A Habakuki 1
1
1Ad sɩbgr koɛɛg Wẽnnaam no-rɛɛs a Habakuk sẽn deeg vẽnegr pʋgẽ.
A Habakuk boonda Wẽnnaam
2B yeelame: «Sẽn-Ka-Saabo,
mam na n kelem n boola yãmb
n kos sõngr tɩ ta dabʋre,
tɩ y yaool n kelg-ma?
Mam na n kelem n boola yãmb tɩ y
fãag-d ne wõr-taabã tɩ ta dabʋre,
tɩ y yaool n fãag-do?
3Bõe yĩng tɩ yãmb bas tɩ m yãt tʋʋm-wẽnsã,
bõe yĩng tɩ y get tõnd tɩ d be namsg pʋga?
Sãoong ne wõr-taabã gũbga maam.
Lebga zab taaba, tɩ nokoɛɛmã rãamd zẽkdẽ.
4Rẽ kɩtame, tɩ ned ba a yembr
ka leb n sakd tõogã ye.
Bʋ-tɩrg ka tol n leb n beẽ ye,
bala, nin-wẽnsã gũbga nin-tɩrga.
Rẽ kɩtame, tɩ bʋ-kɛgã reeg bʋ-tɩrsã zĩiga.»
Wẽnnaam leokre: Babilond nebã waoongo
5 #
Tʋʋm 13.41
Sẽn-Ka-Saab yeela b nebã yaa:
«Ges-y bu-zẽmsã sʋka,
ges-y tɩ y pɛleng yɩke,
tɩ yɩ lingr ne-yã.
Bala, bũmb n maand yãmb wakate,
la b sã n dag n yeel yãmba,
yãmb ka na n tẽ ye.
6 #
2Rĩm 24.2
Ade, mam na n kɩtame tɩ Kalde rãmbã
sẽn yaa nin-toose, la nin-wẽnsã paam pãnga.
Bãmb pɩʋʋgda soolem-kãsemse,
n deesd zĩis n soogdẽ,
tɩ yaool n ka bãmb dẽnd ye.
7Bu-kãng yaa bu-toaaga, la b seka zoeese.
Yẽnda viginda a meng tɩrlem ne a naam.
8Yẽnda wiidã zoees tʋʋlem yɩɩda ãbga,
bãmb zabdame n yɩɩd zaab-noor kata.
Bãmb wed-rʋʋdbã yita zĩ-zãrgẽ n fõt n watẽ,
b yɩgda wa pa-nand-tugr sẽn fõt n wat n na n
dɩk a rɩɩbo.
9Kalde rãmbã fãa watame n dat n wõre.
Bãmb naka b neng n tees tɩrg bala.
Bãmb yõga neb sẽn yaa wʋsg wa bĩisr
n maan yembse.
10Bu-kãng toog ka be ne rĩm-dãmba,
la b laada nanambse.
Bãmb ka yɛɛsd tẽms sẽn gũbg ne lals ye.
Bãmb zamda tãnd n dʋʋd n deesd tẽn-bãmba.
11Bãmb pɩʋʋgd n loogda wa sob-raoogo,
b maanda wẽnga, la bãmb pãngã n yaa b Wẽnnaam!»
No-rɛɛsã leb n kelem n boola Wẽnnaam
12Mam Wẽnnaam Sẽn-Ka-Saabo,
m Pʋ-Peelem-Soaba,
ka yãmb n sɩng n be hal kʋdem-wẽndẽ la?
Tõnd ka na n ki ye!
Sẽn-Ka-Saabo, yãmb n yãk Babilond nebã
tɩ b kao tõnd bʋʋdo.
Sẽn-Ka-Saab sẽn yaa m Pĩig Kugri,
yãmb n yãk bãmb tɩ b sɩbg tõndo.
13Yãmb ninã yaa yɩlem wʋsgo,
n ka tõe n ges wẽng ye.
Yãmb ka tõe n sak n getẽ tɩ b maand wẽngã ye.
La yaa bõe yĩng tɩ y sĩnd n get zãmb dãmbã?
Bõe yĩng tɩ yãmb sĩnd n getẽ tɩ nin-wẽng
sãamd sẽn yaa-a tɩrg n yɩɩd yẽnda wã?
14Yãmb maanda ninsaalbã
wa ko-kãsengã pʋgẽ zĩma,
y maand-b-la wa bõn-kẽndsã sẽn ka tar soaalã!
15Babilond nebã yõgda bãmb fãa
wa b sẽn yõgd zĩm ne lɛooga.
B vuuga bãmb ne gãmbr n yiisi,
n yãgsd bãmb n ningd zũnunsẽ,
n maand sũ-noog n kɩdemdẽ.
16Rẽ kɩtame, tɩ b maand maand b
gãmba wã yĩnga,
la b yõogd wisd n kõt b zũnunsã.
B yetame tɩ yaa bãmb yĩng la b paam naare,
bãmb yĩng la b paam rɩ-nood n dɩtẽ.
17Rẽ yĩnga, b na n tara b gãmba wã zukri,
la b tar buud a taabã n sãamdẽ
tɩ nimbãan-zoeer ka beẽ?
Currently Selected:
A Habakuki 1: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.