Mat 3
3
Ntûmîîri ya Johana Mûbatithania
(Mar 1.1-8; Luk 3.1-18; Joh 1.19-28)
1Îgiita nî rîakinyîre rîrîa Johana Mûbatithania aambîrîrie gûtûmîîria arî rwanda rwa Judea akiugaga: 2#Mat 4.17; Mar 1.15 “Irireeni, nîkwîthîrwa ûnene bwa îgûrû bûrî akuî.” 3#Isa 40.3 Johana nîwe ûrîa kîroria Isaya aarîrie mantû jamwegiî akiugaga:
“Kajû ka muntû nî gakwigîîgua rwanda gakiugaga,
‘Thuranîreni njîra ya Mwathani,
erekanieni tûjîra twaawe.’”
4 #
2Ane 1.8
Johana eekagîra nguû yaatumi na guee ya nkamîîra na aikundîkaga mûcibi jwa mûgûûta kauna kaawe. Biakûrîa biaawe biaarî ngigî na nainchû kuuma ithakeene. 5Antû ba kuuma Jerusalemu na nthîgûrû yonthe ya Judea na ba kuuma nthîgûrû cionthe irîa ciaarî rûteere rwa mûuro jwa Jorodani, nî beetaga kîrî we, 6nabo bakaumbûra meeyia jaao na akababatithia kûu mûuroone jwa Jorodani. 7#Mat 12.34; 23.33 Îndî rîrîa oonere Afarisayo na Asadûkayo babaingî beejîte kûbatithua, arabeera atîrî, “Îbuî rûciara rwa njoka! Nûû ûbwîrîte bûmatûke îkanûkia rîa Mûrungu rîrîa rîîjîte? 8Mîîtîre yeenu na mathithio jeenu nî joonanie na mma atî nî bwirirîte. 9#Joh 8.33 Bûgaciîreni atî, ‘Tuî tûrî nchiarwa cia Abrahamu.’ Nîkwîthîrwa ndîbwîra na mma atî Mûrungu oomba gûtûma maiga jaja jakauma nchiarwa cia Abrahamu. 10#Mat 7.19 Choka nî yûkîrîîtue îrîîka mîtî kuuma mîriine. O mûtî jûrîa jûtîciaraga matuunda jameega, jûkarîkwa na jûgerwe mwankiine. 11Ni ndîbûbatithia na rûûjî kwonania atî nî bwirirîte. Îndî ûrîa wîjîte nyuma yaakwa arî na inya nkûrûki yaakwa. Ûûni ntîagîrîte gûkamata iraatû biaawe. Ûu nîwe ûkabûbatithia na Roho Ûmûtheru na mwanki. 12We arî na gîtaarû gîa kûûnga nkano aciathûrane na maûngo îtîriine nîkenda ageeka nkano nchukuune yaawe na maûngo ajaakîîrie na mwanki jûtîûmba kwoorua.”
Kûbatithua kwa Jesû
(Mar 1.9-11; Luk 3.21-22)
13Rîu Jesû nî aumîre Galili areeta mûuro jwa Jorodani kûbatithua nî Johana. 14Îndî Johana nî aagererie ûrîa oomba kûrega kûmûbatithia akiugaga, “Gwe nîgwe ûbuîrîte kûmbatithia na rîu nîka wîjîte kîrî ni?” 15Îndî Jesû aramûcokeria, “Reka gûkare ûu nandî, nîûntû ûû nîu tûkoojûria waagîru bunthe.” Rîu Johana areetîkîîria kûmûbatithia. 16O rîu Jesû abaatithua araumîra rûûjîîne na o rîo îgûrû rîrarugûka na aroona Roho wa Mûrungu eenamîte ta kîjea aramûkinya. 17#Kîam 22.2; Zab 2.7; Isa 42.1; Mat 12.18; 17.5; Mar 1.11; Luk 9.35 Kajû karauma îgûrû karauga, “Ûjû nîwe Mûtaana waakwa ûrîa mpendeete, nî ngwîragua nîwe.”
Currently Selected:
Mat 3: KIMERUBIBLE
Highlight
Share
Copy
Want to have your highlights saved across all your devices? Sign up or sign in
KIMERU BIBLE WITH DC
©Bible Society of Kenya, 2009, 218