Jonás 2
2
Yuli busi jamö culanö a nö
bayeli lä nacaono wei tä a̦
1Ö̦jö däjä, yuli busi jamö culanö, Jeobaa a lä bufiblano wei a lija Jonasi a nö bayeli nacaoma.
2Abenaja Jonasi a cuma.
—Ya nö yai lä beblole däjä, cafä Jeobaa wa lija ya wa̦ i̦cali fa fanö, wale a̦ fulema. Bä lä nomaö wei bä cuobä jamö ya didia waiquilanö, wale a̦ ji̦lilema. 3Modu u yai lä o̦qui wei jamö wale malä joyamaleno wei. U nofi mojodi jamö wale fe fa̦yobou nö quilioma. Bei ya fedubö ja, u bada lou loumou nö quiliama. 4Abenaja ya bufi cuma. “Fei däjä Jeobaa a lä cule jamö ya nia cuo co̦daaimi. Fei däjä ya joyamoa cadidia waiquilayoma. Cama yafi e bada lä yaile ya e dablaö co̦daaö mlaicätä”, ya bufi cuma. 5Bei ya fedubö ja, u bada comablou co̦layoma. Dalou jamö ya cuodayou däjä, cau cau bänö wale fe o̦cablalema.
6’Mau u jamö, bei macö colo lä döbocölö jamö ya cuo dodijiocölöma —a cuma—. Ö̦jö däjä, ya fa dalobaludunö, u nö quilijiodayobä jamö, ya cuo shi wa̦liobä ya cuo waiquioma. ¿Ö̦jö tawä? Ya demi cuobä tä cuono ma mlai ma cui, cafä Jeobaa bä lä bufiblale wanö, wale demi tabou fe yadioma. 7Ya bufi lä mlaafälöno wei däjä, cafä Jeobaa bä bufiblalema. Ya nö bayeli lä nacaono wei, afä yafi lä yaile jamö wale a̦ ji̦liledayoma.
8’Täbä jole lä bufiblamou wei täbä lija bä nö bayeli nacao ja, bä nö bleaaö. Cafä wa bufibobeje wa waiquiwä ma cui wa bufiboimije. 9Ö̦jö ma cui, cafä lija ya bufi a̦fa doblalou wäyämolanö, ya bä yalo dodobou wä. Bä dobäö wä, ya wa̦ nö lä wäono weinaja showawä. Täbä bayeliblamobä, cafä Jeobaa wa cua ayaa —Jonasi a cuma.
10Ö̦jö däjä, Jeobaanö yuli a fa nosiemanö, mau u casö jamö Jonasi a foblalema.
Currently Selected:
Jonás 2: GUU
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved