2 Ilmakabayo 8
8
Engolongu e Yudas Makabayo
(1 Mak 3.1-26)
1Etudumunye Yudas Makabayo amanaa o lchoreta lenyena omenoto Ilyahudi Inkalifuni Ile ootaa asipak te nkirukoto enye. 2Neomon Olaitoriani metareto iltung'ana lenyena oisisiloki iloreren pooki neduaki olng'ur enkaji e Nkai naisairekenioki 3neing'urie Yerusalem nainyalaki neininig osarge oishirita eingua ninye. 4Eikilikuana sii Olaitoriani meitodolu enkiba naiba engoki eitalaku elap lelo pooki otara metuata iltungana lenyena, lelo otara inkera metuata meeta olngur nejo imba enkarueisho tialo Olaitoriani. 5Ore pee eidip Yudas ateretena enjore enye neitu eidimayu pee eitaisheikinore Ilmemurata amu ore engoro e Nkai tialo Israel neibelekenye aaku olngur. 6Nerasaki Yudas inkanas o lkerenketi nepejo. Neibung inkanas e tipat, netumoki aisulaki te nkewarie. Eyimakita iltungana le nkop pooki empijan enye. 7Neyiolou ajo kewarie esidai te rasakinoto. Neimakini empijan e Yudas te nkop pooki.
Eirriwayie Tolemi Nikanor metarasaki Yudas
(1 Mak 3.38-41)
8Ore pee eyiolou Pilipo Olgafanai le Yerusalem ajo kegira Yudas agolu anaa nkolongi netumito enkisulata e anaake, neigeroki empalai Ptolemi olagafanai le Siria kitok eomon pee engor iyieunot enyena e nkito. 9Nedumu Potlemi Nikanor olayioni le Patroklas olchore lo laiguanani nerriwa ninye osikarini inkalifuni tikitam lo nkuapi napasha metujutu Ilyahudi pooki te nkop pooki. Enyaka sii Potlemi adumu Gorgia oata enkariyiano to mbaa o sikarini lo larabal pee eiriamari te nebo o ninye. 10Eta apa olaiguanani Antioko esile o Roma, Neretena Nikonar pee elak ina sile elo amir Ilyahudi oibungi tolarabal ana irrindiki. 11Neiriwa ilkiliku ilkerenketi pooki otii embata enaiposha, nejoki kelo amir Ilyaudi pooki. Kake eitu ninye eyiolou enkiguana natushumaka Enkai ninye.
Etayiolo Yudas inkipankat e Nikanor
(1 Mak 3.42-54)
12Neyiolou Yudas ajo egira Nikanor alotoki tenebo o sikarini lenyena Yudea, neliki ilewa lenyena 13ore lelo kureti nemeirik Enkai neisik ailanyisho. 14Ore kulikae nemir imasaa enye pee eikena Enkai ajo iloishakino pee eitajeuni tialo olaruoni Nikanor otimira ninche ana isinkan enton ninye eitu eiterunye olarrabal. 15Neomon Enkai nejo, tenemeidim Enkai atokordu ninche, naa keidimayu pee ekordu ninche te nkaraki olningo oitobira tenebo o lopapa naa ore Enkai kitok enkingasia neipoto ninche aita iltungana lenyena 16Neiturur Yudas iltungana lenyena pooki ora inkalifuni ile neitkuj ninche pee mekuretu ashuu eisik ailanyisho te nedol enkumoi esiana olmemurata kake etiaka pee eitashe nerare te mpijan 17nedamu entoroni natasa ilmemurata tialo enkaji Enkai enaitanyamala Yerusalem neitu eibung inkitanapat Olyahudi. 18“Nejo Yudas Keisilig ninche imaasa olarabal o mpijan enye,” Kake kisilig iyiook Enkai magilani, oidim aidaikie enkop pooki. 19Nelo dukuya Yudas aitadamu inkoitoi nataretie Enkai ilopapa lenye: ore te rishata e Senakarib neidaikieki ilmangati inkalifuni iip nabo ontomoni siet omiet (185,000), 20ore te Babilon neponu Ilyahudi inkalifuni siet (8,000) akordu iltungana inkalifuni onguan (4,000) le Makedonia nemir inkalifuni iip nabo otikitam (120,000).
Etimira Yudas Nikanor
(1 Mak 3.55–4.27)
21Neitagol irorei le Juda ilewa lenyena nemut pee epik enkishui enye bataa te nkaraki enkirukoto enye neor enjore enye katitin onguan. 22Neitoki aut ilalashera lenyena, Simion, Yosef o Yonatan pee etum aitasheiki oltungani obo enjore o ltungana enkalifu nabo o ipmiet. 23#1 Mak 3.48Ore pee eidip aikilikuana Eliasa meisuma embuku sinyati neisho ilewa lenyena ele rorei lolarabal: “Keretu iyiook Enkai,” nerik enjore edukuya arare Nikanor. 24Ore te ngolon Enkai neer metuata iltungana inkalifuni naudo nepik ilbaa ilkumok neisik enjore pooki olmangatinta. 25Neoru impsai najo ilmangati pee einyangunye aita irindiki. Nemir ninche olamangatinta ore peemutu nerinyunye 26amu eta keiteru esaa e Sabato. 27Ore pee eidip awaita nareta pooki olmangati nepur ilotuata, neshipakino Sabato, neisis Olaitoriani neisho enashe amu etomitwuo ninche neitabaiki enkolong e Sabato, neisis Olaitoriani neisho enashe amu eyaua ninche te seriani teina olong neisho niche olmonokie le dukuya lenye lo lngur. 28Ore pee eluso enkolong e Sabato neisho imasaa nayautua inkolia o nkera okishin; neorr inatelekutua tenebo olmareita lenye. 29Netumo tenebo aomon Olaitoriani oata olngur, eikilikuan Olaitoriani pee erinyokino isinkan lenyena Lyahudi.
Etimira Yudas Timoteo o Bakides
30Neitoki enjore oo lyahudi arare enjore e Timoteo o Bakides neer metuata iltungana inkalifuni tikitam. Neibung iwuejitin kumok nenap imasaa enye neor aitoris tenebo o nkolia o nkera okishin o ltungana kituak o lelo pooki oji pee eisilisili. 31Nesotu ninche inareta pooki neisudo teneishaa, ore ikulie mali neya Yerusalem. 32Neer niche ilkitok le njore e Timoteo, oltungani lemeure Enkai oitanyamala Ilyahudi terishata naado 33Ore egira ashipakino emirishoi eye te nkanasa o lopapa lenye, nepejo eishu iltungana otapejoitie apa ikishomin enkaji e Nkai. Ore ilotuata naa Kalitenes oisudori apa te nkaji kiti, nengamu enkitamioto nanarikino te nkaraki intorok natasa. 34Ore olaruoni Nikanor oyaua ilbiasharani enkalifu nabo meinyangu Ilyahudi, 35nemiri ninye te retoto Olaitoriani ilapa tungana omen ninye aisul. Neiturra ninye irkilani lenyena neisik ailanyisho ana orindik ometabai Antiok. Enotoko ninye aidakie enjore enye olarabal. 36Ore ele lee oyieu nelaki esile enkitoria o Roma ainosie iltungana le Yerusalem, neitodolu ajo imeidimunoyu Ilyahudi. Enkai natomituo ninche amu eibunga neiruk ikitanapat naisho ninche Enkai.
Currently Selected:
2 Ilmakabayo 8: BIBLIACATHO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018