A Malasɩ 1
1
Sẽn-Ka-Saab nonga Israyɛll nebã
1Ad sɩbgr koɛɛg Sẽn-Ka-Saab sẽn tũnug a Malasɩ n gom ne Israyɛll nebã.
2 #
Rom 9.13
#
Eza 34.5-17, 63.1-6, Zer 49.7-22, Eze 25.12-14, 35.1-15, Amo 1.11,12, Abd 1.1-14 Sẽn-Ka-Saab yeelame yaa:
«Mam nonga yãmba.» La yãmb yetame:
«Bõe n wilgd tɩ y nonga tõndo?»
«A Ezayu dag n ka a Zakoob ba-biig sɩda?
Ne rẽ fãa, mam nonga a Zakoobe.
Maam a Sẽn-Ka-Saab n yeele.
3Mam yaool n kisga a Ezayu.
Mam kɩtame t'a tãmsã lebg zĩ-vɩɩdo,
n kɩt t'a soolmã lebg we-baasã
sẽn be we-raoogẽ wã zĩiga.»
4Maam a Saasẽ-Pãng-Soabã yetame:
Edom nebã sã n yeele:
‹B sãama tõnd tẽngã,
la tõnd na n leb n me d raboodã.›
B rat bɩ b lebs n me-a, tɩ m na n leb n wã-a lame!
B na n boola tẽngã tɩ wẽng maaneg soolem,
b na n bool-a lame tɩ buud Sẽn-Ka-Saab
sũurã sẽn puud ne wakat fãa wã.
5Yãmb nin na n yãnda bõn-kãense,
la yãmb mens na n yeelame tɩ Sẽn-Ka-Saab
yaa kãsenga,
hal baa sẽn gãndg Israyɛll todsã!
Maan-kʋʋdbã kongre
6Saasẽ-Pãng-Soabã yetame:
«Biig waoogda a ba, tɩ yamb waoogd
a Zu-soabã.
Sã n yaa tɩ mam yaa yãmb Ba,
waoogr ning b sẽn tog n waoog maamã bee yɛɛnẽ?
La sã n yaa tɩ mam yaa yãmb Zu-soaba,
zoees ning yãmb sẽn tog n zoe maamã bee yɛɛnẽ?
Yãmb a maan-kʋʋdbã paoogda mam yʋʋrã,
n yaool n sokdẽ:
‹Tõnd maana bõe n paoog yãmb yʋʋrã?›
7Ade, yãmb tallda rɩ-rẽgd n wat
m tẽn-kugrã zugu.
La y yaool n sokdẽ:
‹Tõnd maana bõe n dẽgem yãmba?›
Yaa yãmb sẽn yeel tɩ Sẽn-Ka-Saab
tẽn-kugrã yaa bõn-zaalgã.
8 #
Tõ 15.21
Yãmb sẽn talld rũng sẽn yaa zoang
n wat n na n maan maoongã,
ka bõn-wẽng sɩda?
Yãmb sẽn talld rũng sẽn yaa woabg
bɩ bãad n wat tẽn-kugrẽ wã,
ka bõn-wẽng sɩda?
Mam kotame tɩ y rɩk rũng a woto buud
n tɩ kõ y tẽngã gʋvɛrneer n gese,
a sũur na yɩ noog ne yãmba?
Yãmb tẽedame t'a na n deeg-y-la sõama sɩda?
Maam a Saasẽ-Pãng-Soab n yeele.
9Moasã, mam kot-y lame tɩ y maan
y sẽn tõe n sigs Wẽnnaam sũurã,
tɩ b tõe n zoe tõnd nimbãanega!
Bala, yellã yita yãmb nengẽ.
Bãmb na n deeg-y-la sõama sɩda?
Maam a Saasẽ-Pãng-Soabã n yeele.
10Ãnda n be yãmb sʋkã,
n na n pag Wẽnd doogã kʋɩlemse,
tɩ yãmb ra leb n yõgen bugmã mam
tẽn-kugrã zug zaalem?
Mam sũur ka noom ne yãmba,
la y kũunã me ka tat mam yam ye.
Maam a Saasẽ-Pãng-Soabã n yeele.
11Bala, sẽn sɩng yaang n tãag nin-taoore,
mam yʋʋrã yaa kãseng buud toor-toorã fãa sʋka.
B yita zĩig zãng n wat n yõogd wisd mam yʋʋrã yĩnga, la b wat ne kũun sẽn yaa yɩlemde. Bala, mam yʋʋrã yaa kãseng buud toor-toorã fãa sʋka. Maam a Saasẽ-Pãng-Soabã n yeele. 12La yãmba, yãmb paoogda maam n yetẽ: ‹Zu-soabã tẽn-kugrã yaa rẽgdo, la a sẽn wat ne rɩɩb ningã yaa bõn-zaalga.› 13La yãmb yetame tɩ y namsda y mens zaalem, la y maand y toog kae ne maam. Maam a Saasẽ-Pãng-Soabã n yeele. Yãmb sẽn talld rũms nins n wat n kõt maamã yaool n yaa wagdem dũmsi, rũm-wobse, wall rũms sẽn yaa bãad-rãmba. Kũun a woto buud la yãmb talld n wat n kõt maam! Mam na reeg yãmb nusã kũun-kãngã sɩda? Maam a Saasẽ-Pãng-Soabã n yeele. 14Kãab-wẽng bee zãmb soab zugu, yẽnda sẽn tar pe-raoog sẽn yaa sõama a rũms sʋka, n yaool n dɩk rũng sẽn tar zang n maan maoong n na n pids a pʋleng ne Zu-soabã yĩnga. Bala, maam a Saasẽ-Pãng-Soabã yetame: ‹Mam yaa rĩm-kãsenga, la mam yʋʋrã seka zoees buud toor-toorã sʋka.› »
Currently Selected:
A Malasɩ 1: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.