa na liaki leva ho na kubega, o muimui iate ia. 19Bea alu jii atu ia, mo ne mamata kia Jemesi koe foha o Sebeti, mo Jone ko hono tokoua, naa na i he vaka foki, o bena ho nau kubega. 20Bea ne ui leva akinaua: bea naa na liaki e na tamai ko Sebeti i he vaka moe kau gaue kuo uga, ka na muimui iate ia. 21Bea nau o ki Kabaneume: bea hu leva ia ki he fale lotu i he aho sabate, o ne ako. 22Bea nau ofo i he ene akonaki: he naa ne akonaki‘i akinautolu o tāu mo ia oku malohi, ka nae ikai hage koe kau tagata tohi.
23Bea nae i ho nau fale lotu ae tagata nae iate ia ae laumalie uli: bea kalaga leva ia, 24O behe, E Jisu o Nasaleti, tuku ai be; koeha akimautolu kiate koe? kuo ke ha‘u ke fakaauha akimautolu? Oku ou ilo koe, koe Toko Taha Maonioni oe Otua. 25Bea lolomi ia e Jisu, o behe, Ke ke fakalogobe, bea ke ha‘u kitua iate ia. 26Bea kuo haehae ia e he laumalie uli, mo tagi aki ae le‘o lahi, bea ne toki mahui iate ia. 27Bea nae ofo ai akinautolu kotoabe, koia ne nau fakafefehuiaki ai iate kinautolu, o behe, Koeha ae mea ko eni? koeha ae akonaki foou ni? he oku fekau eia i he malohi ki he kau laumalie uli, bea oku nau talagofua kiate ia. 28Bea nae mafola leva a hono ogoogo i he botu kotoabe o Kaleli. 29Bea kuo nau alu mei he fale lotu, naa nau hu, fakataha mo Jemesi mo Jone, ki he fale o Saimone mo Anitelu. 30Ka nae tokoto ae fa‘e ae unoho o Saimone oku mahaki koe mofi; bea nau fakaha leva ia kiate ia. 31Bea ha‘u ia o buke hono nima, o ne fokotuu ia: bea mahui leva ae mofi iate ia, o ne tauhi akinautolu. 32Bea kuo efiafi, o feuga moe to ae laa, mo e nau omi kiate ia akinautolu kotoabe nae mahaki, mo kinautolu nae ulujino ai ae kau tevolo. 33Bea fakataha ae kolo kotoabe ki he mataba. 34Bea fakamoui eia ae toko lahi nae mahaki i he mahaki kehekehe, mo ne kabuji ae kau tevolo toko lahi: bea ne taofi ke oua e lea ae kau tevolo, koeuhi kuo nau ilo ia. 35Bea bogibogi ai, naa ne tuu hake oku teeki aho, bea alu ia kituaa o mole atu ki he botu lala, bea lotu ai. 36Bea muimui iate ia a Saimone, mo kinautolu nae iate ia. 37Bea kuo ilo ia, bea nau behe kiate ia, Oku kumi kotoabe kiate koe. 38Bea behe eia kiate kinautolu, Ke tau o ki he gaahi botu kakai oku ofi mai, koeuhi keu malaga ai foki: he koia naaku ha‘u ai. 39Bea nae alu o malaga eia i ho nau gaahi fale lotu i Kaleli kotoabe, mo ne kabuji ae kau tevolo. 40Bea nae ha‘u kiate ia ae kilia, nae kole kiate ia, o tuulutui kiate ia, mo ne behe kiate ia, Kabau ko ho finagalo oku ke faa fakamaa au. 41Bea aloofa a Jisu, o mafao atu hono nima, o ala kiate ia, bea ne behe ki ai, Ko hoku loto ia; ke ke maa koe. 42Bea kuo lea ia, mo ene mahui leva ae kilia iate ia, bea maa ai ia. 43Bea ne nainai malohi kiate ia, bea toki fekau ke ne alu: 44O ne behe ki ai, Vakai oua naa ke lea ki ha taha: ka ke alu, o fakaha koe ki he taulaeiki, mo atu ae gaahi mea nae fekau e Mosese koeuhi ko hoo fakamaa, koe fakamooni kiate kinautolu. 45Ka nae alu atu ia, o ne kamata fakaha o lahi, mo fanogonogo ae mea ni, koia nae ikai ai ke toe faa alu fakaha a Jisu i he kolo, ka nae ituaa ia i he gaahi botu lala: bea naa nau ha‘u mei he botu kotoabe kiate ia.
Currently Selected:
MAAKE 1: TWB
Highlight
Share
Copy
Want to have your highlights saved across all your devices? Sign up or sign in