Mako Kutontolola
Kutontolola
Ncango zaziwahe atikita Mako zinatatiki na byambo bikwamba ngayi, “Eze nizo ncango zaziwahe za Yeshu Kilishitu, Mwana Nyambi.” Yeshu unamoneke kwinga muntu wa milimo nawa ndayano. Ndayano zendi zinamoneke munebye alongeshele na mu ngovu zendi ha mayimbwe naha kuyatila wubi wa bantu. Yeshu unalitoyo niye mwine ngayi niye Mwana Muntu uya wezile mu kupana wumi wendi ngayi ashobole bantu ku wubi.
Mako unamoneshe byambo bya Yeshu mu nzila ya kululama iya yili na ngovu, unashumishi ha biya atendele Yeshu kupitakana biya ambile hinge biya alongeshele. Munyima ya kwamba shashishe ha bya Yowano Mukakuzubilisha na bya kuzubilisha Yeshu na bya kwezekiwa kwendi, Mako mu wanguwangu unatatiki kwamba bya mulimo wa Yeshu wakunyongomanisha nawa ku longesha. Oho shikati shapitile, bandongesha ba Yeshu bamuyuvwishishile shiwahe, ngoboni baya bakananganishilenga Yeshu, bamuzimbile shikuma. Matapululo amamaninino, aku monesha ebye byatendiwile kuli Yeshu mu Shunda ya mamaninino ha wumi wendi hano hanci, shinene ha bya kukolekiwa kwendi na bya ku shanguka kwendi.
Ncango zibili za mamaninino ziya zatikitiwa mukati ka bifunda bibili, ziya zili omu mu ncango zaziwahe, zikuhanganikiwila ngayi, kaliha Mako wazitikitile, ngoboni muntu washenge.
Biya Bilimo
Kutatika kwa ncango zaziwahe 1:1-13
Milimo ya Yeshu ku bantu babengi mu Ngalileya 1:14—9:50
Yeshu ukufuma ku Ngalileya ukuya ku Yelushalema 10:1-52
Shunda ya mamaninino mu Yelushalema 11:1—15:47
Yeshu ukushanguka 16:1-8
Mwene ukuliholola kami ukuya muyilu 16:9-20
Currently Selected:
Mako Kutontolola: LLK
Highlight
Share
Copy
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.