A Miise 6
6
Sẽn-Ka-Saab bʋʋda ne b nebã
1M kotame tɩ y kelg Sẽn-Ka-Saab sẽn yeta:
«Togs-y yẽgengã võore,
tɩ tãmsã ne kunkubã kelge!»
2Tãmse! Kelg-y Sẽn-Ka-Saab sẽn
bʋʋd ne b nebã.
Yãmb sẽn yaa tẽngã yẽbgr sẽn be
wakat fãa wã, kelg-y-yã!
Bala, maam a Sẽn-Ka-Saab rat n bʋʋ
ne m nebã,
la m tara yell ne Israyɛlle.
3Mam nebã, m maan-y-la bõe?
M nams-y-la ne bõe? Leok-y-ma!
4 #
Yik 12.50,51,
Yik 4.10-16,
Yik 15.20
Bala, mam yiisa yãmb Ezɩpt tẽnga.
Mam fãaga yãmb y yembdã pʋga.
Mam tʋma a Moyiis ne a Aarõ,
la a Miryam tɩ b wa lʋɩ yãmb taoore.
5 #
Sõd 22.2—24.25,
Zoz 3.1—4.19
Mam nebã, m kotame tɩ y tẽeg
Moaab rĩm a Balak sẽn dag n sagl
a Balaam t'a maan bũmb ningã,
la a Bewoor biig
a Balaam sẽn leok yẽnda to-to wã.
Tẽeg-y bũmb nins sẽn maan yãmb y sẽn
wa n na n pɩʋʋg Sitim n kẽng Gilgallã yelle,
tɩ yãmb tõe n bãng tɩ maam a Sẽn-Ka-Saab
sẽn maan bũmb ninsã zemsame.
6Bõe la mam na n tall n kẽng
Sẽn-Ka-Saab taoore?
M na n talla bõe n tɩ wõgemd Wẽnnaam
sẽn be saasẽ wã taoore?
Mam na n waa bãmb taoor ne maand
sẽn yõogd bugum bɩ?
Bɩ m na n waa bãmb taoor ne nag-bi
sẽn tar yʋʋmde?
7Mam sã n kõ Sẽn-Ka-Saab pe-raad tusa,
wall m kõ-b kaam sẽn yaa wʋsg wa ko-zoetem,
bãmb sũur na n yɩɩ noog bɩ?
Mam na n dɩka m bi-rẽeng n kõ-b
n paam m beegrã sugr bɩ?
Mam na n dɩka m bi-roak n kõ-b
n paam m yel-wẽnã sugri bɩ?
8Ninsaala, b kɩtame tɩ fo bãng sẽn yaa sõamã,
Sẽn-Ka-Saab sẽn dat tɩ f maan bũmb
ning bala,
yaa tɩ f maan sẽn yaa tɩrga,
la f nong maan-neere,
la f kẽn ne f Wẽnnaamã ne sik-m-menga.
Zãmb dãmbã ne nin-wẽnsã sɩbgre
9Sẽn-Ka-Saab koɛɛg moonda tẽnga pʋgẽ,
sẽn tar-b yamã zoeta bãmb yʋʋrã.
Kelg-y sɩbgr koɛɛga
10Dẽ yĩnga, mam na n sakame tɩ
nin-wẽnsã tigsd laog b sẽn paam ne
zãmbã, la bãmb tar zãmb-makdsã n
magd tɩ yikd mam sũurã?
11Mam tõe n kõ neb nins sẽn
tar-b zãmb makdsã bʋʋm sɩda?
12Tẽngã arzegs rãmb maanda wẽnga,
tẽnga neb yagda zĩrẽ,
bãmb noyã gomda belgr goamã.
13Rẽ n kɩte, tɩ mam me na n sɩbg yãmb
tɩ y namse,
la m sãam yãmb y yel-wẽnã yĩnga.
14Yãmb na n dɩɩme, la y kõn tɩg ye,
kom na n ket n tara yãmba!
Yamb na n kẽgsame,
la y kõn yã zĩig n bĩng ye,
la bũmb ning fo sẽn bĩngã,
mam na n kɩtame tɩ b zab ne yãmb n deeg-a.
15Yãmb na n bʋdame,
la y kõn kẽeb ye,
y na n wõda oliiv kaam,
la y kõn paam-a n zɛ ye,
y na n wẽka reezẽ biis koom,
la kõn yũ a reezẽ rãamã ye.
16 #
1Rĩm 16.23-28,
1Rĩm 16.29-34, 21.25,26 Nebã sakda a Omri no-tũudsã,
la b rɩkd a Akaab roogã rãmb manesmã fãa,
tɩ yãmb sakd bãmb saglsã.
Woto yĩnga, mam na n basame
tɩ y sãame, n kɩt tɩ y lebg bɛɛb laada,
la mam nebã paoogr na n lʋɩɩ yãmb zugu.
Currently Selected:
A Miise 6: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.