Malaquías 4
4
Ñanderuete ára oúta
1Ñanderuete he’i: Cháke, og̃uahẽ ramo upe ára upéva tatakuáicha hendýta, ha opavave oñembotuicháva guive ha mayma tembiapo vai ojapóva guive okáita ku ñana pirukuéicha ha mba’eve nahembymo’ãi, ndopytamo’ãi yvyra rakã, ha hapokuéra jepeve okaipáta.
2Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.
3Upe ára, Che ambosako’íva, peẽ pepyrũmbáta umi iñañáva rehe ha oikóta hikuái ku tanimbúicha pende py guýpe, he’i ángel atykuéra Jára.
4Peñemomandu’ákena che rembiguái Moises ñe’ẽ rehe, Che ame’ẽva’ekue ichupe Horeb cérrope pene rembiapoukapy, peẽ Israel retãyguakuérape pejapo hag̃ua hekoitépe.
5Pema’ẽ porãke, Che amboúta peẽme pe proféta Elías, og̃uahẽ mboyve pende Ruete ára, pe araguasuete ningo oporomongyhyjeitereíta.
6Ha’e ombojevýta umi túva py’apy ita’yrakuéra gotýo, ha ta’yrakuéra py’apy ituvakuéra gotýo. Cháke anítei ág̃a Che ajuha ára ambyai tetãyguakuérape maldiciónpe.
Currently Selected:
Malaquías 4: ÑÑP2015
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.