Luqaas 19
19
Yesus Fi Zakewos
1Yesus Yerikoo seenee dira keessa dabre. 2Nama Zakewos jedhan tokkotti achi jira, innii guddaa warra qaraxa guuruuti, ammallee dureessa. 3Innii Yesus barbaadee akka innii jiru arguu fedhee, ammoo marroo nama gabaabaa ta'eef, ammallee marroo guddinna gumitiif arguu dadhabe. 4Innii akka Yesus karaa suniin dabru dhageennaan utaalee dura dabree akka isa argu odaa tokko kore. 5Yesus achi geennaan gubbaa olmillatee isa argee, “Zakewos, hurrisii gad bu'i, anin ardha mana kankee ooluu malee!” jedheen. 6Innii hurrisee gabu'ee gammachuun mana ufiitti yaame. 7Namii arge cuftii, “Innii yaayyuu mana nama cubbichaa olseene” jedhee gugungume. 8Zakewos ammoo ol ka'ee Aabboon, “laal Aabboo, anin horii kiyya keessaa gama tokko hiyyeeyyii qoodaa, anin yo nama tokkoollee horii dabaan irraa fudhadhe, marroo afurii deebisaaf” jedhe. 9Yesus deebiseefii, “Waan atin ilma Abrahaam taateef ardha baafamii la mana kana dhufe. 10#Mat. 18:11 Wantii akkanatiif ilmii namaa ka bade barbaadee baasuu dhufe” jedhe.
Mammaassa Hojjattoota Kudhanii
(Mat. 25:14-30)
11Adoo warrii dubbii isaa dhaga'uu jiruu, Yesus waan Yerusaalemitti dhi'aateef, ammallee waan warrii waan mootummaan Waaqaa yoosuma mullattu se'eef mammaassa kana warratti hime. 12Duuba Yesus, “Namichii guddaan tokko akka hayyooma argatee deebi'u imaltuu lafa fagoo dhaqe. 13Innii hojjattotaa ufii kudhan yaamee namuu qarshii kuma tokkoo itti keennee, ‘Haga anin galuutti horii kanaan daldala’ jedhe. 14Warrii lafa sunii ammoo isa jibbee, ‘Akka namii kun hayyuu keenna ta'u nu hinfeenu’ jedhee jaarrolee faana isaa erge.”
15“Innii hayyummaa ufii fudhatee gallaan, waan daldalee warrii argate laluuf hojjattoota horii itti kenne taan yaame. 16Namichii qaraa dhufee, ‘Aabboo, qarshii tantee ta atin na kenniteen hojjadhee la marroo kudhan dhalte’ jedhe. 17Hayyichii, ‘Akka dansaa tolchitee, atin hojjataa dansaa! Waan nama dhugaa taatee waan diqqqoo guutteef dira kudhan moohadhu’ jedheen. 18Namichii lameessoo dhufee, ‘Aabboo, qarshii tantee ta atin na kenniteen hojjadhee la marroo shan dhalte’ jedhe. 19Jennaan innii isaalleen, ‘Atinlleen dira shan moohadhu’ jedhe. 20-21Namichii sadeessoo dhufee, ‘Aabboo laal, waan atin nama naasuu hinqamne ka waan namaa fudhatu, ka oobruu namaa muratu taateef, si sodaadhee bututtuun hidhee olka'ee qarshiin tantee tanaa’ jedhe. 22Innii ammoo, ‘Atin hojjataa hamaa! Anin jecha keetiin wallaala sitti mura! Ati akka anin naasuu hinqabuu waan namaa fudhadhee, midhaan namaa muradhu yo beettee, 23Maaf horii kiyya fulaa innii wa naa daruufii ol hinka'iin ree? adoo silaa akkas tolichitee, anin yo galu, horii kiyyaa fi waan irra dhufaallee waliin fudhadhaa’ jedhe. 24Jennaan warra dhaattuu ejaajju kaaniin, ‘Qarshii irraa fuudhaa namicha kuma kudhan qabu kaanii kennaa’ jedhe. 25Warrii ammoo, ‘Aabboo, innii qaraa qarshii kuma kudhanii qaba’ jedhe. 26#Mat. 13:12; Mar. 4:25; Luq. 8:18 Yesus ammoo, anin isanitti himaa, nama qabu cufaa itti daraniif, ka homaa hinqamne ammoo waan diqqqoo innii qabuullee irraa fuudhan. 27#Mat. 25:14-30 ‘Ammallee nyaapha kiyya kaan, ka akka anin moohadhu dide, armaan koottaa na duratti gogorraa’ ” jedhe.
Akk Yesus Yerusaalem Seene
(Mat. 21:1-11; Mar. 11:1-11; Yoh. 12:12-19)
28Waan kana jennaan Yesus dura deemee Yerusaalemitti olqabate. 29Betfaagee fi Bitaaniyatti, gaara, “Gaara Ejersaa” jedhaniitti, dhi'aannaan jara isaa keessaa lama ufi dura ergee, 30“Haga ollaa isan duraa sun yaa'aa, yo achiin baatan bukura harree ka namii takka irra hintaa'in argitanii, hiikaa koottaan. 31Yo namii, ‘Maaf hiittan?’ isaniin jedhee, ‘Aabbootti fedha’ jedhaa” jedhe. 32Jarii ergan kaan ka'ee yaa'ee akkuma innii itti hime arge. 33Adoo warrii bukura kaan hiikuu, abbootiin, “Maaf bukura hiittan?” jetteenii gaafate. 34Warrii ammoo, “Aabbootti fedha” jedhee deebiseef. 35Jennaan Yesustiin dhufanii, wayaa ufii bukura gubbaa raranii Yesus yaabbachiisan. 36Adoo innii gulufuu, biyyitii wayaa isaanii karaa innii deemu irratti afteef. 37Innii kooffee Gaara Ejersaa jedhanitti dhi'aannaan, marroo waan mamaa kana garteef, gumiin jara isaa guddoon gammachuun qoonqoo olfudhatee Waaqaa faarsitee, 38“Hayyuun maqaa Waaqaatin dhufu ka eebbifame! Nagaa fi guddinnii Waaqaa gubbaatti ha ta'u!” jedhan. 39Jennaan Fariisotii garii, ta gumii keessa jirtuu, Yesusiin, “Aabboo, jara kankee kanaan, callisaa jedhi!” jetteen. 40Yesus ammoo, “Anin isanitti himaa, Yo silaa gumiin tun callifte, dhakaayyeen tun iniyyiti” warraan jedhe.
Akka Yesus Yerusaalemii Boo'e
41Yesus diraatti dhi'aatee, dira arginaan boo'ee, 42“Atin adoo silaa guyyaa kana waan nagaa lafa tanaatiin dhufaa beettee, guddoo dansaa! Amma ammoo la si dhossan, 43Guyyaan, nyaaphii kankee dalla sitti jaaree, si marsee ba'uu si dhowwu indhufa. 44Waan atin guyyaa Waaqii dhufee si baasuu hinbeenneef, nyaaphii kankee sii fi ijoollee tantee ta si keessa jirtuullee irreen lafa isan harcaasa, duuba dhakaa kankee kana tokkoollee walirratti hinhambisan” jedhe.
Waan Yesus Mana Waaqaa Keessatti Hojjate
(Mat. 21:12-17; Mar. 11:15-19; Yoh. 2:13-22)
45Yesus Mana Waaqaa seenee nama keessatti wa gurguratu alatti gussee, 46“‘Manii kiyya mana Waaqaa itti kadhatan’ jedhanii la barreessan, isan ammoo ya goda hattuu tolchittan” jedhe. 47#Luq. 21:37 Innii guyyaa cufa Mana Waaqaa keessatti barsiisa. Qaallolee gugurdoo fi jara seera beekuu maanguddoota biyya ida'atanii karaa isaan ijjeessan barbaadan. 48Ammoo marroo namii cuftii dubbii isaa gurra tokkoon caqasuu jiruuf waan isa tolchan dhaban.
Currently Selected:
Luqaas 19: KakHaa
Highlight
Share
Copy
Want to have your highlights saved across all your devices? Sign up or sign in