Zákaryâ 13
13
1Óburúkpâbí mú o/rêe o-shwôm o/raa o/fu, ké nkéré mú nkéré ámu oo/fyi, n/chi m-bâa mbyí-omu mú o/chi o-soo kyikû-banet ńkyí Otu Dívit ne banet ḿbé Jerúsélem ké byibî ebe ne bakye ebe ḿbé mbe ba-sháng ng. 2Ké nkéré ámu, me n/chi n-fîm azîn nyí erím-bakye a-byí ké esí ebe, ne onet o*fí mú o/chi o-chîzîim kányí*. Me n/chi m-man ne nang yeě mú mu o-bwom m o/fu, nyǐ o-chi i mkpábé mú odasét byiraa ejí, ne n/chi n-fîm okabe mú banet badatî ba/fu, mbé ba-sháng ng bakye. 3Â nang yeě kâng nké o/chîtú dyishí o/fu, nyǐ o-sét ng byiraa-ekpábé, bonchí emen ne boné emen ba/chi ba-sét ǎ ba/fu, ba-man ba-ju ǒ, ké nǎ, onet ámu mu o-bwom m o/fu, nyǐ mu o-sét ng byiraa ḿbyí Óburúkpâbí, nké mu o-sét ng byisédéng. Ké nkéré mú o-kú o-sét ng byiraa-ekpábé ámbyi, bonchí emen ne boné emen ba/chi ba-kpet ǎ ba-ju. 4Ké nkéré mú nkéré ámu oo/fyi, mkpábé mú odasét byiraa ejí nang obónge oo*ba/chi o-tông byiko ké byěm-akat ḿbyí odari* ne oo*ba/chi o-kûchi byěm wǎ mkpábé mú ejí* nang byídí ḿbyí mkpábé mú ejí oo*ba/chi o-fé* eringe nyí odanîm banet*. 5O/chi o-bwa o-sét o/fu, me nn*chi mkpábé mú odasét byiraa-Osówo*. Me n-chi i mkpang kyifát. Me ké kángkáng dyikpen ejí, mu m-kpang ng kyifát. 6Â onet kâng o/bí ǎ o/fu, ebóng wo amu ne byinêm ké kakim, nyǐ o/chi o-faa ǎ o/fu, n/némê ké kyise ńkyí ocín ejí.
Ba/kye Busa ba/fu, baju Mbâm Ebû mú Osówo
7Óburúkpâbí mú o/rêe o-shwôm o/raa o/fu, bûu nensang, ǎ kashwám, a-kye mbâm ebû mú mu o-chi i mě bǎmkpóngé bunwa. Ju ǎ, ne ebû e/chi e-pwôo byiryibyiryi. Me n/chi n-kye banet ejí bunwa, 8ne ké kángkáng esí ebe emúmú byikit-banet byifee ké byikit byichât ba/chi ba-kpú. 9Ne n/chi n-kan kyikit-banet kyibónge ḿbé ba/waa, ne n/chi n-soo kámbé wǎ eringe nyí okwâ-bure odasoo syílyíba. N/chi n-fwôo kámbé wǎ eringe nyí badafwôo gûl ké okwâ-bure. Mbé kâng ba/chi ba-fé nshwam ba-kye mě, ne n/chi n-jwo nshwam ebe. Me n/chi n-sét kámbé n/fu, mbé ba-chi i banet ejí, ne mbé ba/chi ba-sét ba/fu, me n-chi i Osówo ebe.
Currently Selected:
Zákaryâ 13: BKY
Highlight
Share
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985