Matyo Nəchwaakənə́ nə́ aŋwaʼlə zəənə́
Nəchwaakənə́ nə́ aŋwaʼlə zəənə́
Nkɨ yi Əshîʼnə ńdzoŋ ndzaŋ Matyo a kə ŋwaʼlə̂ nə́ wɨ́d, ə́ fiʼtə̂ lə́ anu yə əshîʼnə ńgə́ Yeso lə́ Nkwá əwɛn ndzaŋ Əsê a nə ńdaʼnə̂ nə́, lə́ yí páʼ Əsê nə ńdaŋ nə́ á ndzəm yí ńdwɛ́nkə ndaʼnə əjǐ ndzaŋ páʼ a nə́ ńdaʼnə̂ nə́ á mbô pɨ píə á mə́m Əka yi Lɛnə̂. Nkɨ yi Əshîʼnə ghɛn ə́ kě chî lə́ tsɔʼə á mbô Pəjus, páʼ pə́ nə ḿbî nə́ á Yeso a kə́ ńkwíŋə á mə́m pó lə́ pô, ə́ kə́ ńchî lə́ á mbô mbî ntsəmə.
Pə́ pyádnə ńdɔg ndɛd ńtyáatə mənuə á mə́mə aŋwaʼlə Matyo. Zə́ələ́ á tyáatə lə́ ndzaŋ pə́ nə ḿbî nə́ Yeso, ńkə̈ fiʼtə̂ anu ńté ndzaŋə a nə ńkwá nə́ nkǐ pó ndzaŋ Satanə á nə ńkwaʼlə̂ nə́ yə́, ńdaŋ ə́lɨ́d á tíʼ ńchúʼə afaʼə ajíə a mə́ sóŋ nə́ anǔəsê, ńtûə ńdzéʼkə ḿbɨ́ ńkə́ ńtsóʼə pəənə Galiliə. Ndzaŋ zəənə́ a nə ńdaŋ nə́ lə́, Nkɨ yi Əshîʼnə ə́ fiʼtə̂ anu ńté nənyi Yeso ńchwáakə á Galili ńgɛn ńkwúnə Jɛlusalɛmə, ḿbá mənu Yeso a kə ghɛd nə́ á mə́m ngab páʼ ə́ kə laŋ nə́, ńdzoŋ ḿbá ndzaŋ pə́ kə kwumtə̂ nə́ yə́, á pɨ ńkə́ ńjúmnə nəwûə.
Nkɨ yi Əshîʼnə ghɛn nəələ̂ Yeso lə́ ándó tə́kɔʼ Ndzéʼkə páʼ a túg nə́ mətəənə á mə́ tə́ nə́ sóŋə anu páʼ məntəgə́ mə́ Əsê mə́ sóŋ nə́, ńkə́ ḿbə́ ndzaŋ pə́ zéʼkə nə́ ńté Anuə Nəfoonə Əsê. Məndzeʼkə́ mɨ pə́ ghabtə̂ lə́ nə́ əliʼ pɛ́n tênə:
(1) ndzaŋ páʼ a nə sóŋ nə́ anǔəsê á ndu Nkwəənə, páʼ zə́ələ́ á sóŋ nə́ anu ńté mbɔ́ yə́, afaʼə ajíə, ńkə̈ ə́sóŋə anu ńté pɨ páʼ pó yǒ nə́ jîə Anuə Nəfoonə nəpóolə (əkəmtə 5–7);
(2) ə́fɛ̂ məntəgə́ á mbô mətû mí mə́ ntsɔb pɛ̌ ńté afaʼə azóobə́ (əkəmtə 10);
(3) ətsábnə́múʼ ńté Anuə Nəfoonə nəpóolə (əkəmtə 13);
(4) Ndzeʼkə́ ńté ndzaŋə ándó mbɔʼ ngaŋə́zoŋə́ndzəm əjí chîə, (əkəmtə 18);
(5) ndzeʼkə́ ńté ndzaŋ mbî zɨ əghâ nə́ yǒ nə́ lwigtə̂, ḿbɨ ḿbə́ nə́ ndzaŋə Anuə Nəfoonə nəpóolə á yǐ nə́ yǐəə (əkəmtə 24–25).
Ndzaŋ pə́ Ghabtə̂ nə́ Aŋwaʼlə Zəənə́
Pətǎ pə́ Yeso pó ndzaŋ pə́ nə ḿbî nə́ yə́ (1.1–2.23);
Ndzaŋ Jɔn Əfɛ̂nkǐə a nə sóŋ nə́ anǔəsê (3.1-12);
Ndzaŋ Yeso a nə ńkwá nə́ Nkǐ Satanə a tíʼ ńkwaʼlə̂ yə́ (3.13–4.11);
Ndzaŋ Yeso a nə sóŋ nə́ anǔəsê á əshîsaŋə á Galiliə (4.12–18.35);
Ə́fɛ́lə á Galili ńgɛnə̂ Jɛlusalɛm (19.1–20.34);
Ndwigtə ngeebə á mə́m Jɛlusalɛmə pópə əliʼ ə́ páatə nə́ wə́ələ́ (21.1–27.66);
Ndzaŋ Mmaʼmbîə a nə ńjúmnə nə́ nəwû ńkə́ nɨd mbɨ əjǐə (28.1-20).
Currently Selected:
Matyo Nəchwaakənə́ nə́ aŋwaʼlə zəənə́: azo
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in