Smasmalkra 11
11
1Patam ba liura lulks;
baha ningkara piu kum lubia ra wal prawma.
2Dîa brisma ba sip sma ba kat yui bas,
kan man kaikras dîa saura kuntrikam ra aula ba.
3Kasbrika ba lî banhwan sa kaka,
laya ba tasba purara auhbia.
Dus ba yahbra ra kauhras, apia kaka waupasa ra kauhbia,
anira kauhbia ba ra, baha kat takaskbia.
4Pâsa ra kaiki ba sip mâ mangkras,
bara kasbrika ra kaiki ba sin mâ sip krikras.
5Pâsa ba anira auya man sip kaikras sma baku,#Jn 3.8. sim tuktan ai yapti biara ra aipaswi ba baku,#Law 139.13-16. man lika Gâd diara dauki ba kaikras sma, witin diara sut papaskra ba.
6Saumukkam mâ ba titan ra mangks, bara tutni ra sin mangks, kan man kaikras ani ba yamni takaia ba, tâura, apia ningkara mangkram ba wal, apia kaka wâlsut pâwan kabia.
7Yu ingnika ba pain pali sa, bara yamni sa wan nakra ba lapta ra kaikaia. 8Sakuna upla nani ba mani ailal raya iwi kra baha liliaka sut bribia, ai kupia kraukbia tihmia yua nani ba ailal kabia, bara diara nani sut aula ba bahki baman sa.
Wahma nani ra kupia kraukanka
9Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia. 10Kupiam ra trabil taki lukisma ba sut swis, bara pât wahwisma ba lulki swis, kan man wahma bara tiara sma yuam yamni ba, sut bahki man sa.
Currently Selected:
Smasmalkra 11: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua