YouVersion Logo
Search Icon

E MATIU 5

5
1 Oku kamata fai e Kalaisi ene malaga i ke mouga: 3 Oku ne fakaha aia oku monuia, 13 kohai ae masima o mamani, 14 koe mama o mamani, koe kolo i he mouga, 15 koe mama: 17 nae ha‘u ia ke fakamooni ae fono: 21 koeha ae fakabo, 27 koe tono fefine, 33 koe fuakava: 38 koe eginaki ke kataki ae kovi, 44 ke ofa ki ho tau gaahi fili, 48 koe gaue ke ma‘u ae kaokaoa.
1BEA i he ene mamata ki he kakai toko lahi, nae alu hake ia ki he mouga: bea kuo nofo hifo ia, bea ha‘u ene kau akoga kiate ia: 2Bea lea ia, o ne akonaki kiate kinautolu, o behe, 3Oku monuia ae agavaivai: he oku o nautolu ae buleaga oe lagi. 4Oku monuia akinautolu oku tagi: he te nau ma‘u ae fiemalie. 5Oku monuia ae agamalu: he te nau ma‘u ae fonua. 6Oku monuia akinautolu oku fiekaia mo fieinua ki he maonioni: he te nau fonu ai. 7Oku monuia ae manavaofa: he te nau ma‘u ae ofa. 8Oku monuia ae loto maa: he te nau mamata ki he Otua. 9Oku monuia ae faa fakalelei: e ui ai akinautolu koe fanau ae Otua. 10Oku monuia akinautolu kuo fakataga‘i koeuki koe maonioni: he oku o nautolu ae buleaga oe lagi. 11Oku monuia akimoutolu, oka manukia, mo fakataga‘i, mo lohiekina akimoutolu i he mea kovi kotoabe, koeuhi ko au. 12Mou fiemalie o fiefia lahi aubito: he oku lahi hoo mou totogi i he lagi: he nae behe e nau fakataga‘i ae kau balofita nae mua iate kimoutolu.
13Koe masima o mamani akimoutolu: bea kabau kuo mole i he masima hono kona, e toe fakakona‘i fefe‘i ia? gata ai, oku ikai aoga ia, ka ke li kituaa, bea ke molomoloki ia e he kakai. 14Koe māma o mamani akimoutolu. Koe kolo oku tuu i ha mouga, oku ikai faa fakabuli ia. 15Bea oku ikai tutu ha māma, mo tuku ia i he lalo buha fua, ka ki he tuuga māma; bea oku ulo ia kiate kinautolu kotoabe oku i he fale. 16Tuku ke ulo behe hoo mou māma i he ao oe kakai, koeuhi ke nau ma mata ki hoo mou gaahi gaue lelei, bea fakamaloia a hoo mou Tamai aia oku i he lagi.
17Oua naa mou mahalo kuou ha‘u ke fakataeaoga‘i ae fono, be koe kau balofita: nae ikai teu ha‘u ke faka-taeaoga‘i, ka ke fakamooni. 18He oku ou tala mooni kiate kimoutolu, E tomua mole ae lagi moe fonua ka e ikai mole ha kihi‘i koga jii mei he fono, ka e fakamooni kotoabe. 19Ko ia te ne liaki ha fekau jii i he gaahi fekau ni, bea akonaki behe ki he kakai, e ui ia koe jii hifo i he buleaga oe lagi: ka ko ia te ne fai ia, mo akonaki aki ia, e ui ia koe lahi i he buleaga oe lagi. 20He oku ou tala atu kiate kimoutolu, Kabau e ikai lahi hake hoo mou maonioni i he maonioni oe kau tagata tohi moe Falesi, e ikai aubito te mou hu ki he buleaga oe lagi.
21Kuo mou fanogo nae behe kiate kinautolu i mua, Oua naa ke fakabo; bea ko ia e fakabo e tuutamaki ia ki he fakamāu. 22Ka oku ou tala atu kiate kimoutolu, Ko ia e ita noabe ki hono kaiga, e tuutamaki ia ki he fakamāu: bea koia te ne ui hono kaiga, Koe vale, e tuutamaki ia ki he fakamāu lahi: ka ko ia te ne lea behe, Koe faha koe, e tuutamaki ia ki he afi o heli. 23Koia kabau oku ke omi hoo mea foaki ki he eji‐feilaulau, bea ke toki manatu‘i ai oku koviia ho kaiga kiate koe; 24Tuku hoo mea foaki i he ao oe eji‐feilaulau, bea ke alu koe; o tomua fakalelei ki ho kaiga, bea ke toki ha‘u, o atu hoo mea foaki. 25Fakalelei vave mo ho fili, lolotoga hoo mo kei i he hala mo ia, telia naa tukuage koe e ho fili ki he fakamāu, bea tuku koe e he fakamāu ki he bule, bea e tuku koe ki he fale fakabobula. 26Ko eku tala mooni kiate koe, E ikai aubito te ke hao mei ai, kae oua ke ke atu ae totogi kotoabe. 27Kuo mou fanogo nae behe kiate kinautolu i mua, Oua naa ke tono fefine: 28Ka oku ou tala atu kiate kimoutolu, Ko ia oku fakajio ki ha fefine ke holi ki ai, oku tono‘i ia eia i hono loto. 29Bea kabau oku fakahala‘i koe e ho mata toomatau, kabe‘i ia, o liaki ia iate koe: he oku aoga kiate koe ke auha ho koga e taha, kae oua naa li ho jino kotoa ki heli. 30Bea kabau e fakahala‘i koe e ho nima toomatau, tutuu ia, o liaki ia iate koe; he oku aoga kiate koe ke auha ho koga e taha, kae oua naa li ho jino kotoa ki heli. 31Nae tala, o behe, Ko ia oku tukuage hono unoho, ke ne age kiate ia ae tohi mavae: 32Ka oku ou tala atu kiate kimoutolu, Ko ia e tukuage hono unoho, ka i he ene tono tagata, oku ne fakato-notagata‘i ia: bea ko ia e mali mo ia kuo fakamavae, koe tono fefine ia.
33Kuo mou fanogo foki, nae behe kiate kinautolu i mua, Oua naa ke fuakava loi, ka ke fai kia Jihova hoo fuakava: 34Ka oku ou tala atu kiate kimoutolu, Oua te mou fuakava: be ki he lagi; he koe afioaga ia oe Otua: 35Be ki he fonua; he ko hono tuugavae: be ki Jelusalema; he koe kolo ia oe Tu‘i lahi. 36Bea oua naa ke fuakava ki ho ulu, he oku ikai te ke faa gaohi ha tuoni louulu ke hinehina be uliuli. 37Ka i hoo mou alea, ke Io be hoo mou io; mo Ikai be hoo mou ikai: he koia oku fakalahi aki aeni, oku tubu i he kovi.
38Kuo mou fanogo nae lea behe, Ke totogi aki ae mata ae mata, moe nifo ae nifo: 39Ka oku ou tala atu kiate kimoutolu, Ke oua naa mou talia ha taha agakovi: ka ko ia te ne jibi‘i ho kouahe toomatau, fulihi atu foki kiate ia ho kouahe e taha. 40Bea kabau e loto ha taha ke fakamāu koe, ka ne ma‘u ai ho kofutua, tuku ke ne ma‘u mo ho bulubulu foki. 41Bea ko ia e fakafiu‘i koe ke mo o mo ia i he maile e taha, alu mo ia i he maile e ua. 42Foaki kiate ia oku kole kiate koe, bea oua naa fulitua kiate ia oku fie no meiate koe.
43Kuo mou fanogo nae lea behe, Ke ke ofa ki ho kaugaabi, kae fehia ki ho fili. 44Ka oku ou tala atu kiate kimoutolu, Ofa ki ho mou gaahi fili, tabuaki‘i akinautolu oku kabe‘i akimoutolu, fai lelei kiate kinautolu oku fehia kiate kimoutolu, bea hufia akinautolu oku fai kovi mo fakataga kiate kimoutolu; 45Koeuhi ke mou tāu moe fānau a hoo mou Tamai aia oku i he lagi: he oku ne bule ke hobo ene laa ki he agakovi moe agalelei, bea oku ne tuku ae uha ki he agatonu moe taeagatonu. 46He kabau oku mou ofa kiate kinautolu oku ofa kiate kimoutolu, koeha ae totogi te mou ma‘u? he ikai oku fai behe ae kau tanaki tukuhau? 47Bea kabau oku mou feofoofani mo ho mou kaiga be, oku lelei lahi hake ia? he ikai oku behe ae kau tanaki tukuhau? 48Koia ke haohaoa akimoutolu he oku haohaoa a hoo mou Tamai oku he lagi.

Currently Selected:

E MATIU 5: TWB

Highlight

Share

Copy

None

Want to have your highlights saved across all your devices? Sign up or sign in