Smnlean 15
15
Utux Baro we Psdehu daha Abram
1Bobo na nii, kari Utux Tmninun meyah Abram meniq ckceka tuutux, rmengo: “Abram, iya kiicu! Qeerung su ka yaku ma, biqun misu paru snadu.” 2Kiya de rmengo ka Abram: “Utux Tmninun Bukung! Uka laqi mu ka yaku. Biqun saku snadu ma maanu ka brihun? Rmirih sapah mu we wano Eliejer seediq Darmeseq.” 3Rmengo dungal ka Abram: “Tai, ini saku biqi laqi. Qtai, seediq mntuting sapah mu, kiya we kiya mplutuc kenan.” 4Tai, kari Utux Tmninun meyah heya dungal, rmengo: “Seediq nii we uxe mplutuc isu. Mntuting peeyah bale isu ka maha lmutuc sunan.” 5Kiya de Utux Tmninun we desun na nganguc, rmengo: “Psquri karac baro mita, sai smepu ka pngerah, qqhdeun su smepu peni?” Rmengo heya dungal: “Maha so kiya ka laqi mplutuc isu uri.” 6Snhii Utux Tmninun ka Abram, Utux Tmninun de ngalan na msderux noda ka heya.
7Rmengo heya dungal ka Utux Tmninun: “Yaku we Utux Tmninun, dmnudul sunan peeyah Ur dxeral Krdiya. So mu sbege sunan mptmpusu dnoi su ka dxeral nii.” 8Rmengo ka Abram: “Utux Tmninun Bukung, huwa mu kesun mkela maha mu ngalun pusu dnoi mu ka dxeral nii ho?” 9Rmengo heya ka Utux Tmninun: “Isu ge, desi ku hiya 1 ka 3 knkawas wawa bubu dapa, 1 ka 3 knkawas bubu miric, 1 ka 3 knkawas baus miric, 1 derang ma 1 wawa byugu.” 10Abram we desun na kana ka nii de, tgdhai na kmeruc peeyah ckceka, prrulun na pbbege berah peeniq hiya. Wano qbheni ka ini na tgdhai. 11Meyah ka qbheni rehaq, staril bobo heyi kneruc de, lmiwaq dheya ka Abram.
12Priyax hido ma mnkuung ciida, kchungi mtaqi ka Abram da. Tai, niqan paru ba mnkuung so smiicu meyah mtuting heyi na. 13Rmengo Abram ka Utux Tmninun: “Kkela bale ka isu, lqlaqi ltlutuc su nexal we maha tnooda dxeral seediq icil, ttqliyan dseediq hiya ka dheya. Seediq hiya we maha daha trqilun betaq 4'00 knkawas. 14Kiya de pkdraun mu ka qnlhangan mnangal tnqliyan dheya. Bobo na de mplatac hiya ka dheya ma maadis egu bale qyqeya daha. 15Quri so isu we, maha su mtbleyaq dehuk ddrudan su ccbeyo hiya, mpqbsiyaq ka knuudus su, kiya de skuun su daha. 16Bobo betaq 4 knxalan, mpbrinah namu meyah hini, ado qnquwan noda seediq Amori we ini kstenge na.”
17Priyax ka hido ma mnkuung ka karac ciida, tai, niqan ka rqeda tqrengul ma srana ka puniq moda cenga heyi kneruc. 18Ali ba ciida, Utux Tmninun we psdehu daha Abram ka heya, rmengo: “Wada mu sbege laqi ltlutuc su ka dxeral nii, kiya ka peeyah yayung Micrayim betaq yayung Paru ma, yayung Euhrates. 19Kiya ka dxeral dseediq Qeyniy, Qenijiy, Qadmoniy, 20Xet, Perijiy, Ripayim, 21Amori, Kenaan, Girgas ma Yebus.”
Currently Selected:
Smnlean 15: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020