A Zakari 3
3
Vẽnegr a naasẽ soaba: Maan-kʋʋr kãsem a Zozoe
1 #
Ɛsd 5.2,
Vẽn 12.10
Sẽn-Ka-Saab wilga maam maan-kʋʋr kãsem a Zozoe sẽn yas Sẽn-Ka-Saab malɛɛkã taoore. La a Sʋtãan dag n yasa malɛɛkã nug-rɩtg n na n dõd-a. 2#Zʋʋ 1.9Sẽn-Ka-Saab malɛɛkã yeela Sʋtãanã yaa: «Sʋtãana, bɩ Sẽn-Ka-Saab leng-fo! Bɩ Sẽn-Ka-Saab sẽn yãk Zeruzalɛmã leng-fo! Rẽ yĩnga, rao-kãngã ka wẽnd raoog b sẽn yiis bugmẽ sɩda?»
3A Zozoe rag n yera fu-rẽgd n yas malɛɛkã taoore. 4Malɛɛkã yeela neb nins sẽn dag n yas a Zozoe sɛɛgẽ wã yaa: «Yees-y-yã a fu-rẽgdã!» Dẽ poore, a yeela a Zozoe yaa: «Gese, mam yiisa fo kongrã, la m na n lebs n yeelg foom tigr futu.» 5Mam yeelame yaa: «Vil-y-yã a zugã ne peen-vindg sẽn yaa yɩlemde!» Dẽ, b vila a zugã ne peen-vindg sẽn yaa yɩlemde, la b yeelg-a futu. La Sẽn-Ka-Saab malɛɛkã rag n yasa beenẽ.
6Dẽ, Sẽn-Ka-Saab malɛɛkã yeela a Zozoe yaa:
7«Saasẽ-Pãng-Soabã yetame:
‹Fo sã n tũ mam noyã, la f sak mam tõodã,
yaa foom n na n soog m doogã,
foom n na n ges m doogã zags yelle,
la mam na n kõo foom lohorem tɩ f zĩnd neb
nins sẽn be ka wã sʋka.› »
8 #
Zer 23.5, 33.15, Zaka 6.12 Maan-kʋʋr kãsem a Zozoe,
mam kot-f lame tɩ f kelge,
bɩ fo tʋmd-n-taasã sẽn zĩ fo taoorã me kelge,
bala, nin-bãmbã yaa bãnde.
Ade, mam na n kɩtame tɩ bõn-bullã
sẽn yaa mam tʋmtʋmdã wa.
9Sɩd me, mam ninga kugr a Zozoe taoore,
la kug-kãngã a yembrã zugu, nin a yopoe
n be beenẽ.
Mam mengã na n gʋlsa gʋlsem a zugu.
Yaa maam a Saasẽ-Pãng-Soabã n yeele.
Mam na n yiisa tẽn-kãngã kongrã daar
a yembr pʋgẽ.
10 #
Miis 4.4
Maam a Saasẽ-Pãng-Soabã yetame:
Badaare, yãmb na n boola taab n kẽng y
reezẽ tɩɩsã ne y kankamsã tẽngre.
Currently Selected:
A Zakari 3: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.