Matayo 28
28
Iruka lya Yesu
(Mar 16:1-10; Luk 24:1-12; Yoh 20:1-10)
1Naasa elyi nkonu ulya wa Sabato wamiira kwiifo kwikyaa elyi lya nkonu yeto wa mbee wa mfungare, llyo Maria wa kulya Magdala kaenda aryani na Maria ulya ungyi, vandelola mbanga ilya. 2Nalyo akakakyo kidinasi kikaira kiniini. Nyeeli nsu ulya wa Nndumi aoloka auka iruveeu. Kasha nau, kakunnya iwe lilya mbai kalyikaya. 3Na fwana yakwe ikee shaa pyai sha kimwii kya iruveeu na soori yakwe ikamika paa sha laura ya kulya kyaamwi. 4Na kimaruma kya imwiiryaa varingyi valya vakava sheelyi vamfwa. 5Naasa nsu ulya wa Iruva kaallwa kavia vaka valya, “Nta mulairyee yeni-fo! Mmbo shammanya mmbo mwiifo musiaa Yesu yeto alekapyo nsalabeny.” 6Nnakyikee-se yaa-fo, mashika annduka, shaasa aleamba. Oshony na yaa-te, mushelola ando ekee mwaare. 7Na yeni endeny na ngeta, mundevia valya vakyiloshyony vakwe, mmbo annduka. Nawe llen-te ashemwiiryaa mbee indefika kulya Galilaya, mfo kundo mushellollyaa. Akakakyo shamuvia. 8Nawo kyaangu naakyo vakakwiipoo vauka alya mbangeny vatirwa mmbweerei vakasanda na nsia. Vakarisha pyany vandekyoongoya valya vakiloshyony vakwe. 9Nalyo akakau Yesu ansha ikwaananya nawo efo shia. Kaamba, “Kaeny na ufoo vama mmbee!” Naasa vakaenda na yoo akai, vakallyingillya marende vakamoolokya na fisangu. 10Nalyo Yesu kavavia, “Nta mulairyae-fo! Endevieny vanavama wakwa vafike kulya Galilaya. Mfo kundo vasheshilollyaa.”
Mbony ta nringyi wa kifu
11Naasa elyi varie shia yeenda, akakawo varingyi valya maata vankwiipoo, vakaenda kulya muriny. Vakandevia vakohani valya vaniini mbony tilya tautika toose. 12Nawo vakakuumbya ando amwi na masiingo alya a uruka. Vakafisha kyama vakaniinngya vasikari valya fesa shiingyi, 13vakaamba, “Ambeny, ‘Valya vakiloshyony vakwe mmbo valesha kyio, vakamwiiva-fo lwiilele rony.’ 14Na kwakooya kindo ekyi kyandeitiwa kwa nshilyi wa Kaisari, neese lushemfweera-fweeraa lumuute mwaandu.” 15Naasa vakawarya fesa tilya. Vakatana shaasa valefundwa. Na kirero ekyo kyikakwaana kulya kwa Vayuda kyikafika inu.
Yesu akoora na vakiloshyony kyakwe
(Mar 16:14-18; Luk 24:36-49; Yoh 20:19-23; Mav 1:6-8)
16Naasa valya vakiloshyony ikumi na umwi vakaenda kulya Galilaya vakafika alya ifumbu-u kundo Yesu evavavasya. 17Vakalolya vakamoolokya na fisangu. Indi kukavekaa-fo na vetirwa nnyinyira. 18Na Yesu kasha na yoo vakai, karera nawo. Kavavia, “Shanniinngyo ushilyi loose lwa efo iruveeu na lwa kunu urukeny. 19Kyasia endeny mundeallwa vandu va masanga moose vave vakiloshyony vakwa mwiivabatisyaa irina lya Nde na lya Mwana na lya Mumuyo Mweele. Muvevalosha varinge efyo shilemuvavasya fyoose. 20Na yeni manyiny-te, nkaa neeni mikonu myoose kufike yoo masiiyony a ulana.”
Currently Selected:
Matayo 28: MASNT00
Highlight
Share
Copy
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.