Mako 7
7
Evi vyeji kujilululanga vatu
(Mat 15:1-20)
1Jino omu vaFwaliseu navaka-kusoneka vamwe vafumine kuYelusalema vaungile kuli Ikiye,
2vamwene tumbaji twenyi vamwe vali nakulya mbolo #Luka 11:38namavoko akuzeneka kutomesa mwaya vilika vyavo, kuli vakiko chapwa kuzeneka kusanako.
3(Mwomwo vaFwaliseu navaYuleya vosena, hakulya kuvanga vasane kumavoko avo mwaya vilika vyavo. Mwomwo #Ngal 1:14valama ovyo vavaselelele vakakuluka javo.
4Kaha hakufuma kuchilanjilo, kaveshi kulyako kuvanga vanasane kumavoko. Kaha kwatwama vyeka vyavivulu vavahanyine vakakuluka javo kulama, vyakufwana nge kukosa-kosa jipasa najindeho namalonga aunengu nahausendavalilo.)
5Jino vaFwaliseu navaka-kusoneka vamuhulishile ngwavo, Mwomwo ika tumbaji twove vazeneka kulinga mwaya #Ngal 1:14vize vátuselelele vakakuluka jetu, oloze veji kulyanga namavoko akuzeneka kutomesa mwaya vilika vyetu?
6Ikiye avambile ngwenyi, Isaya apolofwetele kanawa hali enu vaka-kulyonga, ngana muze vasoneka ngwavo,
#
Isa 29:13
Muyachi ou wanguvumbika namivumbo kaha,
Oloze michima yavo yili kwakusuku nayAmi,
7Valifukula kuli Ami mwaufwefwelekete,
Mwomwo veji kunangulanga jishimbi javatu nge hikunangula chamwenemwene.
8Enu mweji kusezanga Jishimbi jaKalunga nakukakachila ovyo vamiselelele vakakuluka jenu kulama.
9Kaha avambile ngwenyi, Enu mwatwama najila yakulyongela yakukanyinamo Jishimbi jaKalunga, mangana muzamishilemo ovyo vamiselelele vakakuluka jenu kulama!
10Mwomwo Mose ambile ngwenyi,
#
Kulo 20:12; Lush 5:16 Vumbikanga iso nanoko.
Kaha nawa ngwenyi,
#
Kulo 21:17; Levi 20:9 Weshowo mwasaula ise chipwe naye, kuvanga afwenga vene.
11Oloze enu mwamba ngwenu, Nge umwe mwalweza ise chipwe naye ngwenyi, Cheshocho ngwatelanga kukuhana ulikafwe nacho, chinapu Kolovane, (nge ngwenyi wana wakuhana Kalunga),
12kaha kamweshi kumwitavisa cheka akafwe ise chipwe naye nachumako.
13Ngocho mweji kuleununanga mazu aKalunga hakulinjilila ovyo vamiselelele vakakuluka jenu kulama nakuvinungulwila vana venu nawa. Kaha kuli vyavivulu vyangocho mweji kulinganga.
14Kaha omu asanyikile cheka lize lizavu, avambile ngwenyi, Ngwivwililenu muvosena mangana chimilumbunukile —
15kakweshi chuma chakuweluka wamutu, nachihasa kwingila muli ikiye nakumujilululako. Oloze ovyo navilovoka muli mutu, vikiko navimujilulula.
16[Nge mutu ali namatwitwi akwivwa, evwilile.]
17Omu asezele lize lizavu nakwingila muzuvo, tumbaji twenyi vamuhulishile chishimo kana.
18Kaha avambile ngwenyi, Kumana nayenu nawa muli nauhukuma? Kumana kachamilumbunukila ngwenu cheshocho chakuweluka nachingila muli mutu kacheshi kuhasa kumujilululako tahi?
19Mwomwo kacheshi kwingila mumuchimako oloze mujimo, kaha nachifumamo nakuya muwina. (Hakuhanjika ngocho, #Loma 14:1-12; Kolo 2:16; Luka 11:41ajilulwile vyakulya vyosena.)
20Kaha avalwezele ngwenyi, Ocho nachilovoka muli mutu, chikiko nachimujilulula.
21Mwomwo mutulo, mumuchima wamutu, mukiko mweji kufuminyinanga vishinganyeka vyavipi, naujila, nawiji, nakujiha vatu, namakoji,
22nalukamakama#7:22 Nge ngwavo, muchima wakulikangila vyosena vipwenga vyenyi., naupapwoki, namakuli, nakuzunguma, #Mat 6:23; 20:15nalwiso, nakusaula vatu, nautangalaji, nauleya.
23Vyavipi vyosena evi, vyeji kufuminyinanga mutulo yamutu nakumujilulula.
Lufwelelo lwapwevo waku Sulya-Fwenyisha
(Mat 15:21-28)
24Kaha akatukile kuze nakuya kungalila yaTule [naShitone]. Engilile muzuvo yimwe, kaha kasakile mutu naumwe kuchitachikizako, oloze kahashile kuliswekako.
25Chipwe ngocho, hahaze vene vamwivwile kuli pwevo ápwile namwanenyi wamundende wapwevo ápwile nashipilitu waunyengwe. Kaha ayileko nakulimbila kumahinji enyi.
26Uze pwevo apwile kaHelase wakumuyachi wava Sulya-Fwenyisha. Kaha amulembelele ngwenyi alovole uze ndemone muli mwanenyi.
27Kaha Yesu amwambile ngwenyi, Vavangile kulisa vana vekute, mwomwo kachawaha kumbata kulya chavana nakuchimbilila tuwako.
28Oloze uze pwevo amukumbulwile ngwenyi, Mukiko vene ove Mwata. Chipwe ngocho tuwa nawa váli mwishi yamesa, veji kulyanga wangululu wakufuma kukulya chavana.
29Jino Yesu amwambile ngwenyi, Halizu unahanjika, liyilenga kwove. Ndemone namulovoka lyehi mwanove.
30 Uze pwevo ayile kuzuvo yenyi, kaha awanyine mwanenyi nasavala hakahela, nauze ndemone namulovoka lyehi.
Yesu mwahindula kaveveve
31 Yesu ahilukile kufuma kungalila yaTule, apulasanyine muShitone nakuheta kuchijiva chaNgalileya, mungalila yaNdekapole.
32Vamutwalilile kaveveve nakumulembelela ngwavo #5:23amunangike livoko.
33 #
8:23
Omu amutwalile kwakuhengama kufuma kulize lizavu, Yesu engishile minwe yenyi mumatwitwi auze kaveveve, kaha omu afwijile maleji, himwamukwata halilimi.
34Kaha hakutala mwilu alishishimwine, himwamwamba ngwenyi, Efwata, nge ngwenyi, Jikuka!
35Kaha hahaze vene matwitwi enyi ajikukile, lilimi lyenyi lyasovokele, kaha ahanjikile kanawa.
36 Yesu #1:44; 5:43; Mat 8:4avakanjile ngwenyi, Kanda mulwezako chipwe umweko. Oloze hakutwalililaho kuvakanda, hakiko vachitanjishile mwakuhambakana.
37Kaha valikomokelele chikumakuma, nakwamba ngwavo, Nalingi vyosena kanawa. Eji kulingisanga natuveveve vevwenga, natumama vahanjike.
Currently Selected:
Mako 7: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia