Sakaraya 5
5
Wauhtaya ulban lilka aihka kaikanka
1Lilka wala kumi aihka kaikri. Wauhtaya ulban kum#Isi 2.9-10; Par M 5.1; 10.9-11. pâsa ra pâli tauki kan. 2Insal ba maikabi walan: “¿Man dîa kaikisma?” Yang pana witin ra naku wîri: “Wauhtaya ulban kum pâsa ra pâli tauki ba kaikisna. Yarika ba param matsip bara bîla yahpika ba param wâl pura bakriki brisa.”
3Bara witin naku ai win: “Wauhkataya ba ra ulban sa, naha kuntrika aiska ra lahtubanka alkuya ba. Tnaya wâl ra naku ulban sa, kunin aisi impliki swer taki nani ba sut klala briaia sa. 4Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia,#Imp St 20.7,15. bara lahtubanka ba bahara ban takaskbia, watla playka nani ba sukwi âpu takbia ba kat.’ ”
Mairin kum bara kulki kaikaia kiwka lilka aihka kaikanka
5Bara insal yang wal aisi kata ba kli balan, bara naku ai win: “¡Nanara diara taki aula ba kaiks!” 6Bara yang bui witin ra makabi walri: “¿Baha ba dîa?” Witin pana ai win: “Baha sika diara kulki kaikanka tânka kum. Naha kuntrika uplika nani saura daukan ba kulki kaikanka.”
7Patakika ba lit ni prakan kan. Baha bukutban ba ra, mairin kum baha bilara iwi kan kaikri. 8Insal ba ai win: “Baha mairka sika watawika lâka ba.” Bara diara kulki kaikan ba bilara, platukbia bara litka ba ni kli pura prakbia.
9Kli kaikri ba ra, mairin wâl bal takan. Tnawa nani bri kan, bara pâsa mita aiki kan. Tnawa ba suk tara tnawa baku kan, bara patakika ba pâsa ra brih auya kan.
10Insal yang wal aisi kata ba ra makabi walri: “¿Pataki ba anira brih auya?” 11Bara pana naku ai win: “Witin nani Babilon ra mairka ba tempelka kum mâkaisa. Mâki danh takbia ba ra, playa tara kum purara mairka ba suni swibia.”
Currently Selected:
Sakaraya 5: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua