Maatewos 16
16
Akka Yesus Akeeka Warraa Kennu Dide
(Mar. 8:11-13; Luq. 12:54-56)
1 #
Mat. 12:38; Luq. 11:16 Fariisotaa fi Saduqootii akka silaa ilaallattu gara isaa dhuftee, “Akeeka Waaqaa gubbaa nu garsiisa” jetteen. 2Yesus deebisee warraan, “Yo aduun dhiitee galchuun diimate, ‘Bor bokka'ii hinroobu’ jettan. 3Diirama ammoo, waan duumansii gurraatta'ee dhudhuffa'eef ‘Bokka'ii in rooba’ jettan. Isan waan gubbaa hinbeettanii, ammoo akeeka bara kanaa gargarii barachuu inbeettan. 4#Mat. 12:39; Luq. 11:29 Dhalootii hamaan Waaqaa didu kunin akeeka mamaa, barbaada ka Yoonaasii male akeekii mamaa ka anin nama garsiisu hinjiru” jedheen. Duuba ka'ee warra biraa itti dhaabate.
Waan Barsiisa Bukoo
(Mar. 8:14-21)
5Jarii isaa gama galaanaatti taakkinaan, qixxaa tokkoollee fudhachuu dedhe. 6#Luq. 12:1 Yesus warraan, “Bukoo Fariisotaa fi ta Saduqootaa eegadhaa” jedhe. 7Jennaan jarii isaa waliin haasa'ee, “Nu qixxaan hindhumne” jedhe. 8Yesus waan kaan beennaan, “Dhugeeffachaan teessan waan diqqoo. Maaf, ‘Nu qixxaa hinqamnu’ jettanii haasoftan? 9#Mat. 14:17-21 Isan ammallee hinhubattanii? Qixxaa shan ka namii kuma shanii nyaatee, hambaa daduu hagam akka walitti guurtan hinqaabattanii? 10#Mat. 15:34-38 Yokaan qixxaa torbaan ka namii kuma afurii nyaatee hinqaabattanii? Ammallee hambaa daduu hagamii walitti guurtan? 11Akkam akka anin waan qixxaa dubbachuutti hinjirre hinhubanne ree? Bukoo Fariisootaa fi ta Saduqootaa eegadhaa” jedhe. 12Jennaan akka innii Bukoo qixxaa ta Fariisootaa fi ta Saduqootaa hinbaannee, ammoo barsiisa Fariisootaa fi ta Saduqootaa eegadhaa jedheen hubatan.
Akka Phexros, “Atin Kiristoos” Yesusiin Jedhe.
(Mar. 8:27-30; Luq. 9:18-21)
13Duuba Yesus lafa Qiisaariyaa Filiphos dhumnaan, “Biyyitii, ilma namaatiin eennu jetti?” jedhee jara ufii gaafate. 14#Mat. 14:1-2; Mar. 6:14-15; Luq. 9:7-8 Jennaan warrii, “Hagii tokko, Yoh. aannis nama cuuphu jette, ta garii, Eliyaas jette, ta garii, ammoo Ermiyaas yokaan raaga durii tokko jette” jedhe. 15Jennaan Yesus warraan, “Isan ammoo eennu naan jettan?” jedhe. 16#Yoh. 6:68-69 Simoon Phexros deebisee, “Atin Kiristoos, ilma Waaqaa jiruuti” jedhe.
17Yesus isaa deebisee, “Kaayooteeti, Simoon, ilma Yoonaa. Nafaa fi dhiigii waan kana sitti hinmullimne, ammoo Abbaa kiyya ka gubbaa jiruutti sitti mullise. 18Anin sitti himaa maqaan kee Phexros yokaan dhakaa, anin dhakaa kana gubbatti gumii tiyya jaara. Dooti dandeettee jabeennaan si hindabsattu. 19#Mat. 18:18; Yoh. 20:23 Furaa Mootummaa Waaqaa sitti kenna; waan atin lafa tana irratti hiite Waaqaa gubbaalletti hidhan, waan atin lafatti hiikte Waaqaa gubbaalleetti hiikan” jedhe. 20Jennaan Yesus jara ergamtoota isaa cufaatti seeree, “Akka anin Kiristoos nama tokkoolleetti hinhiminaa” jedheen.
Akka Yesus Waan du'a Ufii Dubbate
(Mar. 8:31—9:1; Luq. 9:22-27)
21Eegii sun Yesus diideessee jara ufiitti himee, “Anin Yerusaalem dhaquu male. Harka jaaroleetti, harka qaallolee gugurdootii fi jara seera beekuutti gaargala. Ammallee na ijjeessanii, guyyaa sadeessoo ka'uu male” jedhe. 22Jennaan Phexros kophaatti yaamee, “Waaqii sii didinna, Aabboo, wantii kun ta'uu hinmalle” jedheen. 23Yesus ammoo garagalee, “Na biraa deem, Sheexana; atin na gufachiiftaa, herregii kee ka namaa malee ka Waaqaatiinitii” jedheen.
Akka Yesus, “Ufi mormadhaa” jedhe.
24 #
Mat. 10:38; Luq. 14:27 Jennaan Yesus jara ufiitiin, “Namii tokkoolleen yo na gula deemuu fedhe ha ufii mormatee, fannoo ufii baatee na gula deemuutii. 25Wantii akkanaatiif namii jireenna ufii baasuu fedhu cuftii hindhaba; namii ammoo jireenna ufii naa jedhee balleessu inargata. 26Yo waan lafaa cufa argatte ammoo jireenna ufii dhaban, maan namaa baati? Namii maan danda'ee gatii jireenna ufiitii baasa? 27#Mat. 25:31; Rom. 2:6 Ilmii namaa ergamtoota ufii waliin guddinna Abbaatiin dhufuu jira, nama cufa duuba hujii isaa gula waan isaa malee kennaaf. 28Dhugumaa, waan anin isaniin jedhu, jara arma ejaajju kana keessa nama haga ilmii namaa guddinna ufiitiin dhufuutti hindooneetti jira” jedhe.
Currently Selected:
Maatewos 16: KakHaa
Highlight
Share
Copy
Want to have your highlights saved across all your devices? Sign up or sign in