Matayo 5
5
1Yesoni gumi arginaani gaara kore gubba tae. Jennaani jari isaa gara isaa d'ufe, 2inni worra barsiise waan jed'e,
Ayyaana d'uga
(Luka 6.20-23)
3Ayyaana worra aka garaa keesa hiyyeeyi ufi beekhu:
Finni Waaqa ka worraati!
4 #
Isa 61.2
Ayyaana worra lalefatu:
Waaqi garaa worra jabeesa!
5 #
Far 37.11
Ayyaana worra ufi diqeesu:
lafa ch'ufa d'aalani!
6 #
Isa 55.1-2
Ayyaana worra d'ugaa jed'e beelae d'eebotu:
worra akana kana inquufsani!
7Ayyaana worra naasu qabu:
worra kana inahani!
8 #
Far 24.3-4
Ayyaana worra garaa qulqullo qabu:
Waaqa inargani!
9Ayyaana worra nagaya tolchu:
ilmaani Waaqa jed'aniini!
10 #
1 Pet 3.14
Ayyaana worra d'ugaafi gaargalchani:
Finni gubbaa ka worraati!
11 #
1 Pet 4.14
Ayyaana keesani hojja beeni isani arabse gaargalche, maro tiyyaafi d'araani isani himate waan hamtu ch'ufa isaniini jed'u. 12#2 Od-dur 36.16; Huji 7.52 Hojja suni gammada, qilit'ama, gatiini teesani ta gubba jirtu waan guddo. Akuma kana raagoota duri gaargalchani.
Barsiisa waan sooddafi ifsa
(Mariko 9.50; Luka 14.34-35)
13Isani soodda lafaati. Ammo yo sooddi bushae, maaniini kura iti deebisani? Waan tokole himmalle, yo alati gagatani miilaani ira ejaanjatani male.
14 #
Yoh 8.12; 9.5 Isani ifsa lafaati. Diri gaara gubba jiru indaatu. 15#Mar 4.21; Luk 8.16; 11.33 Ifsa bobeesani qori iti ingombisani, ammo olfannisani, aka nami mana keesa jiru ch'ufti argu. 16#1 Pet 2.12 Akasuma ifsaani keesani ha nama durati ifsu, aka hujiini teesani dansaani mullatte Abba keesani ka gubba jiru guddisani.
Barsiisa waan Seera
17Waan anini barsiisa Seeratiifi ta raaga balleesu d'ufe insehiina. Anini aka balleesu ind'umne, ammo aka qit'eesu d'ufe. 18#Luk 16.17 D'uguma, waan anini isaniini jed'u, Haga lafafi gubbaani dabartuti ch'obi Seera tokoleeni indabru haga seeri ch'ufti guutamuti. 19Tanaafi nami seera didaqa kana toko ch'abse ammalle akasuma namale barsiise, Finna gubbaa keesati maand'a taha. Ammo nami Seera guute akasuma namale barsiise, Finna gubbaa keesati angafa taha. 20Waan anini isaniini jed'u, Yo d'ugaani teesani ta jara Seera beekhufi Farisayo ira injirre, dandeetani Finna gubba inargattani.
Dalansufi ijeecha
21 #
Bah 20.13; Qab-Ser 5.17 Yayu d'ageettani aka worra duritiini, Nama inijeesiina; nami nama ijeesu ch'ufti qorsuma male jed'ani. 22Ammo waan anini amma isaniini jed'u, Nami oboleesa ufiti dalanu qorsuma argachu male. Nama oboleesa ufi arabsu kora iti baasu malani; ammalle nama oboleesa ufi tuffate, Daalle daba jed'uuni, ibida keesa buusu malani. 23Tanaafi yo aka galata kanke Waaqa baaftu, fulla sorio iti qalani d'ufte, ka aka oboleesi kanke si inquumne qaabatte, fulla sorioti kai, 24waan galata baaftu lakisi deemi, qaraa fiit'e oboleesa kanke araarama kad'ad'u, eege deebii galata kanke baasi.
25Yo nami si himate koraa si yaamani, hurrisi wold'aqa yokhaani inni jaarole si kenne, jaaroleleeni askartiti si kennite, askartileeni mana hid'aansa keesa si buufti. 26D'uguma, waan anini siini jed'u, hid'aansa keesaa imbaatu haga beese ch'ufa baaftuuti.
Herega t'uri
27 #
Bah 20.14; Qab-Ser 5.18 Duri, ya d'ageettani, waan jed'ani, d'iirafi nad'eeni wolbarate gaarayu woliini intolfatini. 28Ammo waan anini isaniini jed'u, Nami d'araani nad'eeni millatu yayu garaa ufi keesati waan hamtu tolche. 29#Mat 18.9; Mar 9.47 Yo ilti tante mirgitiini si wollaalchifte, ufi keesaa baasi, gati! Yo atini ila toko d'abde ira sii jirtii, fulla nafa kanke ch'ufa ibida keesa buusani. 30#Mat 18.8; Mar 9.43 Ammalle yo harki kanke mirgichi si wollaalchise, ufira kuti, gati! Yo atini harka toko d'abde ira sii jirti, fulla nafa kanke ch'ufa ibida keesa buusani.
Waan nad'eeni ufi jala baasani
(Matayo 19.9; Mariko 10.11-12; Luka 16.18)
31 #
Qab-Ser 24.1-4; Mat 19.7; Mar 10.4 Ammalle duri waan jed'ani, Nami niiti ufi lakisu fed'u ha tatabe lakisaniini kutufi. 32#Mat 19.9; Mar 10.11-12; Luk 16.18; 1 Kor 7.10-11 Ammo waan anini isaniini jed'u, Nami niiti ufi ta d'iira d'ibi imbaranne lakise ya daba keesa isi seensise; nami isi fuud'uleeni daba tolcha.
Kakhufi dubbi d'uga
33 #
Law 19.12; Hen 30.2; Qab-Ser 23.21 Ammalle, ya d'ageettani aka worra duritiini, D'araani inkakhatiini, ammalle kakhu tante Waaqa durati guuti jed'ani. 34#Yak 5.12; Isa 66.1; Mat 23.22Ammo waan anini isaniini jed'u, Diqole inkakhatina, gubbaleeni; wonti akanatiifi isiini barch'uma Waaqati; 35#Isa 66.1; Far 48.2 yokhaani lafaleeni; isiini fulla Waaqi miila keyatu; yokhaani Yerusalemuleeni, isiini dira Hayyu Guddaati. 36Ammalle mata kankeleeni inkakhatiini; wonti akanatiifi rifeensa kanke tokole dandeete inadeesitu, yokhaani inguraateesitu. 37Wonti isani jettani ch'ufti ha Eetiifi Hiyyo ch'allaa taatu, ta tana ira Sheet'ana keesaa baati.
Waan haalooti
(Luka 6.29-30)
38 #
Bah 21.24; Law 24.20; Qab-Ser 19.21 Duri, ya d'ageettani, waan jed'ani, Nama ila nama basse, ila isaale ha bassani; ka ilkaani nama ch'abse, ka isaale ha ch'absani jed'ani. 39Ammo waan anini isaniini jed'u, nama waan hamtu isani tolchu haalo infuud'iina. Yo boqo mirgiti si d'abanaasani bitatile iti garagalfad'u. 40Ammalle yo nami toko si himate ubaara kanke siraa baafate, kootile baafad'ufi. 41Ammalle yo nami si dabse irreeni haga gabaaba si deemsise haga fago gula deemi. 42Nama wo si kad'atu kenni; ka wo liqefatu ind'owatiini.
Jaalalafi qit'ooma
(Luka 6.27-28,32-36)
43 #
Law 19.18
Duri, ya d'ageettani, waan jed'ani, Oboleesa kanke jaalad'u, nyaapa kanke jibbi. 44Ammo waan anini isaniini jed'u, Nyaapa keesani jaalad'a, nama isani gaargalchu Waaqa kad'ad'a, 45aka isani ilmaani Abba keesani ka gubba jiru taatani. Inni adu nama hamamafi dadansale baase, bokayale nama d'ugatiifi nama d'arale rooba. 46Yo nama isani jaalatu ch'alla jaalattani, gati maani Waaqa ira argattani? Worri damoosa guuruleeni akasuma tolchaniti? 47Yo oboleyaani teesani ch'alla nagaya fuutani, nama d'ibi maaniini ira jirtani? Worri Waaqa imbeenneleeni akasuma tolchaniti? 48#Law 19.2; Qab-Ser 18.13Isani qit'e tahu maltani, akuma abbaani keesani ka gubba qit'e.
Qarqaarsa qulqullo
Currently Selected:
Matayo 5: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.